ഐ.എസ്.എൽ: നാട്ടങ്കം സമനിലയിൽ

കൊൽക്കത്ത: ഐ.എസ്.എല്ലിൽ കൊൽക്കത്ത ടീമുകളുടെ അങ്കത്തിൽ നിലവിലെ ജേതാക്കളായ മോഹൻ ബഗാനും ചിരവൈരികളായ ഇൗസ്റ്റ് ബംഗാളും സമനിലയിൽ (2-2). അജയ് ഛേത്രിയും ക്ലിറ്റൻ സിൽവയുമാണ് ഇൗസ്റ്റ് ബംഗാളിന്റെ ഗോളുകൾ നേടിയത്.

അർമാൻഡോ സാദികും ദിമിത്രി പെട്രറ്റോസും ബഗാനായി ലക്ഷ്യം കണ്ടു. ആദ്യ കളിയിൽ ഡൽഹിയിൽ ബംഗളൂരു എഫ്.സിയെ 3-1ന് തോൽപിച്ച് റൗണ്ട്ഗ്ലാസ് പഞ്ചാബ്. വിൽമർ ജോർഡൻ, ലൂക സയ്സൻ, മദീഹ് തലാൽ എന്നിവരാണ് പഞ്ചാബിനായി സ്കോർ ചെയ്തത്. സുനിൽ ഛേത്രിയുടെ വകയായിരുന്നു ബംഗളൂരുവിന്റെ ആശ്വാസ ഗോൾ.