തകർന്നടിഞ്ഞ് ബ്ലാസ്റ്റേഴ്സ്; ജാം​ഷ​ഡ്പു​രിനോട് എതിരില്ലാത്ത മൂന്നു ഗോളുകൾക്ക് തോറ്റു

ബാം​ബോ​ലിം: ഐ.​എ​സ്.​എ​ൽ സീ​സ​ണി​ൽ പ​ഴു​ത​ട​ച്ച പ്ര​തി​രോ​ധ​വു​മാ​യി ത​ല​യു​യ​ർ​ത്തി​നി​ന്ന കേ​ര​ള ബ്ലാ​സ്റ്റേ​ഴ്സ് ഡി​ഫ​ൻ​സി​ന് ര​ണ്ടു ത​വ​ണ പി​ഴ​ച്ച​പ്പോ​ൾ ഫ​ലം ക​ന​ത്ത തോ​ൽ​വി. ജാം​ഷ​ഡ്പു​ർ എ​ഫ്.​സി​ക്കെ​തി​രെ 3-0ത്തി​നാ​യി​രു​ന്നു കേ​ര​ള ടീ​മി​ന്റെ തോ​ൽ​വി.

ഉ​ദ്ഘാ​ട​ന മ​ത്സ​ര​ത്തി​ൽ എ.​ടി.​കെ മോ​ഹ​ൻ ബ​ഗാ​നോ​ട് 4-2ന് ​തോ​റ്റ​ശേ​ഷം സീ​സ​ണി​ൽ ബ്ലാ​സ്റ്റേ​ഴ്സ് ഇ​ത്ര​യും ഗോ​ൾ വ​ഴ​ങ്ങു​ന്ന​തും ആ​ദ്യം. ജ​യ​ത്തോ​ടെ ജാം​ഷ​ഡ്പു​ർ (25) ര​ണ്ടാം സ്ഥാ​ന​ത്തേ​ക്ക് ക​യ​റി. ഹൈ​ദ​രാ​ബാ​ദാ​ണ് (26) ഒ​ന്നാം​സ്ഥാ​ന​ത്ത്. ബ്ലാ​സ്റ്റേ​ഴ്സ് (23) ര​ണ്ടി​ൽ​നി​ന്ന് അ​ഞ്ചി​ലേ​ക്ക് വീ​ണു. തു​ല്യ പോ​യ​ന്റു​ള്ള ബം​ഗ​ളൂ​രു എ​ഫ്.​സി​യും എ.​ടി.​കെ​യും ഗോ​ൾ​ശ​രാ​ശ​രി​യി​ൽ മു​ന്നി​ലാ​ണെ​ന്ന​താ​ണ് ബ്ലാ​സ്റ്റേ​ഴ്സി​ന് വി​ന​യാ​യ​ത്. ഇ​ട​വേ​ള​ക്ക് തൊ​ട്ടു​മു​മ്പും പി​മ്പും നേ​ടി​യ പെ​നാ​ൽ​റ്റി​ക​ളി​ൽ​നി​ന്ന് ഗ്രെ​ഗ് സ്റ്റു​വാ​ർ​ട്ടാ​ണ് (45, 48) ജാം​ഷ​ഡ്പൂ​രി​ന്റെ ര​ണ്ടു ഗോ​ളു​ക​ൾ നേ​ടി​യ​ത്.

ഡാ​നി​യ​ൽ ചു​ക്‍വു (53) ആ​ണ് മൂ​ന്നാം ഗോ​ൾ സ്കോ​ർ ചെ​യ്ത​ത്. നി​ഷു​കു​മാ​റി​ന് പ​ക​രം ഇ​ട​തു വി​ങ് ബാ​ക്ക് സ്ഥാ​ന​ത്തി​റ​ങ്ങി​യ ധ​ന​ച​ന്ദ്ര മീ​ത്തി, സ്റ്റോ​പ്പ​ർ ബാ​ക്ക് മാ​ർ​കോ ലെ​സ്കോ​വി​ച് എ​ന്നി​വ​രു​ടെ പി​ഴ​വി​ൽ​നി​ന്നാ​യി​രു​ന്നു പെ​നാ​ൽ​റ്റി​ക​ൾ. ര​ണ്ടു​വ​ട്ട​വും ബ്ലാ​സ്റ്റേ​ഴ്സ് ഗോ​ളി പ്ര​ഭ്സു​ഖ​ൻ ഗി​ൽ ചാ​ടി​യ​തി​ന് എ​തി​ർ​വ​ശ​ത്തേ​ക്ക് പ​ന്ത് പാ​യി​ച്ച് സ്റ്റു​വാ​ർ​ട്ട് ജാം​ഷ​ഡ്പൂ​രി​ന് മു​ൻ​തൂ​ക്കം ന​ൽ​കി.

ക​ഴി​ഞ്ഞ ക​ളി​യി​ൽ നാ​ലാം മ​ഞ്ഞ​ക്കാ​ർ​ഡ് ക​ണ്ട ​ജോ​ർ​ഹെ പെ​രേ​ര ഡ​യ​സി​ന്റെ അ​ഭാ​വം ബ്ലാ​സ്റ്റേ​ഴ്സ് നി​ര​യി​ൽ ശ​രി​ക്കും നി​ഴ​ലി​ച്ചു. പ​തി​വ് കൂ​ട്ടാ​ളി ഇ​ല്ലാ​താ​യ​തോ​ടെ മു​ൻ​നി​ര​യി​ൽ അ​ൽ​വാ​രോ വാ​സ്ക്വ​സ് ഒ​റ്റ​പ്പെ​ട്ടു. ഡ​യ​സി​ന് പ​ക​ര​മി​റ​ങ്ങി​യ വി​ൻ​സി ബ​രെ​റ്റോ തി​ള​ങ്ങി​യ​തു​മി​ല്ല. പി​ൻ​നി​ര​യി​ൽ ഹോ​ർ​മി​പാ​മി​ന് പ​ക​രം എ​നെ​സ് സി​പോ​വി​ചു​മി​റ​ങ്ങി. ക​ഴി​ഞ്ഞ ക​ളി​യി​ൽ ചു​വ​പ്പു​കാ​ർ​ഡ് ക​ണ്ട ആ​യു​ഷ് അ​ധി​കാ​രി​യു​ടെ സ്ഥാ​ന​ത്ത് സ​സ്പെ​ൻ​ഷ​ൻ ക​ഴി​ഞ്ഞ് പ്യൂ​ട്ടി​യ തി​രി​ച്ചെ​ത്തി.