ഇന്ന് ഗോവ-ചെന്നൈയിൻ എ​ഫ്.​സി പോ​രാ​ട്ടം

മ​ഡ്ഗാ​വ്: ഇ​ന്ത്യ​ൻ സൂ​പ്പ​ർ ലീ​ഗി​ലെ (ഐ.​എ​സ്.​എ​ൽ) ര​ണ്ടാം പ്ലേ​ഓ​ഫി​ൽ ശ​നി​യാ​ഴ്ച എ​ഫ്.​സി ഗോ​വ-​ചെ​ന്നൈ​യി​ൻ എ​ഫ്.​സി പോ​രാ​ട്ടം. ജ​യി​ക്ക​ു​ന്ന​വ​ർ സെ​മി ഫൈ​ന​ലി​ൽ മും​ബൈ എ​ഫ്.​സി​യു​മാ​യി ഏ​റ്റു​മു​ട്ടും. 22 ക​ളി​ക​ളി​ൽ 45 പോ​യ​ന്റു​മാ​യാ​ണ് ഗോ​വ പ്ലേ​ഓ​ഫി​നെ​ത്തു​ന്ന​ത്. അ​വ​സാ​ന അ​ഞ്ച് മ​ത്സ​ര​ങ്ങ​ളി​ൽ നാ​ലി​ലും ജ​യി​ച്ചാ​ണ് ഗോ​വ​ക്കാ​ർ സ്വ​ന്തം സ്റ്റേ​ഡി​യ​മാ​യ ഫ​ത്തോ​ർ​ദ​യി​ൽ ഇ​റ​ങ്ങു​ന്ന​ത്. ചെ​ന്നൈ​യി​നെ 4-1ന് ​ത​ക​ർ​ത്ത​തും അ​ടു​ത്തി​ടെ​യാ​ണ്. തി​രി​ച്ച​ടി​ക​ളി​ൽ​നി​ന്ന് ക​ര​ക​യ​റി മു​ന്നേ​റു​ന്ന ചെ​ന്നൈ ടീം ​ക​ഴി​ഞ്ഞ അ​ഞ്ച് ക​ളി​ക​ളി​ൽ മൂ​ന്നെ​ണ്ണ​ത്തി​ൽ ജ​യി​ച്ചി​രു​ന്നു. ഈ ​സീ​സ​ണി​ലെ എ​വേ, ഹോം ​മ​ത്സ​ര​ങ്ങ​ൾ ജ​യി​ച്ച​തും ഗോ​വ​യാ​ണ്. ആ​കെ ഏ​റ്റു​മു​ട്ടി​യ 25 ക​ളി​ക​ളി​ൽ 14ലും ​ജ​യം ഗോ​വ​ക്കാ​യി​രു​ന്നു. ഒ​മ്പ​തെ​ണ്ണം ചെ​ന്നൈ​യി​നും. 2015ൽ ​ചെ​ന്നൈ​യി​ൻ എ​ഫ്.​സി കി​രീ​ടം നേ​ടി​യ​ത് ഗോ​വ​യെ തോ​ൽ​പി​ച്ചാ​യി​രു​ന്നു.

​ചെ​ന്നൈ​യി​നെ​തി​രെ ഗോ​വ​ക്ക് ഗം​ഭീ​ര വി​ജ​യ​പാ​ര​മ്പ​ര്യ​മാ​ണു​ള്ള​ത്. അ​വ​സാ​നം ഏ​റ്റു​മു​ട്ടി​യ ആ​റി​ൽ അ​ഞ്ചി​ലും ഗോ​വ ജ​യി​ച്ചി​രു​ന്നു. ഇ​തി​ൽ നാ​ലെ​ണ്ണ​വും ക്ലീ​ൻ​ഷീ​റ്റു​ക​ളാ​യി​രു​ന്നു. ക്യാ​പ്റ്റ​ൻ ബ്ര​ണ്ട​ൻ ഫെ​ർ​ണാ​ണ്ട​സി​ന്റെ ഫോ​മാ​ണ് ഗോ​വ​യു​ടെ വി​ജ​യ​ങ്ങ​ളു​ടെ പ്ര​ധാ​ന ഘ​ട​കം. ബാ​റി​ന് കീ​ഴി​ൽ ധീ​ര​ജ് സി​ങ് ഇ​റ​ങ്ങും. മ​റു​ഭാ​ഗ​ത്ത് റാ​ഫേ​ൽ​ക്രി​വെ​ല്ലാ​റോ ചെ​ന്നൈ​യി​ന്റെ ശ്ര​ദ്ധേ​യ താ​ര​മാ​ണ്. ​സെ​റ്റ് പീ​സു​ക​ളു​മാ​യി എ​തി​രാ​ളി​ക​ൾ​ക്ക് ത​ല​വേ​ദ​ന​യാ​ണ് ഈ ​താ​രം.