എന്തൊരു പെർഫോമൻസ്; കി​രീ​ടം അ​ക​ലെ​​യ​ല്ലെ​ന്ന്​ തെ​ളി​യി​ച്ച്​ കേ​ര​ള ബ്ലാ​സ്​​റ്റേ​ഴ്​​സ്​

കൊ​ച്ചി: കു​ഞ്ഞു​കു​ഞ്ഞ്​ ട​ച്ചു​ക​ൾ, ഒ​രു പി​ടി​യും ന​ൽ​കാ​തെ കാ​ലു​ക​ൾ മാ​റി​യെ​ത്തു​ന്ന പാ​സു​ക​ൾ, അ​ർ​ധാ​വ​സ​ര​ങ്ങ​ളി​ൽ നി​റ​ഞ്ഞ്​ എ​തി​ർ​വ​ല​ക​ൾ... ബ്ലാ​സ്​​റ്റേ​ഴ്​​സി​ന്‍റെ ക​ണ്ണ​ഞ്ചും ക​ളി മി​ക​വി​ൽ കു​തൂ​ഹ​ല​പ്പെ​ട്ടു​നി​ൽ​ക്കു​ക​യാ​ണ്​ കാ​യി​ക ലോ​ക​വും എ​തി​ർ ടീ​മു​ക​ളു​മി​പ്പോ​ൾ. പി​ൻ​നി​ര​യും മു​ന്നേ​റ്റ​വും, ഒ​പ്പം ക​ടി​ഞ്ഞാ​ൺ പി​ടി​ച്ച്​ മ​ധ്യ​നി​ര​യും ഒ​രേ​താ​ള​ത്തി​ൽ ക​രു​ത്തും ക​ളി​യ​ഴ​കും സ​മം ചേ​ർ​ത്ത്​ മൈ​താ​നം നി​റ​യു​ന്ന കാ​ഴ്ച. ഓ​രോ മ​ത്സ​ര​ത്തി​ലും പു​തു​പാ​ഠ​ങ്ങ​ൾ ആ​വാ​ഹി​ച്ച്​ എ​തി​ർ ടീ​മു​ക​ളെ നി​ഷ്​​​​പ്ര​ഭ​രാ​ക്കു​ന്ന ടോ​ട്ട​ൽ ഗെ​യിം. ഈ ​സീ​സ​ണി​ലും ക​പ്പു​യ​ർ​ത്താ​തെ മ​ഞ്ഞ​പ്പ​ട മ​ട​ങ്ങു​ന്നെ​ങ്കി​ൽ അ​ത്​ വ​രു​ത്തി​തീ​ർ​ക്കു​ന്ന​തേ ആ​കൂ എ​ന്നു​പ​റ​യു​ന്നു, സ​മൂ​ഹ മാ​ധ്യ​മ​ങ്ങ​ൾ.

ഒ​ഡി​ഷ​ക്കെ​തി​രെ ഓ​രോ നീ​ക്ക​വും അ​ത്ര​ക്ക്​ ചേ​തോ​ഹ​ര​മാ​യി​രു​ന്നു. ഒ​ന്നാം പ​കു​തി​യി​ൽ പു​ല​ർ​ത്തി​യ​ത്​ സ​മ​ഗ്രാ​ധി​പ​ത്യം. അ​ടു​ത്ത പ​കു​തി​യി​ൽ എ​തി​രാ​ളി​ക​ൾ അ​വ​സ​രം തു​റ​ന്നു​വ​​ന്ന​പ്പോ​ഴാ​ക​ട്ടെ, കോ​ട്ട കാ​ത്ത്​ പ്ര​തി​രോ​ധ നി​ര​യും പി​ന്നി​ൽ ഗോ​ളി പ്ര​ഭ്​​സു​ഖ​ൻ ഗി​ല്ലും. ബു​ധ​നാ​ഴ്ച ആ​ദ്യ ഇ​ല​വ​നി​ൽ ഇ​ടം​പി​ടി​ച്ച നി​ഷു കു​മാ​റാ​യി​രു​ന്നു തു​ട​ക്ക​ത്തി​ലെ ഹീ​റോ.

