വലകുലുക്കി ഛേത്രി; ബംഗളൂരുവിന്​ സീസണിലെ ആദ്യ ജയം

പനാജി: ഗോ​ള​ടി​ക്ക​ൽ കൂ​ടി​യാ​ണ്​ ഫു​ട്​​ബാ​ൾ എ​ന്നു മ​റ​ന്നു​പോ​യ ര​ണ്ട്​ ടീ​മു​ക​ൾ. എ​ന്നി​ട്ടും വീ​ണു​കി​ട്ടി​യ പെ​നാ​ൽ​റ്റി​യി​ലൂ​ടെ ക​ഷ്​​ടി​ച്ചൊ​രു ജ​യം. ഐ.​എ​സ്.​എ​ല്ലി​ൽ ചെ​ന്നൈ​യി​ൻ എ​ഫ്.​സി​ക്കെ​തി​രെ ബം​ഗ​ളൂ​രു​വി​ന്​ ഈ ​സീ​സ​ണി​ലെ ആ​ദ്യ ജ​യം.ചെന്നൈയിൻ എഫ്​.സിക്കെതിരെ ഗോളടിക്കുന്ന പതിവ്​ സുനിൽ ഛേത്രി തെറ്റിച്ചില്ല. ചെന്നൈക്കെതിരെ അവസാനം കളിച്ച ആറ്​ മത്സരങ്ങളിൽ അഞ്ചിലും പന്ത്​ വലയിലാക്കിയ ഛേത്രി ​െവള്ളിയാഴ്​ച ഗോവയിലും ടീമിൻെറ ഗോൾസ്​കോററായി.മത്സരത്തിൻെറ 56ാം മിനിറ്റിൽ പെനാൽറ്റിയിലൂടെയായിരുന്നു ഛേത്രിയുടെ ഗോൾ.

ഇതുവരെ ഏറ്റുമുട്ടിയ ഏഴ്​മത്സരങ്ങളിൽ മൂന്ന്​ വീതം ജയങ്ങളുമായി ഇരുടീമും ഒപ്പത്തിനൊപ്പമായിരുന്നു. ആദ്യ രണ്ട്​ മത്സരങ്ങൾ സമനിലയിൽ കുരുങ്ങിയ ബംഗളൂരു ജയിക്കാനുറച്ചാണ്​ കളത്തിലെത്തിയത്​. നാലാം മിനിറ്റിൽ തന്നെ ചെന്നൈക്ക്​ അനുകൂലമായി ഫ്രീകിക്ക്​ ലഭിച്ചെങ്കിലും ഗോളാക്കി മാറ്റാനായില്ല. ക്രിവല്ലാറോയെടുത്ത കിക്ക്​ ബി.എഫ്​.സിയുടെ പ്രതിരോധ മതിലിൽ തട്ടിയകന്നു. ഇതിനിടെ 16ാം മിനിറ്റിൽ മിഡ്​ഫീൽഡർ അനിരുദ്ധ്​ ഥാപ്പ പരിക്കേറ്റ്​ മടങ്ങിയത്​ 'മറീന മച്ചാൻസി'ന്​ കനത്ത തിരിച്ചടിയായി.

ഗോൾരഹിതമായ ആദ്യ പകുതിയിൽ ഇരുടീമുകളും ഓരോ തവണ മാ​​ത്രമാണ്​ ഗോൾ പോസ്​റ്റ്​ ലക്ഷ്യമിട്ടത്​. ഇരുടീമുകളും പരുക്കൻ കളിയാണ്​ പുറത്തെടുത്തത്​. രണ്ടാം പകുതിയിൽ ബംഗളൂരു ഡെഷ്​റോൺ ബ്രൗണിനെ പിൻവലിച്ച്​ ക്രിസ്​റ്റ്യൻ ഓപ്​സെത്തിനെ ഇറക്കി. 47ാം മിനിറ്റിൽ വീണ്ടും ഫ്രീകിക്ക്​ നേടിയെങ്കിലും ഇക്കുറിയും ക്രിവല്ലാറോക്ക്​ മുതലെടുക്കാനായില്ല.

രണ്ടാം പകുതിയിൽ 56ാം മിനിറ്റിൽ ക്ലൈറ്റൺ സിൽവയാണ്​ ബംഗളൂരു എഫ്​.സിക്കായി പെനാൽറ്റി നേടിയത്​. കിക്കെടുത്ത സുനിൽ ഛേത്രി പിഴവൊന്നും വരുത്താതെ ബി.എഫ്​.സിക്ക്​ ലീഡ്​ നേടിക്കൊടുത്തു. ഇന്ത്യൻ നായകൻെറ സീസണിലെ ആദ്യ ഗോളാണിത്​. 80ാം മിനിറ്റിൽ ചാങ്​തേ ചെന്നൈക്കായി മികച്ചൊരു അവസരം തുറന്നു നൽകിയെങ്കിലും ഫാത്തുലോക്ക്​ ഗോളാക്കാനായില്ല.

ചാങ്​തെയും ജെറിയും ഗോളിനായി കിണഞ്ഞു ശ്രമിച്ചെങ്കിലും ഗോൾ അകന്നു നിന്നു. അവസാന നിമിഷം ചെന്നൈയിൻ കളിക്കാർ ഉയർത്തിയ സമ്മർദ്ദം മറികടക്കാൻ ബംഗളൂരുവിനായി. മത്സരത്തിൽ നിർണായകമായ രണ്ട്​ സേവുകളുമായി ബംഗളൂരു ഗോളി ഗുർപ്രീത്​ സിങ്​ സന്ധുവും മികച്ചു നിന്നു.

ഇതോടെ മൂന്ന്​ മത്സരങ്ങളിൽ നിന്ന്​ അഞ്ച്​ പോയൻറുമായി ബംഗളൂരു പോയൻറ്​ പട്ടികയിൽ മൂന്നാം സ്​ഥാനത്തേക്ക്​ കയറി. നാല്​ പോയൻറ്​ മാത്രമുള്ള ചെന്നൈയ്യിൻ ആറാം സ്​ഥാനത്താണ്​.