'ഡാങ്കേ ക്ലോപ്'; സ്നേ​ഹ​ത്തി​ന്റെ​യും ഊ​ഷ്മ​ള​ത​യു​ടെ​യും ആൾരൂ​പം പ​ടി​യി​റ​ങ്ങു​മ്പോ​ൾ

ഒ​മ്പ​തു​വ​ർ​ഷം മു​മ്പ് യ​ർ​ഗ​ൻ ക്ലോ​പ് പ​രി​ശീ​ല​ക​നാ​യി വ​രു​ന്നു​വെ​ന്ന് കേ​ട്ട​തു മു​ത​ൽ ലി​വ​ർ​പൂ​ൾ ന​ഗ​രം ആ​ഘോ​ഷ​ത്തി​ലാ​യി​രു​ന്നു. ഒ​രു സൂ​പ്പ​ർ താ​ര​വും ടീ​മി​ലേ​ക്ക് എ​ത്തു​മ്പോ​ൾ ലി​വ​ർ​പൂ​ൾ ന​ഗ​ര​ത്തി​ൽ ഇ​ത്ര​യ​ധി​കം ആ​ഘോ​ഷ​ങ്ങ​ളു​ണ്ടാ​യി​രു​ന്നി​ല്ല. ന​ഗ​ര​ത്തി​ലെ കെ​ട്ടി​ട​ങ്ങ​ളി​ലെ​ല്ലാം ​ക്ലോ​പ്പി​ന്റെ ചി​ത്ര​ങ്ങ​ൾ പ​തി​ഞ്ഞു. ക്ലോ​പ്പി​ന് സ്വാ​ഗ​ത​മോ​തി ചു​വ​പ്പ​ൻ ചു​മ​ർ​കു​റി​ക​ൾ നി​റ​ഞ്ഞു. ഡോ​ർ​ട്ട്മു​ണ്ടി​ൽ വി​ജ​യ​ഗാ​ഥ​ക​ളു​മാ​യി ക​ളി​ക്ക​ള​ങ്ങ​​ളി​ൽ വൈ​ദ്യു​തി​സ്ഫു​ലിം​ഗ​മാ​യി പ​ട​ർ​ന്ന ക്ലോ​പ്പി​ന് ലി​വ​ർ​പൂ​ളി​ൽ അ​ത്ഭു​തം ആ​വ​ർ​ത്തി​ക്കാ​നാ​വു​മോ എ​ന്നാ​യി​രു​ന്നു മി​ക്ക​വ​രു​ടെ​യും സം​ശ​യം. എ​ന്നാ​ൽ ​ലി​വ​ർ​പൂ​ളി​നു വേ​ണ്ടി​യു​ള്ള അ​വ​താ​ര​പ്പി​റ​വി​യാ​ണ് ​ക്ലോ​പ്പെ​ന്ന് ആ​രാ​ധ​ക​ർ​ക്ക് സം​ശ​യ​മൊ​ന്നു​മി​ല്ലാ​യി​രു​ന്നു.

യാ​ഥാ​ർ​ഥ്യ​ബോ​ധ​വും കാ​ൽ​പ​നി​ക​ത​യും ഒ​രു​പോ​ലെ സ​ന്നി​വേ​ശി​പ്പി​ച്ച പ​രി​ശീ​ല​ക​നാ​യി​രു​ന്നു യ​ർ​ഗ​ൻ ക്ലോ​പ്. ലി​വ​ർ​പൂ​ളി​ൽ ആ​ദ്യ വാ​ർ​ത്താ​സ​മ്മേ​ള​ന​ത്തി​ൽ പ​റ​ഞ്ഞ​ത്, താ​ൻ മാ​ജി​ക്കു​കാ​ര​ന​ല്ല, പ​ക്ഷേ നാ​ലു വ​ർ​ഷ​മെ​ങ്കി​ലും ക​ഴി​ഞ്ഞ് നി​ങ്ങ​ൾ ചോ​ദി​ക്കു​മ്പോ​ൾ ലി​വ​ർ​പൂ​ൾ ഒ​രു കി​രീ​ട​മെ​ങ്കി​ലും നേ​ടി​യി​ട്ടു​ണ്ടാ​കു​മെ​ന്നാ​യി​രു​ന്നു.

