തോറ്റുതോറ്റ് ബ്ലാസ്റ്റേഴ്സ്; സ്വന്തം തട്ടകത്തിൽ നോർത്ത് ഈസ്റ്റിന് മിന്നും ജയം

ഗു​വാ​ഹ​തി: ക​ളി കാ​ര്യ​മാ​ണെ​ന്ന​റി​ഞ്ഞി​ട്ടും ഗോ​ള​ടി​ക്കാ​ൻ മ​റ​ന്ന് ഓ​ടി​ന​ട​ന്ന മ​ഞ്ഞ​പ്പ​ട​ക്ക് പി​ന്നെ​യും തോ​ൽ​വി​യു​ടെ നാ​ണ​ക്കേ​ട്. നോ​ർ​ത്ത് ഈ​സ്റ്റി​നെ​തി​രാ​യ മ​ത്സ​ര​ത്തി​ലാ​ണ് കേ​ര​ള ബ്ലാ​സ്റ്റേ​ഴ്സ് അ​വ​സാ​ന മി​നി​റ്റു​ക​ളി​ൽ വ​ഴ​ങ്ങി​യ ര​ണ്ടു ഗോ​ളു​ക​ൾ​ക്ക് തോ​റ്റു​മ​ട​ങ്ങി​യ​ത്.

അ​വ​സാ​നം മു​ഖാ​മു​ഖം നി​ന്ന അ​ഞ്ചി​ലും ജ​യി​ച്ചി​ല്ലെ​ന്ന ക്ഷീ​ണം തീ​ർ​ക്കാ​നാ​യി​രു​ന്നു സ്വ​ന്തം ത​ട്ട​ക​ത്തി​ൽ ഹൈ​ലാ​ൻ​ഡേ​ഴ്സ് ഇ​റ​ങ്ങി​യ​ത്. എ​ന്നാ​ൽ, ​​നേ​ര​ത്തേ ഉ​റ​പ്പി​ച്ച ​പ്ലേ​ഓ​ഫി​ൽ കൂ​ടു​ത​ലൊ​ന്നും ഇ​നി​യെ​ത്ര ക​ളി​ച്ചാ​ലും കി​ട്ടി​ല്ലെ​ന്ന​തി​നാ​ൽ സു​ര​ക്ഷി​ത​മാ​യി ക​ളി​ച്ച് തോ​ൽ​ക്കാ​തെ മ​ട​ങ്ങ​ലാ​യി​രു​ന്നു മ​ഞ്ഞ​പ്പ​ട​ക്ക് മു​ന്നി​ലെ ദൗ​ത്യം. ദി​മ​ത്ര​കോ​സി​നെ ക​ര​ക്കി​രു​ത്തി ഗു​വാ​ഹ​തി ഇ​ന്ദി​ര ഗാ​ന്ധി മൈ​താ​ന​ത്ത് ബൂ​ട്ടു​കെ​ട്ടി​യ വു​ക​മ​നോ​വി​ച്ചി​ന്റെ കു​ട്ടി​ക​ൾ ഒ​ത്തി​ണ​ക്ക​ത്തി​ലും ക​ളി​യ​ഴ​കി​ലും ഒ​രു പ​ണ​ത്തൂ​ക്കം മു​ന്നി​ൽ​നി​ന്ന​താ​യി​രു​ന്നു ആ​ദ്യ മി​നി​റ്റു​ക​ൾ.

മൈ​താ​നം നി​റ​ഞ്ഞ്, ക​ളി നെ​യ്ത് മു​ന്നേ​റി​യ മ​ഞ്ഞ​പ്പ​ട ത​ന്നെ​യാ​ണ് ആ​ദ്യ​അ​വ​സ​രം തു​റ​ന്ന​ത്. 11ാം മി​നി​റ്റി​ൽ മു​ഹ​മ്മ​ദ് ഐ​മ​ൻ ഇ​ട​തു​വി​ങ്ങി​ലൂ​ടെ ഇ​ര​ച്ചു​ക​യ​റി ബോ​ക്സി​ൽ​നി​ന്ന് പാ​യി​ച്ച ഷോ​ട്ട് ഗോ​ൾ മ​ണ​ത്തെ​ങ്കി​ലും ​എ​തി​ർ​ഗോ​ളി ഗു​ർ​മീ​ത് സി​ങ് ത​ടു​ത്തി​ട്ടു. മി​നി​റ്റു​ക​ൾ ക​ഴി​ഞ്ഞ് അ​വ​സ​രം തു​റ​ന്ന​ത് നോ​ർ​ത്ത് ഈ​സ്റ്റ്. മി​നി​റ്റു​ക​ൾ​ക്കി​ടെ ര​ണ്ടു​വ​ട്ടം ബ്ലാ​സ്റ്റേ​ഴ്സ് ഗോ​ൾ​മു​ഖ​ത്ത് പ​ന്തെ​ത്തി​യെ​ങ്കി​ലും കാ​ര്യ​മാ​യ ആ​ശ​ങ്ക​യു​ണ​ർ​ത്തി​യി​ല്ല. 17ാം മി​നി​റ്റി​ൽ നോ​ർ​ത്ത് ഈ​സ്റ്റ് ഗോ​ളി​യു​ടെ പി​ഴ​വ് മു​ത​ലെ​ടു​ക്കാ​നെ​ത്തി​യ പ​ണ്ടി​ത​യു​ടെ ഷോ​ട്ടും വ​ല​യി​ലെ​ത്താ​തെ മ​ട​ങ്ങി.

