കൊറിയയെ വീഴ്ത്തി ജോർഡൻ ഏഷ്യൻ കപ്പ് ഫൈനലിൽ

ദോ​ഹ: അ​വ​സാ​ന മി​നി​റ്റി​ലെ നാ​ട​കീ​യ​ത​ക​ൾ​ക്കൊ​ന്നും ദ​ക്ഷി​ണ കൊ​റി​യ​ക്ക്​ സ​മ​യം ന​ൽ​കാ​തെ, ര​ണ്ടാം പ​കു​തി​യി​ൽ പി​റ​ന്ന ഇ​ര​ട്ട​ഗോ​ളു​ക​ളു​മാ​യി ജോ​ർ​ഡ​ൻ ഏ​ഷ്യ​ൻ ക​പ്പ്​ ഫു​ട്​​ബാ​ളി​ന്റെ ക​ലാ​ശ​പ്പോ​രാ​ട്ട​ത്തി​ലേ​ക്ക്. അ​ഹ​മ്മ​ദ്​ ബി​ൻ​അ​ലി സ്​​റ്റേ​ഡി​യ​ത്തി​ൽ 90 മി​നി​റ്റും ആ​ര​വ​വു​മാ​യി നി​റ​ഞ്ഞ ഗാ​ല​റി​ക്കു മു​ന്നി​ൽ മി​ന്ന​ൽ ആ​ക്ര​മ​ണ​ങ്ങ​ളി​ലൂ​ടെ എ​തി​രാ​ളി​ക​ളെ ത​രി​പ്പ​ണ​മാ​ക്കി​യാ​യി​രു​ന്നു ഏ​ഷ്യ​ൻ ക​പ്പി​ലെ ത​ങ്ങ​ളു​ടെ ആ​ദ്യ സെ​മി​ഫൈ​ന​ൽ പ്ര​വേ​ശ​നം ക​ലാ​ശ​പ്പോ​രാ​ട്ട​ത്തി​ലേ​ക്കു​ള്ള യാ​ത്ര​യാ​ക്കി മാ​റ്റി​യ​ത്.

ബു​ധ​നാ​ഴ്​​ച ന​ട​ക്കു​ന്ന ഖ​ത്ത​ർ-​ഇ​റാ​ൻ ര​ണ്ടാം സെ​മി​യി​ലെ വി​ജ​യി​ക​ളാ​വും ഫെ​ബ്രു​വ​രി 10ന്​ ​ന​ട​ക്കു​ന്ന ഫൈ​ന​ലി​ലെ എ​തി​രാ​ളി​ക​ൾ. ക​ളി​യു​ടെ 53ാം മി​നി​റ്റി​ൽ യാ​സ​ൻ അ​ൽ ന​യ്​​മ​തും 66ാം മി​നി​റ്റി​ൽ മൗ​സ അ​ൽ താ​മ​രി​യും നേ​ടി​യ ത​ക​ർ​പ്പ​ൻ ഗോ​ളു​ക​ളി​ലാ​യി​രു​ന്നു ജോ​ർ​ഡ​ന്റെ ജ​യം.

ആ​റു പ​തി​റ്റാ​ണ്ടു നീ​ണ്ട കാ​ത്തി​രി​പ്പി​ന്​ ഖ​ത്ത​റി​ൽ വി​രാ​മം​കു​റി​ക്കാ​മെ​ന്ന സ്വ​പ്​​ന​വു​മാ​യി ബൂ​ട്ടു​കെ​ട്ടി​യ ദ​ക്ഷി​ണ കൊ​റി​യ​യെ ക​ള​ത്തി​ൽ തീ​ർ​ത്തും നി​ഷ്​​പ്ര​ഭ​മാ​ക്കി​യാ​യി​രു​ന്നു ജോ​ർ​ഡ​ൻ വി​ജ​യം.

മി​ന്ന​ൽ ആ​ക്ര​മ​ണ​ങ്ങ​ൾ

സൗ​ദി​യെ​യും ആ​സ്​​ട്രേ​ലി​യ​യെ​യും വീ​ഴ്​​ത്തി​യ ദ​ക്ഷി​ണ കൊ​റി​യ​ ജോ​ർ​ഡ​ന്റെ ഇ​ര​ട്ട​മു​ഖ​മു​ള്ള ആ​ക്ര​മ​ണ​ങ്ങ​ൾ​ക്കു മു​ന്നി​ൽ സ്വ​ന്തം ആ​യു​ധ​ങ്ങ​ൾ മ​റ​ന്ന​പോ​ലെ​യാ​യി​രു​ന്നു ക​ളി​ച്ച​ത്. ഹ്യൂ​ങ്​ മി​ൻ സ​ണി​ന്​ പ​ന്തു​ക​ൾ കി​ട്ടാ​താ​യ​പ്പോ​ൾ പ്ര​തി​രോ​ധ​ത്തി​ലെ വ​ന്മ​തി​ൽ കിം ​ജെ സ​സ്​​പെ​ൻ​ഷ​നി​ലാ​യ​തും തി​രി​ച്ച​ടി​യാ​യി.