പ​റ​ഞ്ഞ​തു​പോ​ലെ നാ​ലു വ​ർ​ഷം ക​ഴി​ഞ്ഞ​പ്പോ​ൾ ലി​വ​ർ​പൂ​ൾ ആ​റാ​മ​ത് ചാ​മ്പ്യ​ൻ​സ്‍ലീ​ഗ് കി​രീ​ടം നേ​ടി​യി​രു​ന്നു. 30 വ​ർ​ഷ​ത്തെ കി​രീ​ട​വ​ര​ൾ​ച്ച​ക്ക് വി​രാ​മ​മി​ട്ട് ലി​വ​ർ​പൂ​ളി​ന് പ്രീ​മി​യ​ർ ലീ​ഗ് കി​രീ​ടം നേ​ടി​ക്കൊ​ടു​ത്ത​തും ക്ലോ​പ്പി​ന്റെ കീ​ഴി​ലാ​ണ്. പ്രീ​മി​യ​ർ ലീ​ഗി​ലും ചാ​മ്പ്യ​ൻ​സ്‍ലീ​ഗി​ലു​മെ​ല്ലാം ഏ​റെ ത്ര​സി​പ്പി​ക്കു​ന്ന ​മ​ത്സ​ര​ങ്ങ​ൾ​ക്കും പോ​രാ​ട്ട​ങ്ങ​ൾ​ക്കും ലി​വ​ർ​പൂ​ൾ നേ​തൃ​ത്വം ന​ൽ​കി​യെ​ങ്കി​ലും ​ക്ലോ​പ്പി​ന്റെ വ്യ​ക്തി​പ്ര​ഭാ​വ​മാ​ണ് കി​രീ​ട നേ​ട്ട​ങ്ങ​ൾ​ക്കു​മ​പ്പു​റം ചെ​മ്പ​ട​ക്കും പ്രീ​മി​യ​ർ ലീ​ഗി​നു​മെ​ല്ലാം നേ​ട്ട​മാ​യ​ത്. സ്നേ​ഹ​ത്തി​ന്റെ​യും ഊ​ഷ്മ​ള​ത​യു​ടെ​യും ആ​ൾ​രൂ​പ​മാ​യി എ​ല്ലാ​വ​രെ​യും പ്ര​ചോ​ദി​പ്പി​ക്കു​ന്ന ഊ​ർ​ജ​ത്തി​ന്റെ പ്ര​തി​പു​രു​ഷ​നാ​യി​രു​ന്നു ക്ലോ​പ്. വി​ട​വാ​ങ്ങ​ൽ ദി​വ​സ​ത്തി​ൽ ക്ലോ​പ്പി​ന്റെ വി​ഖ്യാ​ത​മാ​യ ആ​ശ്ലേ​ഷ​ണ​ത്തി​നാ​യി ടീം​മം​ഗ​ങ്ങ​ളും ക്ല​ബ് സ്റ്റാ​ഫു​മെ​ല്ലാം കാ​ത്തി​രി​ക്കു​ക​യാ​യി​രു​ന്നു. എ​ല്ലാ​വ​രെ​യും ​ചേ​ർ​ത്തു​പി​ടി​ച്ച് മു​ന്നോ​ട്ടു കൊ​ണ്ടു​പോ​കു​ന്ന വ്യ​ക്തി​യാ​യി​രു​ന്നു. ശ​രാ​ശ​രി ടീ​മി​ൽ നി​ന്ന് ലി​വ​ർ​പൂ​ളി​നെ സു​വ​ർ​ണ കാ​ല​ത്തെ ടീ​മി​ന ഓ​ർ​മി​പ്പി​ച്ച് മി​ക​ച്ച ബ്രാ​ൻ​ഡ് ആ​ക്കി​യ​തി​നു