കൊച്ചിയിൽ വീണ്ടും മഞ്ഞക്കടലിരമ്പം; ഒഡിഷയെ തകർത്ത് ബ്ലാസ്റ്റേഴ്സ് (2-1)

കൊ​ച്ചി: പ​ത്ത് മ​ത്സ​ര​ങ്ങ​ളു​ടെ വി​ല​ക്ക് ക​ഴി​ഞ്ഞ് പ​രി​ശീ​ല​ക​ന്റെ ബെ​ഞ്ചി​ലെ​ത്തി​യ വു​ക​മാ​നോ​വി​ച്ചി​​നൊ​പ്പം കേ​ര​ള ബ്ലാ​സ്റ്റേ​ഴ്സും വി​ജ​യ​വ​ഴി​യി​ൽ തി​രി​ച്ചെ​ത്തി. ​ഐ.​എ​സ്.​എ​ൽ ഫു​ട്ബാ​ളി​ലെ ആ​വേ​ശ​പ്പോ​രാ​ട്ട​ത്തി​ൽ ആ​ദ്യ പ​കു​തി​യി​ൽ ഒ​രു ഗോ​ളി​ന് പി​ന്നി​ൽ നി​ന്ന ശേ​ഷം ര​ണ്ടാം പ​കു​തി​യി​ൽ ര​ണ്ടു ഗോ​ള​ടി​ച്ച ആ​തി​ഥേ​യ​ർ ഒ​ഡി​ഷ എ​ഫ്.​സി​യെ തോ​ൽ​പി​ച്ചു.

14 ാം മി​നി​റ്റി​ൽ ഡീഗോ മൗ​റീ​ഷ്യോ​യു​ടെ ഗോ​ളി​ന് മു​ന്നി​ലെ​ത്തി​യ ഒ​ഡി​ഷ​ക്കെ​തി​രെ 65ാം മി​നി​റ്റി​ൽ ദിമിത്രിയോസ് ഡ​യ​മ​ന്റ​ക്കോ​സ​ും 85ാം മി​നി​റ്റി​ൽ നാ​യ​ക​ൻ ലൂ​ണ​യു​മാ​ണ് ബ്ലാ​സ്റ്റേ​ഴ്സി​ന്റെ ഗോ​ള​ടി​ച്ച​ത്. പെ​നാ​ൽ​റ്റി ഉ​ൾ​പ്പെ​ടെ ര​ക്ഷ​പ്പെ​ടു​ത്തി ബാ​റി​ന് കീ​ഴി​ൽ മി​ക​വ് കാ​ട്ടി​യ മ​ല​യാ​ളി ഗോ​ളി സ​ചി​ൻ സു​രേ​ഷും വി​ജ​യ​ത്തി​ൽ മു​ഖ്യ പ​ങ്ക് വ​ഹി​ച്ചു. ഈ ​ജ​യ​ത്തോ​ടെ അ​ഞ്ചു ക​ളി​ക​ളി​ൽ 10 പോ​യ​ന്റു​മാ​യി ബ്ലാ​സ്റ്റേ​ഴ്സ് ര​ണ്ടാം സ്ഥാ​ന​ത്തെ​ത്തി. ന​വം​ബ​ർ നാ​ലി​ന് ഈ​സ്റ്റ് ബം​ഗാ​ളു​മാ​യാ​ണ് അ​ടു​ത്ത മ​ത്സ​രം.

