ജയം കളഞ്ഞു കുളിച്ചു; സൂപ്പറാവാതെ ബ്ലാസ്​റ്റേഴ്​സ്​

പനാജി: ഇതിഹാസ താരത്തി​െൻറ ഓർമ പുതുക്കി തുടങ്ങിയ മത്സരത്തിലും ജയമില്ലാതെ ബ്ലാസ്​റ്റേഴ്സ്​. പുതിയ സീസണിൽ ഒരു ജയത്തിന്​ കേരള ബ്ലാസ്​റ്റേഴ്​സിന്​ ഇനിയും കാത്തിരിക്കണം. അവസാന നിമിഷം കലമുടക്കുന്ന പതിവ്​ ഇക്കുറിയും ബ്ലാസ്​റ്റേഴ്​സ്​ 'കൂടെക്കൂട്ടിയപ്പോൾ', നേർത്ത്​ ഈസ്​റ്റിനെതിരെ ജയിക്കാമായിരുന്ന മത്സരം സമനിലയിൽ കലാശിച്ചു. മത്സരത്തി​െൻറ ഏറിയ സമയവും മുന്നിലായിരുന്ന മഞ്ഞപ്പടയെ 2-2നാണ്​ നോർത്ത്​ ഈസ്​റ്റ്​ യുനൈറ്റഡ്​ കുരുക്കിയത്​.

ക്യാപ്​റ്റൻ സെർജിയോ സിഡോഞ്ചയും ഗാരി ഹൂപ്പറും നേടിയ ഗോളിൽ മുന്നിലെത്തിയ ബ്ലാസ്​റ്റേഴ്​സിനെ കെസി അപിയയും ഇദ്​രീസ സിലയും നേടിയ ഗോളിലാണ്​ നോർത്ത്​ ഈസ്​റ്റ്​ പിടിച്ചുകെട്ടിയത്​. വീണു കിട്ടിയ പെനാൽറ്റി നഷ്​ടപ്പെടുത്തിയതാണ്​ നോർത്ത്​ ഈസ്​റ്റിന്​ ജയം നഷ്​ടമായത്​.

അന്തരിച്ച ഇതിഹാസ താരം ഡീഗോ മറഡോണക്ക്​ ഒരു മിനിറ്റ്​ ആദരവ്​ അറിയിച്ചാണ്​ മത്സരം തുടങ്ങിയത്​. ഇരു ടീമിലും മാറ്റങ്ങളുണ്ടായിരുന്നു. നിർണായക മാറ്റങ്ങളായിരുന്നു ബ്ലാസ്​റ്റേഴ്​സി​െൻറത്​​. ഉദ്​ഘാടന മത്സരത്തിൽ എ.ടി.കെ മോഹൻ ബഗാനെതിരെ നിറം മങ്ങിയതോടെ മലയാളി താരം സഹൽ അബ്​ദുസ്സമദിനെ ടീമിൽ നിന്ന്​ പൂർണമായും ഒഴിവാക്കിയപ്പോൾ, പ്രശാന്തിനെയും കോച്ച്​ വികുന കരക്കിരുത്തി.

പ്രശാന്തിന്​ പകരം നിഷു കുമാർ പ്രതിരോധത്തിൽ എത്തി. മധ്യനിരയിൽ വിസെ​െൻറ ഗോമസ്​, സെയ്​ത്യസെൻ സിങ്​, ലാൽതതംഗ ഖാവ്​ലിറിങ്​, രോഹിത്​ കുമാർ, സിഡോഞ്ച എന്നിവരാണ്​. ഗാരി ഹൂപ്പർ പതിവു പോലെ ഏക സ്​ട്രൈക്കർ. നൊങ്​ദാംമ്പ നവറോമിനും സഹലിനും ഋത്വിക്​ ദാസിനും പകരമായാണ്​ സെയ്​ത്യസെൻ സിങ്​, ലാൽതതംഗ ഖാവ്​ലിറിങ്​, രോഹിത്​ കുമാർ എന്നിവർ എത്തിയിരിക്കുന്നത്​. 4-1-4-1 ഫോർമാഷനിലാണ്​ കോച്ച്​ വികുന വടക്കൻ പോരാളികൾക്കെതിരെ കൊമ്പുകോർക്കാൻ ഒരുക്കിയിരിക്കുന്നത്​.

