സ്​റ്റ്യുവർട്ട്​ 'ട്രിക്കി'ൽ ഒഡിഷ​ ചാരം; ജാം​ഷ​ഡ്​​പു​രി​ന്​ നാ​ലു ഗോ​ൾ ജ​യം

പ​നാ​ജി: പു​തി​യ സീ​സ​ണി​ലെ ഏ​റ്റ​വും ക​രു​ത്ത​രാ​യ ര​ണ്ടു ടീ​മു​ക​ളു​ടെ നേ​ര​ങ്കം കാ​ത്തി​രു​ന്ന​വ​ർ​ക്ക്​ തെ​റ്റി. അ​വ​സാ​ന നാ​ലു ക​ളി​ക​ളി​ൽ മൂ​ന്നു ജ​യ​മെ​ന്ന മി​ക​വു​മാ​യി എ​ത്തി​യി​ട്ടും ജാം​ഷ​ഡ്​​പു​രി​നു മു​ന്നി​ൽ ഒ​ഡി​ഷ ദ​യ​നീ​യ​മാ​യി തോ​റ്റു. അ​തും എ​തി​രി​ല്ലാ​ത്ത നാ​ലു ഗോ​ളി​ന്. ക​ളി​ക്കാ​ന​റി​യു​ന്ന​വ​ർ​ക്ക്​ ഗോ​ള​ടി​ക്കാ​നു​മാ​ക​ണ​മെ​ന്ന ല​ളി​ത​മാ​യ പാ​ഠം മ​റ​ന്നു​പോ​യ​തി​ന്​ ല​ഭി​ച്ച ശി​ക്ഷ.

മ​റു​വ​ശ​ത്ത്, ക​ഴി​ഞ്ഞ ദി​വ​സം മും​ബൈ​ക്കു മു​ന്നി​ൽ പ​റ്റി​യ പി​ഴ​വി​ന്​ ജാം​ഷ​ഡ്​​പു​രു​കാ​ർ​ക്ക്​ മ​ധു​ര പ്രാ​യ​ശ്ചി​ത്ത​വും. മൂ​ന്നാം മി​നി​റ്റി​ൽ കോ​ർ​ണ​ർ ല​ക്ഷ്യ​ത്തി​ലെ​ത്തി​ച്ച്​ പീ​റ്റ​ർ ഹാ​ർ​ട്​​ലി​യാ​ണ്​ ഉ​രു​ക്കു​ന​ഗ​ര​ക്കാ​ർ​ക്കാ​യി ഗോ​ള​ടി​മേ​ളം തു​ട​ങ്ങി​യ​ത്. തൊ​ട്ട​ടു​ത്ത മി​നി​റ്റി​ൽ ക​ളി​യി​ലെ ഹീ​റോ ഗ്രെ​ഗ്​ സ്​​റ്റു​വ​ർ​ട്ട്​ മ​നോ​ഹ​ര വോ​ളി​യി​ലൂ​ടെ ലീ​ഡ്​ ര​ണ്ടാ​ക്കി. എ​ന്നി​ട്ടും എ​തി​ർ പോ​സ്​​റ്റി​ൽ ല​ക്ഷ്യം​മ​റ​ന്ന ഒ​ഡി​ഷ​യു​ടെ നെ​ഞ്ചു ത​ക​ർ​ത്ത്​ 21ാം മി​നി​റ്റി​ൽ സ്​​റ്റ്യു​വ​ർ​ട്ട്​ ഫ്രീ ​കി​ക്ക്​ ല​ക്ഷ്യ​ത്തി​ലെ​ത്തി​ച്ചു.

കാ​ൽ​മ​ണി​ക്കൂ​റി​നി​ടെ ലീ​ഡ്​ നാ​ലാ​യി ഉ​യ​ർ​ന്നു. പ്ര​തി​രോ​ധം ത​ക​ർ​ന്നു​പോ​യ ഒ​ഡി​ഷ നി​ര​യെ കാ​ഴ്​​ച​ക്കാ​രാ​ക്കി സ്​​റ്റ്യു​വ​ർ​ട്ട്​ ഹാ​ട്രി​ക്​ തി​ക​ച്ച​തോ​ടെ ചി​ത്ര​ത്തി​ൽ ഒ​രു ടീം ​മാ​ത്ര​മാ​യി. ഐ.​എ​സ്.​എ​ൽ പു​തി​യ സീ​സ​ണി​​ൽ ആ​ദ്യ​ത്തെ ഹാ​ട്രി​ക്കാ​ണി​ത്. ര​ണ്ടാം പ​കു​തി​യി​ലും വ​ലി​യ വ്യ​ത്യാ​സ​മു​ണ്ടാ​യി​രു​ന്നി​ല്ല.