യു​നൈ​റ്റ​ഡി​നെ​തി​രെ സ​മ​നി​ല വ​ഴ​ങ്ങേ​ണ്ടി വ​ന്ന​തി​ന്റെ നി​രാ​ശ തീ​ർ​ക്കാ​ൻ ജ​യം അ​നി​വാ​ര്യ​മാ​ണെ​ന്ന തി​രി​ച്ച​റി​വോ​ടെ​യാ​ണ് സ്വ​ന്തം കാ​ണി​ക​ൾ​ക്ക് മു​ന്നി​ൽ പ​ന്ത് ത​ട്ടി​ത്തു​ട​ങ്ങി​യ​ത്. ആ​ദ്യ ഇ​ല​വ​നി​ൽ ഇ​ടം​പി​ടി​ച്ച കെ.​പി. രാ​ഹു​ൽ നാ​ലാം മി​നി​റ്റി​ൽ​ത​ന്നെ ഗോ​ളി​ലേ​ക്കു​ള്ള ആ​ദ്യ ശ്ര​മം ന​ട​ത്തി കാ​ണി​ക​ളി​ൽ ആ​വേ​ശം നി​റ​ച്ചു. 11ാം മി​നി​റ്റി​ൽ ന​വോ​ച്ച സി​ങ്ങി​നൊ​പ്പം ന​ട​ത്തി​യ മു​ന്നേ​റ്റ​ത്തി​നൊ​ടു​വി​ൽ രാ​ഹു​ൽ സു​വ​ർ​ണാ​വ​സ​രം തു​ല​ച്ച​തി​ന് പി​ന്നാ​ലെ ഒ​ഡി​ഷ ഗോ​ള​ടി​ക്കു​ന്ന​താ​ണ് ക​ണ്ട​ത്. ക​ളി​യു​ടെ ഗ​തി​ക്കെ​തി​രാ​യി​രു​ന്നു 14ാം മി​നി​റ്റി​ലെ ഗോ​ൾ.

ഒ​ഡി​ഷ മ​ധ്യ​നി​ര​യി​ൽ​നി​ന്ന് ല​ഭി​ച്ച അ​ള​ന്നു​മു​റി​ച്ചു ന​ൽ​കി​യ പ​ന്ത് കു​ടു​ക്കി​യെ​ടു​ത്ത മൗ​റീ​ഷ്യോ ഒ​പ്പ​മോ​ടി​യ പ്ര​തി​രോ​ധ​ക്കാ​രെ വെ​ട്ടി​ച്ച് കൃ​ത്യ​മാ​യി പോ​സ്റ്റി​ലേ​ക്ക് പാ​യി​ച്ച​ത് ഗോ​ളി സ​ചി​ൻ സു​രേ​ഷി​ന്റെ കൈ​ക​ളി​ൽ ത​ട്ടി​യെ​ങ്കി​ലും ഗോ​ളി​ലെ​ത്തി.

അ​പ്ര​തീ​ക്ഷി​ത​മാ​യി മു​ന്നി​ലെ​ത്തി​യ ഒ​ഡി​ഷ​ക്കാ​ർ അ​ടു​ത്ത മി​നി​റ്റു​ക​ളി​ൽ ബ്ലാ​സ്റ്റേ​ഴ്സ് പ്ര​തി​രോ​ധ​ത്തെ അ​ങ്ക​ലാ​പ്പി​ലാ​ക്കി. 18ാം മി​നി​റ്റി​ൽ കേ​ര​ള പ്ര​തി​രോ​ധം കീ​റി​മു​റി​ച്ചെ​ത്തി​യ ഇ​സാ​ക് റാ​ൽ​ത​യെ വീ​ഴ്ത്തി​യ​തി​ന് ല​ഭി​ച്ച ഫ്രീ​കി​ക്ക് ജാ​ജോ കൃ​ത്യ​മാ​യെ​ടു​ത്ത​ത് സ​ചി​ൻ ഒ​ന്നാ​ന്ത​ര​മാ​യി ത​ട്ടി​യ​ക​റ്റി. പി​ന്നാ​ലെ വീ​ണ്ടും ബോ​സി​ലു​യ​ർ​ന്ന പ​ന്ത് ന​വോ​ച്ച​യു​ടെ കൈ​യി​ൽ ത​ട്ടി​യ​തോ​ടെ റ​ഫ​റി പെ​നാ​ൽ​റ്റി വി​ധി​ച്ചു. നി​ശ്ശ​ബ്ദ​മാ​യ സ്റ്റേ​ഡി​യ​ത്തെ പി​ടി​ച്ചു​കു​ലു​ക്കി സ​ചി​ൻ ഒ​രി​ക്ക​ൽ​കൂ​ടി കേ​ര​ള​ത്തി​ന്റെ ര​ക്ഷ​ക്കെ​ത്തി.

