Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_rightബംഗളൂരു എഫ്.സിയോട്...

ബംഗളൂരു എഫ്.സിയോട് തോറ്റ് ഗോവ പുറത്ത്; ഒഡിഷ പ്ലേഓഫിൽ

text_fields
bookmark_border
ബംഗളൂരു എഫ്.സിയോട് തോറ്റ് ഗോവ പുറത്ത്; ഒഡിഷ പ്ലേഓഫിൽ
cancel

ബംഗളൂരു: കഴിഞ്ഞ ദിവസം ജാംഷഡ്പുരിനോട് തോറ്റ ഒഡിഷ എഫ്.സി നൽകിയ ലൈഫ്ലൈൻ ഉപയോഗപ്പെടുത്താൻ എഫ്.സി ഗോവക്കായില്ല. ജയിച്ചാൽ മുന്നേറാമായിരുന്ന കളിയിൽ ബംഗളൂരു എഫ്.സിയോട് 3-1ന് തോറ്റ ഗോവ ഐ.എസ്.എല്ലിൽ പ്ലേഓഫ് കാണാതെ പുറത്തായി.

ഇതോടെ ജീവശ്വാസം കിട്ടിയ ഒഡിഷ 30 പോയന്റുമായി അവസാനത്തെ പ്ലേഓഫ് സ്ഥാനം കരസ്ഥമാക്കി. ഏഴാം സ്ഥാനക്കാരായാണ് ഗോവയുടെ (27) മടക്കം. ബംഗളൂരുവിനായി ശിവശക്തി നാരായണൻ രണ്ടു ഗോൾ സ്കോർ ചെയ്തപ്പോൾ ഒരു ഗോൾ പാബ്ലോ പെരസിന്റെ ബൂട്ടിൽനിന്നായിരുന്നു. ഐകർ ഗ്വറോച്ചേനയാണ് ഗോവയുടെ ആശ്വാസ ഗോൾ നേടിയത്. മുംബൈ എഫ്.സിയും (46) ഹൈദരാബാദ് എഫ്.സിയും (39) ഒന്നും രണ്ടും സ്ഥാനക്കാരായി നേരിട്ട് സെമിയിലെത്തിയിട്ടുണ്ട്.

ബംഗളൂരു എഫ്.സിയും (34) എ.ടി.കെ മോഹൻ ബഗാനും (31) കേരള ബ്ലാസ്റ്റേഴ്സുമാണ് (31) നിലവിൽ മൂന്ന്, നാല്, അഞ്ച് സ്ഥാനക്കാരായി പ്ലേഓഫിൽ കയറിയ മറ്റു ടീമുകൾ. ബംഗളൂരുവിന്റെ കളികൾ പൂർത്തിയായി. എ.ടി.കെക്കും ബ്ലാസ്റ്റേഴ്സിനും ഓരോ കളികൂടി ബാക്കിയുണ്ട്. നാല്, അഞ്ച് സ്ഥാനക്കാർ തമ്മിലും മൂന്ന്, ആറ് സ്ഥാനക്കാർ തമ്മിലുമാണ് ഏക പാദ പ്ലേഓഫുകൾ കളിക്കുക.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:ISL playoff
News Summary - ISL: Goa out; Odisha in the playoffs
Next Story