84ാം മി​നി​റ്റി​ലാ​യി​രു​ന്നു ആ​ദ്യ ഗോ​ളി​ന്റെ പി​റ​വി. സ്വ​ന്തം പ​കു​തി​യി​ൽ നി​ന്ന് സ​ബാ​കോ നീ​ട്ടി​ന​ൽ​കി​യ ​പ​ന്തു​മാ​യി കു​തി​ച്ച നെ​സ്റ്റ​ർ ഗോ​ളി​യു​ടെ ത​ല​ക്ക് മു​ക​ളി​ലൂ​ടെ ത​ട്ടി​യി​ടു​ക​യാ​യി​രു​ന്നു. ഗോ​ളി​ന്റെ ആ​ഘാ​തം മാ​റും​മു​മ്പ് അ​ടു​ത്ത ഗോ​ളു​മെ​ത്തി. ഇ​ത്ത​വ​ണ ജി​തി​നാ​യി​രു​ന്നു സ്കോ​റ​ർ. പെ​നാ​ൽ​റ്റി ബോ​ക്സി​ൽ കാ​ലി​ൽ ക​വി​​ത വി​രി​ഞ്ഞ നീ​ക്ക​വു​മാ​യി ഫാ​ൽ​ഗു​നി ന​ട​ത്തി​യ മു​ന്നേ​റ്റ​ത്തി​നൊ​ടു​വി​ൽ കാ​ലി​ലെ​ത്തി​യ​ത് ജി​തി​നു പാ​ക​മാ​യി. താ​രം അ​വ​സ​രം പാ​ഴാ​ക്കി​യു​മി​ല്ല. ഇ​തോ​ടെ, ​േപ്ല​ഓ​ഫ് സ്വ​പ്ന​ങ്ങ​ൾ നോ​ർ​ത്ത് ഈ​സ്റ്റി​ന് കൂ​ടു​ത​ൽ നി​റ​മു​ള്ള​താ​യി.

ആ​ദ്യ ര​ണ്ടി​ലെ​ത്തി നേ​രി​ട്ട് സെ​മി ക​ളി​ക്കു​ക​യെ​ന്ന സാ​ധ്യ​ത നേ​ര​ത്തേ അ​വ​സാ​നി​ച്ചെ​ങ്കി​ലും ​പ്ലേ​ഓ​ഫ് ഉ​റ​പ്പാ​ക്കി​യാ​യി​രു​ന്നു ബ്ലാ​സ്റ്റേ​ഴ്സ് ഇ​റ​ങ്ങി​യ​ത്. നോ​ർ​ത്ത് ഈ​സ്റ്റി​നെ​തി​രെ അ​ട​ക്കം ര​ണ്ടു ക​ളി​ക​ളും ജ​യി​ച്ചാ​ലും ആ​ദ്യ നാ​ലി​ൽ ഇ​ടം​പി​ടി​ക്കു​ക പ്ര​യാ​സ​മാ​യ​തി​നാ​ൽ സ്വ​ന്തം ഗ്രൗ​ണ്ടി​ൽ ​പ്ലേ​ഓ​ഫ് ക​ളി​ക്കു​ക​യെ​ന്ന സാ​ധ്യ​ത​യും കേ​ര​ള​ത്തി​ന് മു​ന്നി​ലു​ണ്ടാ​യി​രു​ന്നി​ല്ല.

മ​റു​വ​ശ​ത്ത്, ഇ​നി​യു​ള്ള എ​ല്ലാ മ​ത്സ​ര​ങ്ങ​ളും ജ​യി​ച്ച് ഒ​മ്പ​തു പോ​യ​ന്റ് നേ​ടാ​നാ​യാ​ൽ ​പ്ലേ​ഓ​ഫ് ക​ളി​ക്കാ​മെ​ന്ന​താ​യി​രു​ന്നു ഹൈ​ലാ​ൻ​ഡേ​ഴ്സി​ന് ആ​നു​കൂ​ല്യം. വു​ക​മ​നോ​വി​ച്ച് പ​രി​ശീ​ല​ക​നാ​യ മൂ​ന്നു ത​വ​ണ​യും ​പ്ലേ​ഓ​ഫ് ക​ളി​ച്ച ടീ​മി​ന് അ​ടു​ത്ത ഘ​ട്ട​ത്തി​ലെ എ​ല്ലാം ജ​യി​ച്ച് ക​പ്പു​യ​ർ​ത്ത​ലാ​ണ് ഇ​നി മു​ന്നി​ലെ ല​ക്ഷ്യം. നി​ല​വി​ൽ അ​വ​സാ​നം ക​ളി​ച്ച അ​ഞ്ചി​ൽ മൂ​ന്നു ​തോ​ൽ​വി​ക​ളും ഒ​രു സ​മ​നി​ല​യു​മാ​യി​ട്ടാ​യി​രു​ന്നു ടീം ​ഇ​ന്ന​ലെ ഇ​റ​ങ്ങി​യ​ത്.

15 പോ​യ​ന്റ് ല​ഭി​ക്കേ​ണ്ടി​ട​ത്ത് നാ​ലു പോ​യ​ന്റ് മാ​ത്ര​മാ​യി​രു​ന്നു ടീ​മി​ന് സ​മ്പാ​ദ്യം. നോ​ർ​ത്ത് ഈ​സ്റ്റ് ആ​ക​ട്ടെ ഇ​റ​ങ്ങി​യ​ത് 20 പോ​യ​ന്റു​ക​ളു​മാ​യും.