ആഞ്ചലോട്ടി വിളിച്ചു; ​ജയിംസ്​ റോഡിഗ്വസ്​​ റയൽ​ വിട്ട്​ എവർട്ടണിൽ

ലണ്ടൻ: റയൽ മാഡ്രിഡിൻെറ കൊളംബിയൻ സൂപ്പർതാരം ജയിംസ്​ റോഡിഗ്വസ്​ എവർട്ടണിൽ. 2014 ഫുട്​ബാൾ ലോകകപ്പിലെ ടോപ്​ സ്​കോററായ റോഡിഗ്വസിനെ 29 മില്യൺ ഡോളറിനാണ്​ ഇംഗ്ലീഷ്​ പ്രീമിയർ ലീഗ്​ ക്ലബ്​ ടീമിലെത്തിച്ചത്​.

2014ൽ മൊണോക്കോയിൽ നിന്നും റോഡിഗ്രസ്​ റയൽ മാഡ്രിഡിലെത്തിയപ്പോൾ ടീം കോച്ചായിരുന്ന കാർലോ അഞ്ചലോട്ടിയാണ്​ നിലവിൽ എവർട്ടൺ കോച്ച്​. റയൽ മാഡ്രിനായി 85 മത്സരങ്ങളിൽ കളത്തിലിറങ്ങിയ റോഡിഗ്വസിന്​ അധിക സമയവും സൈഡ്​ ബെഞ്ചിലായിരുന്നു സ്ഥാനം.

ഇടക്കാലത്ത്​ ലോൺ അടിസ്ഥാനത്തിൽ ബയേൺ മ്യൂണിക്കിനായി കളിച്ചിരുന്ന 29കാരൻ ഏറെ പ്രതീക്ഷയോടെയാണ്​ എവർട്ടണിൽ പന്തുതട്ടാനെത്തുന്നത്. എവർട്ടൺ പോലെ ചരിത്ര പ്രാധാന്യമുള്ള ക്ലബ്ബിൽ കളിക്കുന്നതിലും തന്നെ നന്നായി അറിയുന്ന കോച്ചിന്​ കീഴിൽ പന്തുതട്ടുന്നതിലും ഏറെ സന്തോഷവാനാണെന്ന്​ റോഡിഗ്വസ്​ ​പ്രതികരിച്ചു.