എ​തി​രാ​ളി​യു​ടെ പ്ര​തി​രോ​ധം പി​ള​ർ​ത്തി​യ നീ​ക്ക​ത്തി​ലൂ​ടെ​യാ​യി​രു​ന്നു 53ാം മി​നി​റ്റി​ലെ ഗോ​ൾ. ദ​ക്ഷി​ണ കൊ​റി​യ​ക്കാ​രെ കാ​ഴ്​​ച​ക്കാ​രാ​ക്കി മു​ന്നേ​റി​യ മൗ​സ ത​മ​രി​യു​ടെ ക്രോ​സി​നെ ബോ​ക്​​സി​നു​ള്ളി​ൽ വെ​ച്ച്​ സ്​​റ്റാ​ർ സ്​​ട്രൈ​ക്ക​ർ യാ​സ​ൻ അ​ൽ ന​യ്​​മ​ത്​ വ​ല​യി​ലേ​ക്കു​ ക​യ​റ്റി. കൊ​റി​യ​ൻ പ്ര​തി​രോ​ധ​ത്തി​ലെ ജു​ങ്​ യു​ൻ സ്യൂ​ങ്ങി​ന്റെ​യും സി​യോ​ൾ വൂ ​യ​ങ്ങി​ന്റെ​യും ​ട്രാ​പ്പി​നെ മ​റി​ക​ട​ന്ന്​ കു​തി​ച്ച യ​സാ​ന്, അ​ഡ്വാ​ൻ​സ്​ ചെ​യ്​​ത ഗോ​ളി ജോ ​വൂ​ങ്​ യോ​ന് ​മു​ക​ളി​ലൂ​ടെ ചി​പ്​ ചെ​യ്​​തു​കൊ​ണ്ട്​ വ​ല​കു​ലു​ക്കി​യാ​ണ്​ ടീ​മി​ന്​ ലീ​ഡ്​ സ​മ്മാ​നി​ച്ച​ത്.

ആ​ദ്യ ഗോ​ളി​ൽ ഞെ​ട്ടി​യ ക്ലി​ൻ​സ്​​മാ​ൻ തൊ​ട്ട​ടു​ത്ത മി​നി​റ്റി​ൽ മു​ന്നേ​റ്റ​ത്തി​ന്​ മൂ​ർ​ച്ച​കൂ​ട്ടാ​ൻ ​ഡ​ച്ച്​ ക്ല​ബ്​ മി​റ്റ്​​ലാ​ൻ​ഡി​ന്റെ താ​രം ചോ​സ​ങ്​ ഗു​വി​നെ എ​ത്തി​ച്ച് പ​രീ​ക്ഷ​ണം ന​ട​ത്തി. എ​ന്നാ​ൽ, വി​ങ്ങി​ലൂ​ടെ വേ​ഗ​മേ​റി​യ നീ​ക്ക​ങ്ങ​ളി​ലൂ​ടെ​യാ​യി​രു​ന്നു ജോ​ർ​ഡ​ൻ കൊ​റി​യ​ക്കാ​രു​ടെ താ​ളം​തെ​റ്റി​ച്ച​ത്. മ​ധ്യ​വ​ര​ക്ക​ടു​ത്തു​നി​ന്നു നി​സാ​ർ മ​ഹ്​​മൂ​ദ്​ ന​ൽ​കി​യ ക്രോ​സ്, അ​സാ​മാ​ന്യ​മാ​യ റ​ണ്ണ​പ്പി​ലൂ​ടെ കാ​ലി​ൽ​കു​രു​ക്കി കു​തി​ച്ച മൗ​സ അ​ൽ ത​മാ​രി ഡി ​സ​ർ​ക്കി​ളി​ൽ നി​ന്നു​ത​ന്നെ തൊ​ടു​ത്ത ലോ​ങ്​ റേ​ഞ്ച​ർ ഗോ​ളി​യെ​യും മ​റി​ക​ട​ന്ന് വ​ല​യി​​ലാ​യി.

ര​ണ്ടു​ ഗോ​ൾ ലീ​ഡ്​ നേ​ടി​യി​ട്ടും ആ​ക്ര​മ​ണ​ത്തി​ന്​ ഒ​ട്ടും വീ​ര്യം കു​റ​ക്കാ​തെ പ​ന്തു സ്വ​ന്ത​മാ​ക്കി ജോ​ർ​ഡ​ൻ കൊ​റി​യ​ക്കു​മേ​ൽ സ​മ്പൂ​ർ​ണ ആ​ധി​പ​ത്യം സ്​​ഥാ​പി​ച്ചു.