Begin typing your search above and press return to search.
exit_to_app
exit_to_app
Homechevron_rightSportschevron_rightFootballchevron_rightISL 2022-23chevron_rightനോർത്ത്​ ഈസ്റ്റ്​...

നോർത്ത്​ ഈസ്റ്റ്​ യുനൈറ്റഡിനെ സമനിലയിൽ തളച്ച്​ ഒഡിഷ

text_fields
bookmark_border
isl football
cancel

പനാജി: ഐ.എസ്​.എല്ലിൽ ഒരു ജയമെന്ന ഒഡിഷ എഫ്​.സിയുടെ ആഗ്രഹം 'അനന്തമായി' നീളുന്നു. ഇതുവരെ ജയിച്ചിട്ടില്ലാത്ത ഒഡിഷ എഫ്​.സിക്ക്​ നോർത്ത്​ ഈസ്റ്റിനു മുന്നിലും സമനില. ആവേശകരമായി അവസാനം വരെ നീണ്ട മത്സരം 2-2ന്​ സമനിലയിൽ കലാശിച്ചു.

ഗോളടിച്ചു തുടങ്ങിയെങ്കിലും ഒഡിഷക്ക്​ പിന്നീട്​ കളി കൈവിടുകയായിരുന്നു. 22ാം മിനിറ്റിൽ ഡീഗോ മൗറീഷ്യോയാണ്​ അകൗണ്ട്​ തുറന്ന്​ ഒഡിഷയെ മുന്നിലെത്തിയത്​. എന്നാൽ, ആദ്യ പകുതിയുടെ ഇഞ്ചുറി സമയം നോർത്ത്​ ഈസ്റ്റ്​ തിരിച്ചടിച്ചു. 45ാം മിനിറ്റിൽ ക്യാപ്​റ്റൻ ബെഞ്ചമിൻ ലാബോട്ടാണ്​ തകർപ്പൻ ഹെഡറിലൂടെ ഗോൾ നേടിയത്​.

ഇതോടെ തിരിച്ചുവരാൻ ഒരുങ്ങി രണ്ടാം പകുതിയിൽ കളത്തിലിറങ്ങിയ നോർത്ത്​ ഈസ്റ്റിന്​ കെസി അപ്പിയയുടെ പെനാൽറ്റിയിൽ മുന്നിലെത്തി. താരത്തെ, എതിർ ഗോളി ബോക്​സിൽ വീഴ്​ത്തയതിനാണ്​ പെനാൽറ്റി ലഭിച്ചത്​. അനായാസം ഘാന താരം ഗോളാക്കുകയും ചെയ്​തു. എന്നാൽ, രണ്ടു മിനിറ്റിനകം ഒഡിഷ തിരിച്ചടിച്ചു. കോലെ അലക്​സാണ്ടറിന്‍റെ ബോക്​സിൽ നിന്നുള്ള ബുള്ളറ്റ്​ ഷോട്ടാണ്​ നോർത്ത്​ ഈസ്റ്റിന്‍റെ വലതുളച്ചത്​. കർവ്​ ആയി വന്ന പന്തിനു മുന്നിൽ ​നോർത്ത്​ ഈസ്റ്റ്​ ഗോളി ഗുർമീത്​ സിങ്ങിന്​ ഒന്നും ചെയ്യാനുണ്ടായില്ല.

11 പോയന്‍റുമായി നോർത്ത്​ ഈസ്റ്റ്​ നാലാം സ്​ഥാനത്താണ്​. രണ്ടു പോയന്‍റ്​ മാത്രമുള്ള ഒഡിഷ പത്താമതും.

Show Full Article
TAGS:ISL 2020-21 
News Summary - ISL: Indian Super League Odisha Football
Next Story