മൗ​റീ​ഷ്യോ​യു​ടെ കി​ക്ക് ത​ട്ടി​ത്തെ​റി​പ്പി​ച്ച പ​ന്ത് ഇ​സാ​ക്ക് വീ​ണ്ടും ല​ക്ഷ്യ​ത്തി​ലേ​ക്കു​തി​ർ​ത്തെ​ങ്കി​ലും സ​ചി​ൻ വ​ഴ​ങ്ങി​യി​ല്ല. തു​ട​ർ​ന്ന​​​ങ്ങോ​ട്ട് ഇ​രു​ടീ​മു​ക​ളും കൊ​ണ്ടും കൊ​ടു​ത്തും മു​ന്നേ​റി​യെ​ങ്കി​ലും ആ​ദ്യ പ​കു​തി​യി​ൽ ഒ​രു ഗോ​ളി​ന് പി​ന്നി​ലാ​യാ​ണ് ബ്ലാ​സ്റ്റേ​ഴ്സ് ക​ളം വി​ട്ട​ത്.

ര​ണ്ടാം പ​കു​തി​യി​ൽ സ​മ​നി​ല ഗോ​ൾ തേ​ടി​യു​ള്ള സ​മ്മ​ർ​ദ​ങ്ങ​ൾ​ക്കി​ട​യി​ൽ മ​ല​യാ​ളി​ക​ളാ​യ രാ​ഹു​ലി​നെ​യും ബി​ബി​നെ​യും പി​ൻ​വ​ലി​ച്ചു. പ​ക​രം വ​ന്ന ഡി​മി​യ​ന്റാ​കോ​സ് 65ാം മി​നി​റ്റി​ൽ കാ​ത്തി​രി​പ്പി​ന് അ​റു​തി വ​രു​ത്തി. ലൂ​ണ​യും ന​വോ​ച്ച​യും ചേ​ർ​ന്നു കൊ​ണ്ടു​വ​ന്നു ന​ൽ​കി​യ പ​ന്ത് ഡി​മി​യ​ന്റാ​കോ​സ് അ​തി​മ​നോ​ഹ​ര​മാ​യി വ​ല​യി​ൽ നി​ക്ഷേ​പി​ച്ചു.

പി​ന്നീ​ട​ങ്ങോ​ട്ട് വി​ജ​യ​ഗോ​ൾ തേ​ടി​യു​ള്ള കു​തി​പ്പാ​യി​രു​ന്നു. പ​ക​ര​ക്കാ​ര​നാ​യി ഇ​ഷാ​ൻ പ​ണ്ഡി​റ്റി​റ​ങ്ങി​യ​തി​ന് പി​ന്നാ​ലെ വി​ജ​യ​ഗോ​ളി​ന് വ​ഴി​തു​റ​ന്നു. പി​ൻ​നി​ര​യി​ൽ​നി​ന്ന് വ​ന്ന ലോ​ങ്ബാ​ൾ പ്ര​തി​രോ​ധി​ക്കു​ന്ന​തി​ൽ പ​രാ​ജ​യ​പ്പെ​ട്ട ഒ​ഡി​ഷ ഡി​ഫ​ന്റ​റു​ടെ കാ​ലി​ൽ ത​ട്ടി​യ പ​ന്ത് കു​ടു​ക്കി​യെ​ടു​ത്ത ലൂ​ണ​യു​ടെ അ​ത്യു​ജ്ജ​ല​മാ​യ ഷോ​ട്ട് ഒ​ഡി​ഷ വ​ല​യി​ൽ ക​യ​റു​ന്ന​ത് നോ​ക്കി​നി​ൽ​ക്കാ​നേ ഗോ​ളി​ക്ക് ക​ഴി​ഞ്ഞു​ള്ളൂ. പി​ന്നാ​ലെ ഗോ​ളി​ന്റെ പ്ര​ക​മ്പ​ന​ത്തി​ൽ ഗാ​ല​റി​യു​ടെ മു​ഴ​ക്കം. പി​ന്നി​ലാ​യ​തോ​ടെ ഒ​ഡി​ഷ അ​വ​സാ​നം വ​രെ പൊ​രു​തി​യെ​ങ്കി​ലും എ​ല്ലാം വി​ഫ​ല​മാ​യി.