സഹൽ മാജിക്; ആ​ദ്യ​പാ​ദ​ സെ​മിയിൽ ജാം​ഷ​ഡ്പൂ​രി​നെ കീ​ഴ​ട​ക്കി ബ്ലാ​സ്റ്റേ​ഴ്സ്

മ​ഡ്ഗാ​വ്: സ​ഹ​ൽ അ​ബ്ദു​സ്സ​മ​ദ് എ​ന്ന മ​ല​യാ​ളി താ​ര​ത്തി​ന്റെ കാ​ലു​ക​ളി​ൽ ഒ​ളി​പ്പി​ച്ചു​വെ​ച്ച മാ​ന്ത്രി​ക​ത ഒ​രി​ക്ക​ൽ കൂ​ടി പു​റ​ത്തു​വ​ന്ന​പ്പോ​ൾ മൂ​ന്നാം ഐ.​എ​സ്.​എ​ൽ ​ഫൈ​ന​ലി​ലേ​ക്ക് ഒ​രു ചു​വ​ട് വെ​ച്ച് കേ​ര​ള ബ്ലാ​സ്റ്റേ​ഴ്സ്. ലീ​ഗ് റൗ​ണ്ടി​ൽ ഒ​ന്നാ​മ​തെ​ത്തി വി​ന്നേ​ഴ്സ് ഷീ​ൽ​ഡ് നേ​ടി​യ ജാം​ഷ​ഡ്പൂ​ർ എ​ഫ്.​സി​യെ ആ​ദ്യ പാ​ദ സെ​മി ഫൈ​ന​ലി​ൽ സ​ഹ​ൽ നേ​ടി​യ ഏ​ക ഗോ​ളി​ൽ മ​റി​ക​ട​ന്ന ബ്ലാ​സ്റ്റേ​ഴ്സ് മു​ൻ​തൂ​ക്കം നേ​ടി. 38ാം മി​നി​റ്റി​ലാ​യി​രു​ന്നു നി​ർ​ണാ​യ​ക ഗോ​ൾ.

ര​ണ്ടാം പാ​ദ സെ​മി ചൊ​വ്വാ​ഴ്ച ന​ട​ക്കും. ലീ​ഗി​ലെ ക​രു​ത്ത​രാ​യ ജാം​ഷ​ഡ്പൂ​രി​നെ​തി​രെ ക​രു​ത​ലോ​ടെ​യാ​ണ് ബ്ലാ​സ്റ്റേ​ഴ്സ് തു​ട​ങ്ങി​യ​ത്. ലീ​ഗ് റൗ​ണ്ടി​ൽ ആ​ദ്യം സ​മ​നി​ല നേ​ടി​യെ​ങ്കി​ലും ര​ണ്ടാം വ​ട്ടം ഏ​റ്റു​മു​ട്ടി​യ​പ്പോ​ൾ ബ്ലാ​സ്റ്റേ​ഴ്സ് ജാം​ഷ​ഡ്പൂ​രി​നു​മു​ന്നി​ൽ 3-0ത്തി​ന് ത​ക​ർ​ന്ന​ടി​ഞ്ഞി​രു​ന്നു. ഇ​ത് മ​ന​സ്സി​ലു​ള്ള​തു​കൊ​ണ്ടു​ത​ന്നെ ശ്ര​ദ്ധ​യോ​ടെ​യാ​ണ് ഇ​വാ​ൻ വു​കോ​മാ​നോ​വി​ചി​ന്റെ ടീം ​പ​ന്തു​ത​ട്ടി​യ​ത്. തു​ട​ക്ക​ത്തി​ൽ പ​ന്തി​ന്മേ​ൽ ആ​ധി​പ​ത്യം പു​ല​ർ​ത്തി​യ ജാം​ഷ​ഡ്പൂ​ർ സ്ട്രൈ​ക്ക​ർ ഡാ​നി​യ​ൽ ചു​ക്‍വു​വി​ലൂ​ടെ ര​ണ്ടു ത​വ​ണ ​ഗോ​ളി​ന​ട​ടു​ത്തെ​ത്തി​യെ​ങ്കി​ലും ബ്ലാ​സ്റ്റേ​ഴ്സ് പി​ടി​ച്ചു​നി​ന്നു.

അ​തി​നി​ടെ അ​പ്ര​തീ​ക്ഷി​ത​മാ​യി കി​ട്ടി​യ അ​വ​സ​രം മു​ത​ലെ​ടു​ത്ത് കേ​ര​ള ടീം ​മു​ന്നി​ലെ​ത്തി. മൈ​താ​ന​മ​ധ്യ​ത്തി​ന് സ​മീ​പം ല​ഭി​ച്ച ത്രോ​യി​ൽ​നി​ന്ന് കി​ട്ടി​യ പ​ന്ത് സ​ഹ​ലി​ന്റെ ഓ​ട്ടം മു​ന്നി​ൽ ക​ണ്ട അ​ൽ​വാ​രോ വാ​സ്ക്വ​സ് ഉ​ട​ന​ടി മു​ന്നി​ലേ​ക്ക് ഉ​യ​ർ​ത്തി​വി​ട്ടു. ഒ​പ്പം എ​ത്താ​ൻ ശ്ര​മി​ച്ച സൈ​മ​ൻ​ലെ​ൻ ഡും​ഗ​ൽ ഹെ​ഡ് ചെ​യ്ത​ക​റ്റാ​ൻ ശ്ര​മി​ച്ചെ​ങ്കി​ലും പ​ന്ത് വീ​ണ​ത് സ​ഹ​ലി​ന്റെ മു​ന്നി​ലേ​ക്ക്. അ​പ​ക​ടം മു​ന്നി​ൽ ക​ണ്ട് ജാം​ഷ​ഡ്പൂ​രി​ന്റെ മ​ല​യാ​ളി ഗോ​ളി ടി.​പി. ര​ഹ്നേ​ഷ് ഓ​ടി​യെ​ത്തി​യപ്പോൾ സ​ഹ​ൽ ത​ന്ത്ര​പൂ​ർ​വം ഗോ​ളി​യു​ടെ ത​ല​ക്ക് മു​ക​ളി​ലു​ടെ പ​ന്ത് വ​ല​യി​ലേ​ക്ക് ഉ​യ​ർ​ത്തി​വി​ട്ടു.

ര​ണ്ടാം പ​കു​തി​യി​ൽ അ​ഡ്രി​യാ​ൻ ലൂ​ന​യു​ടെ മ​നോ​ഹ​ര​മാ​യ ഫ്രീ​കി​ക്കി​ലൂ​ടെ ബ്ലാ​സ്റ്റേ​ഴ്സ് ര​ണ്ടാം ഗോ​ളി​ന​ടു​ത്തെ​ത്തി​യെ​ങ്കി​ലും ര​ഹ്​​നേ​ഷും ​പോ​സ്റ്റും ചേ​ർ​ന്ന് ത​ട​ഞ്ഞു. ശേ​ഷി​ക്കു​ന്ന സ​മ​യം ഗോ​ൾ വ​ഴ​ങ്ങാ​തെ പി​ടി​ച്ചു​നി​ന്ന ബ്ലാ​സ്റ്റേ​ഴ്സ് മു​ൻ​തൂ​ക്ക​വു​മാ​യി ര​ണ്ടാം പാ​ദ സെ​മി​യി​ലേ​ക്ക്.