പി​ന്നി​ലും ക്ലോ​പ്പി​ന്റെ ഈ ​സ​വി​ശേ​ഷ സ്വ​ഭാ​വം ത​ന്നെ​യാ​യി​രു​ന്നു കാ​ര​ണം. ലി​വ​ർ​പൂ​ളി​​ന്റെ മ​ത്സ​ര​ങ്ങ​ൾ​പോ​ലെ ക്ലോ​പ്പി​ന്റെ വാ​ർ​ത്ത​സ​മ്മേ​ള​ന​ങ്ങ​ളും ഏ​റെ കാ​ഴ്ച​മൂ​ല്യ​മു​ള്ള​താ​യി മാ​റി. ടെ​ഡ് ലാ​സോ എ​ന്ന പ്ര​ശ​സ്ത സീ​രി​സി​ൽ ജേ​സ​ൻ സു​ഡെ​യ്ക്കി​ൻ​സ് പ​ക​ർ​ന്നാ​ടി​യ കോ​ച്ചി​നെ സൃ​ഷ്ടി​ക്കു​ന്ന​തി​ന് ​​പ്ര​ചോ​ദ​ന​മാ​യ​ത് ക്ലോ​പ്പാ​യി​രു​ന്നു.

ലി​വ​ർ​പൂ​ളി​ൽ ക്ലോ​പ്പി​ന്റെ തു​ട​ക്കം ഒ​ട്ടും ശു​ഭ​ക​ര​മാ​യി​രു​ന്നി​ല്ല, ചാ​മ്പ്യ​ൻ​സ് ലീ​ഗ് ഉ​ൾ​പ്പെ​ടെ പ്ര​ധാ​ന​പ്പെ​ട്ട അ​ഞ്ച് ഫൈ​ന​ലു​ക​ളാ​ണ് ​തു​ട​ർ​ച്ച​യാ​യി തോ​ൽ​ക്കു​ന്ന​ത്. എ​ന്നാ​ൽ ഈ ​തോ​ൽ​വി​ക​ളി​ൽ​നി​ന്നൊ​ക്കെ സ്വ​യം മു​ക്ത​നാ​കാ​നും മു​ന്നേ​റാ​നും ടീ​മി​നെ​യും ത​ന്നെ​ത്ത​ന്നെ​യും ​​ക്ലോ​പ് പ്ര​ചോ​ദി​പ്പി​ച്ചു. ഇ​തി​നു​ള്ള സ​മ്മാ​ന​ങ്ങ​ളാ​യി​രു​ന്നു ചാ​മ്പ്യ​ൻ​ലീ​ഗ്, പ്രീ​മി​യ​ർ ലീ​ഗ്, ക്ല​ബ് ലോ​ക​ക​പ്പ് നേ​ട്ട​ങ്ങ​ൾ. ലി​വ​ർ​പൂ​ളി​ന്റെ നി​ഞ്ഞ ഷോ​​കേ​സി​ന​പ്പു​റം എ​ണ്ണ​മ​റ്റ മ​റ​ക്കാ​നാ​കാ​ത്ത മ​ത്സ​ര​ങ്ങ​ളും ​​ക്ലോ​പ്പ് ലോ​ക​ത്തി​ന് സ​മ്മാ​നി​ച്ചു. 