മുംബൈ സിറ്റിയെ മറികടന്ന കരുത്തുമായി എത്തിയ നോര്‍ത്ത് ഈസ്റ്റ്​ പ്ലോസറ്റീവ്​ എനർജിയുമായാണ്​ കളി തുടങ്ങിയത്​. ആഫ്രിക്കൻ താരം കാസ കമാറ മധ്യത്തിൽ പന്തു നിയന്ത്രിച്ചതോടെ നോർത്ത്​ ഇൗസ്​റ്റ്​ ആവേശകരമായി തുടങ്ങി. എന്നാൽ, ആദ്യ ചിരി ബ്ലാസ്​റ്റേഴ്​സി​െൻറതായിരുന്നു.

അഞ്ചാം മിനിറ്റിൽ ​തന്നെ നല്ലൊരു ഗോളിൽ ബ്ലാസ്​റ്റേഴ്​സ്​ മുന്നിലെത്തി. ബ്ലാസ്​റ്റേഴ്​സി​െൻറ ക്യാപ്​റ്റൻ സെർജിയോ സിഡോഞ്ചയാണ്​ ഗോൾ നേടിയത്​. സെയ്​ത്യാസെൻ​ സിങ്​ എടുത്ത ഫ്രീകിക്ക്​ സ്​പാനിഷ്​ താരം സിഡോഞ്ച ഹെഡറിലൂടെ വലയിലാക്കുകയായിരുന്നു. ഇതോടെ കളിയിൽ ബ്ലാസ്​റ്റേഴ്​സ്​ ഡ്രൈവിങ്​ സീറ്റിൽ കയറി. പിന്നാലെ മികച്ച ക്രോസുകളും നീക്കങ്ങളുമായി നോർത്ത്​ ഈസ്​റ്റി​െൻറ ഗോൾ മുഖത്ത്​ ബ്ലാസ്​റ്റേഴ്​സ്​ താരങ്ങൾ വട്ടമിട്ട്​ പറന്നു.

24ാം മിനിറ്റിൽ ഹൂപ്പറിന്​ ഗോളി മാത്രമായുള്ള അവസരം ലഭിച്ചു. സിഡോ പ്രതിരോധ നിരക്കാരെ ​വെട്ടിമാറ്റി നൽകിയ ക്രോസ്​ ഗാരി ഹൂപ്പർ ഗതി തിരിച്ചുവി​ട്ടെങ്കിലും അപ്രതീക്ഷിതമായി പന്തു പൊങ്ങി പുറത്തായി. നിരാശരാവാതെ ഹുപ്പറും ബ്ലാസ്​റ്റേഴ്​സും പിന്നെയും ആക്രമിച്ചു. ഒടുവിൽ ആദ്യ പകുതി പിരിയും മു​െമ്പ ഒരു പെനാൽറ്റിയും ബ്ലാസ്​റ്റേഴ്​സിന്​ ലഭിച്ചു. ലാൽതതംഗയെ ബോക്​സിൽ വീഴ്​ത്തിയതിനാണ്​ പെനാൽറ്റി ലഭിച്ചത്​. ഹുപ്പർ അനായാസം പന്ത്​ വലയിലെത്തിച്ചു.

എന്നാൽ, രണ്ടാം പകുതി തുടക്കത്തിൽ നോർത്ത്​ ഈസ്​റ്റ്​ തിരിച്ചടിച്ചു. കെസി അപിയയാണ്​ (51)ഗോൾ നേടിയത്​. ഹീറോ ആയ താരം പക്ഷേ, 66ാം മിനിറ്റിൽ വില്ലനായി. വീണു കിട്ടിയ പെനാൽറ്റി താരം പുറത്തേക്കടിക്കുകയായിരുന്നു. എന്നാൽ, 90ാം മിനിറ്റിൽ പകരക്കാരനായി ഇറങ്ങിയ ഇദ്​രിസ സില ഗോൾ നേടി വിലപെട്ട ഒരു പോയൻറ്​ നോർത്ത്​ ഈസ്​റ്റിന്​ നൽകി.