മുഹമ്മദൻസിന് ആദ്യ ജയം; ചെന്നൈയിനെ വീഴ്ത്തിയത് ഒരു ഗോളിന്

ചെന്നൈ: ഐ ലീഗിൽനിന്ന് സ്ഥാനക്കയറ്റം നേടി‍യെത്തിയ മുഹമ്മദൻ എസ്.സിക്ക് ഇന്ത്യൻ സൂപ്പർ ലീഗിൽ ആദ്യ ജയം. ചെന്നൈയിൻ എഫ്.സിയെ അവരുടെ തട്ടകത്തിൽ എതിരില്ലാത്ത ഒരു ഗോളിനാണ് തോൽപിച്ചത്.

39ാം മിനിറ്റിൽ ലാൽറെസാംഗയുടെ വകയായിരുന്നു വിജയ ഗോൾ. കളി തീരാൻ നേരം ആഡ് ഓൺ ടൈമിൽ കിട്ടിയ പെനാൽറ്റി മുഹമ്മദൻസ് താരം സെസാർ മൻസോക്കി പാഴാക്കി. നോർത്ത് ഈസ്റ്റ് യുനൈറ്റഡിനെതിരെ തോൽവിയോടെ തുടങ്ങിയ മുഹമ്മദൻസ് തുടർന്ന് എഫ്.സി ഗോവയെ സമനിലയിൽ തളച്ചിരുന്നു.