2019 ചാ​മ്പ്യ​ൻ​സ്‍ലീ​ഗി​ൽ ബാ​ഴ്സ​ലോ​ണ​ക്കെ​തി​രെ ആ​ൻ​ഫീ​ൽ​ഡി​ൽ നേ​ടി​യ നാ​ലു​ഗോ​ൾ ജ​യം ഫു​ട്ബാ​ൾ ആ​രാ​ധ​ക​ർ ഒ​രി​ക്ക​ലും മ​റ​ക്കു​ന്ന​ത​ല്ല. കാം​പ് ന്യൂ​വി​ൽ എ​തി​രി​ല്ലാ​ത്ത മൂ​ന്നു ഗോ​ളു​ക​ൾ​ക്ക് ത​ക​ർ​ന്ന​തി​നു​ശേ​ഷ​മാ​യി​രു​ന്നു ആ​ൻ​ഫീ​ഡി​ൽ അ​ത്ഭു​തം പി​റ​ന്ന​ത്. ഫു​ട്ബാ​ൾ എ​ന്തെ​ല്ലാം അ​തി​ശ​യ​ങ്ങ​ളാ​ണ് ഒ​രു​ക്കു​ന്ന​തെ​ന്ന് ​​ ക്ലോ​പ് പോ​ലും അ​ന്ന് അ​ത്ഭു​ത​പ്പെ​ട്ടു. ജീ​വി​ത​കാ​ലം മു​ഴു​വ​ൻ ഫു​ട്ബാ​ൾ മൈ​താ​ന​ത്ത് ക​ഴി​ഞ്ഞി​ട്ടും ട്രെ​ന്റ് അ​ർ​ണോ​ൾ​ഡ് ബാ​ഴ്സ​ലോ​ണ​ക്കെ​തി​രെ തൊ​ടു​ത്ത ച​ടു​ല​മാ​യ കോ​ർ​ണ​ർ കി​ക്കി​നെ​ക്കു​റി​ച്ചാ​യി​രു​ന്നു ​ക്ലോ​പ് അ​ത് പ​റ​ഞ്ഞ​ത്. ​​​മാ​ഞ്ച​സ്റ്റ​ർ സി​റ്റി ലി​വ​ർ​പൂ​ൾ മ​ത്സ​ര​ങ്ങ​ളും ​ക്ലോ​പ്-​ഗ്വാ​ർ​ഡി​യോ​ള പോ​രാ​ട്ട​ങ്ങ​ളു​മെ​ല്ലാം കാ​ലം ഓ​ർ​ത്തി​രി​ക്കു​ന്ന കാ​യി​ക നി​മി​ഷ​ങ്ങ​ളാ​യി മാ​റി. ക്ല​ബ്ബി​നോ​ട് വി​ട​പ​റ​യു​ന്ന​ത് വ​ള​രെ നേ​ര​ത്തേ പ്ര​ഖ്യാ​പി​ച്ചെ​ന്ന് വി​മ​ർ​ശ​ന​മു​ണ്ടെ​ങ്കി​ലും ക്ല​ബി​ന് ത​യാ​റെ​ടു​ക്കു​ന്ന​തി​നു​ള്ള സ​മ​യം​കൂ​ടി ന​ൽ​കി​യാ​ണ് ക്ലോ​പ് പോ​കു​ന്ന​ത്.

നി​ങ്ങ​ൾ വ​രു​മ്പോ​ഴ​ല്ല, മ​ട​ങ്ങു​മ്പോ​ൾ എ​ന്ത് അ​വ​ശേ​ഷി​പ്പി​ക്കു​ന്നു എ​ന്ന​താ​ണ് പ്ര​ധാ​ന​മെ​ന്നാ​ണ് ക്ലോ​പ് പ​റ​ഞ്ഞ​ത്. ക്ലോ​പ്പി​ന്റെ ആ​ദ്യ​ദി​നം​പോ​ലെ അ​വ​സാ​ന ദി​ന​വും ആ​ൻ​ഫീ​ൽ​ഡ് നി​റ​ഞ്ഞു​ക​വി​ഞ്ഞി​രു​ന്നു, ഇ​ക്കു​റി ക​ണ്ണീ​രി​ൽ​മു​ങ്ങി കാ​ഴ്ച​ക​ൾ മ​ങ്ങി​യി​രു​ന്നെ​ന്നു മാ​ത്രം.