ഐ.എസ്.എൽ: സമനില പിടിച്ചെടുത്ത് മോഹൻ ബഗാൻ

കൊൽക്കത്ത: ഇന്ത്യൻ സൂപ്പർ ലീഗിൽ തോൽവി മുഖത്തുനിന്ന് സമനിലപിടിച്ച് മോഹൻ ബഗാൻ. അഹ്മദ് ജാഹൂവിന്റെ ഇരട്ട ഗോളിലൂടെ ആദ്യ പകുതിയിൽത്തന്നെ രണ്ടു ഗോൾ ലീഡ് നേടിയിരുന്നു ഒഡിഷ.

31ാം മിനിറ്റിലെ പെനാൽറ്റി ലക്ഷ്യത്തിലെത്തിച്ച ജാഹൂ (45+3) ഹാഫ്ടൈം വിസിലിന് തൊട്ടുമുമ്പ് രണ്ടാം ഗോളും നേടി. രണ്ടാം പകുതിയിലായിരുന്നു ആതിഥേയരുടെ തിരിച്ചുവരവ്. 58ാം മിനിറ്റിൽ ഗോളടിച്ച അർമാൻഡോ സാദികൂ (90+4) കളി തീരാൻ നേരം സമനിലയും നേടിക്കൊടുത്തു.