എ​തി​ർ പെ​നാ​ൽ​റ്റി ബോ​ക്സി​ൽ പ​ന്തു​മാ​യി പ​റ​ന്നെ​ത്തി​യ താ​രം പ​കു​തി സാ​ധ്യ​ത തോ​ന്നി​ച്ച പൊ​സി​ഷ​നി​ൽ നി​ന്നാ​യി​രു​ന്നു കി​ടി​ല​ൻ ഷോ​ട്ട്​ പാ​യി​ച്ച​ത്. അ​പ്ര​തീ​ക്ഷി​ത ഗോ​ളി​ൽ കാ​വ​ൽ​ക്കാ​ര​ൻ മാ​ത്ര​മ​ല്ല, ഒ​ഡി​ഷ നി​ര മൊ​ത്ത​ത്തി​ൽ പ​ക​ച്ചു​പോ​യി. അ​തി​ന്​ തൊ​ട്ടു​മു​മ്പ്​ പ​ഞ്ചാ​ബി​യാ​യ ബ്ലാ​സ്​​റ്റേ​ഴ്​​സ്​ ഗോ​ളി പ്ര​ഭ്​​സു​ഖ​ൻ ത​ടു​ത്തി​ട്ട സേ​വു കൂ​ടി​യാ​യ​പ്പോ​ൾ മ​ഞ്ഞ​പ്പ​ട​യു​ടെ വി​ജ​യ ദാ​ഹം തു​ട​ക്ക​ത്തി​ലേ സ​ഫ​ല​മാ​യ​പോ​ലെ​യാ​യി. ഫു​ൾ ബാ​ക്ക്​ ഖ​ബ്ര ത​ല​കൊ​ണ്ടു നേ​ടി​യ ര​ണ്ടാം ഗോ​ളി​നു​മു​ണ്ടാ​യി​രു​ന്നു അ​ത്ര​ക്ക്​ ആ​ധി​കാ​രി​ക​ത​യും ആ​ധി​പ​ത്യ​വും.

ക​ളി അ​വ​സാ​നി​ക്കാ​നി​രി​ക്കെ ബ്ലാ​സ്​​​റ്റേ​ഴ്​​സ്​ മു​ന്നേ​റ്റം ന​യി​ച്ച ഗോ​ള​വ​സ​ര​ങ്ങ​ളി​ൽ ചി​ല​തെ​ങ്കി​ലും ല​ക്ഷ്യം ക​ണ്ടി​രു​ന്നെ​ങ്കി​ൽ മാ​ർ​ജി​ൻ ഏ​റെ ഉ​യ​ർ​ന്നേ​നെ. ക​ഴി​ഞ്ഞ ഏ​ഴു സീ​സ​ണി​ലെ കേ​ര​ള​ത്തി​ന്‍റെ ഏ​റ്റ​വും മി​ക​ച്ച പ്ര​ക​ട​നം ഗോ​വ മൈ​താ​ന​ത്ത്​ ത​ക​ർ​ക്കു​മ്പോ​ൾ ഒ​ന്നു​പോ​ലും സ്വ​ന്തം മൈ​താ​ന​​ത്ത്​ വി​രു​ന്നെ​ത്താ​ത്ത പ​രി​ഭ​വ​മാ​ണ്​ മ​ല​യാ​ള​മ​ണ്ണി​ന്. ക​ഴി​ഞ്ഞ 10 ക​ളി​ക​ളി​ൽ ​ബ്ലാ​സ്​​റ്റേ​ഴ്​​സ്​ തോ​ൽ​വി അ​റി​ഞ്ഞി​ട്ടി​ല്ല.

ഗോ​ളി പ്ര​ഭ്​​സു​ഖ​ൻ നാ​ലു ക​ളി​ക​ളി​ൽ​ ഗോ​ളും വ​ഴ​ങ്ങി​യി​ട്ടി​ല്ല. ഗോ​ൾ​ഡ​ൻ ഗ്ലോ​വ്​ പു​ര​സ്കാ​ര​ത്തി​നു​ള്ള സാ​ധ്യ​ത​പ​ട്ടി​ക​യി​ൽ മു​ന്നി​ൽ. മു​മ്പ്​ പ്ര​തി​രോ​ധ താ​ര​മാ​യി ഇ​ന്ത്യ​ൻ കൗ​മാ​ര​നി​ര​യി​ൽ ബൂ​ട്ടു​കെ​ട്ടി​യി​ട്ടു​ണ്ട്​ പ്ര​ഭ്​​സു​ഖ​ൻ എ​ന്നു​കൂ​ടി അ​റി​യ​ണം. സീ​സ​ൺ പ​കു​തി പി​ന്നി​ട്ട​തോ​ടെ ഇ​നി​യു​ള്ള പോ​രാ​ട്ട​ങ്ങ​ൾ തീ​പാ​റും. അ​വ​യി​ലും മ​ഞ്ഞ​പ്പ​ട ഗോ​ൾ​ദാ​ഹ​വു​മാ​യി മൈ​താ​ന​ങ്ങ​ൾ കീ​ഴ​ട​ക്കി​യാ​ൽ ഇ​ത്ത​വ​ണ കി​രീ​ടം ഇ​വി​ടെ വി​രു​​ന്നെ​ത്തും, തീ​ർ​ച്ച.