Begin typing your search above and press return to search.
exit_to_app
exit_to_app
Homechevron_rightSportschevron_rightFootballchevron_rightISL 2022-23chevron_rightടോ..ടോ.. ടോ.....

ടോ..ടോ.. ടോ.. ബംഗളൂരുവിനോടും പൊട്ടി ബ്ലാസ്​റ്റേഴ്​സ്​

text_fields
bookmark_border
ടോ..ടോ.. ടോ.. ബംഗളൂരുവിനോടും പൊട്ടി ബ്ലാസ്​റ്റേഴ്​സ്​
cancel

പനാജി: മലയാളി താരം കെ.പി രാഹുലി​െൻറ കിടിലൻ ഗോളുമായി കേരള ബ്ലാസ്​റ്റേഴ്​സ്​ തുടങ്ങിയപ്പോൾ ഒരു ശുഭ പര്യവസാനം ആരാധകർ പ്രതീക്ഷിച്ചു. എന്നാൽ, ബ്ലാസ​്​റ്റേഴ്​സ്​ ഒട്ടും മാറിയിട്ടില്ലെന്ന്​ 90 മിനിറ്റ്​ പിന്നിട്ടപ്പോൾ ഒരിക്കൽ കൂടി തെളിഞ്ഞു. പിഴവുകൾ വരുത്താൻ ഓരോ താരങ്ങളും 'മത്സരിച്ചപ്പോൾ' ബംഗളൂരു എഫ്​.സിയോട്​ കേരള ബ്ലാസ്​റ്റേഴ്​സ്​ 4-2ന്​ തോറ്റു. ബ്ലാസ്​റ്റേഴ്​സി​െൻറ കെ.പി. രാഹുലി​െൻറയും ജോർഡൻ മറെയുടെയും ഗോളിന്​, ക്ലെറ്റൺ സിൽവ, ക്രിസ്​റ്റ്യൻ ഒപ്​സത്ത്​, ദിമാസ്​ ഡെൽഗാഡോ, സുനിൽ ​ഛേത്രി എന്നിവരാണ്​ ​ബംഗളൂരുവിനായി മറുപടി പറഞ്ഞത്​.

ഇതോടെ അഞ്ചു മത്സരം പിന്നിട്ട ബ്ലാസ്​റ്റേഴ്​സിന്​ ഇനിയും ഒരു ജയത്തിനായി കാത്തിരിക്കണം. ജയത്തോടെ ബംഗളൂരു ഒമ്പതു പോയൻറുമായി നാലാം സ്​ഥാനത്ത്​ കയറി.

മലയാളി താരം കെ.പി രാഹുലി​െൻറ സൂപ്പർ ഗോളിലാണ്​ സൗത്ത്​ ഇന്ത്യൻ ​െഡർബി തുടങ്ങിയത്​. തുടക്കം തൊ​ട്ടേ ആവേശകരമായി നീങ്ങിയ മത്സരത്തിൽ 17ാം മിനിറ്റിൽ കേരളം നടത്തിയ കൗണ്ടർ അറ്റാക്കിലാണ്​ ബംഗളൂരു ഞെട്ടിയത്​. ബംഗളൂരുവിന്​ ലഭിച്ച ഫ്രീകിക്കിൽ നിന്ന്​ പന്ത്​ പിടിച്ചെടുത്ത്​ ഗാരി ഹൂപ്പർ കുതിച്ചു. വലതു വിങ്ങിലൂടെ അതിവേഗം ഓടിയെത്തിയ രാഹുലിന്​ ഹൂപ്പർ പന്തു കൈമാറി. പാസിന്​ ശ്രമിക്കാതെ ​ബോക്​സിനുള്ളിൽ നിന്നും രാഹുലി​െൻറ ഉശിരൻ ഷോട്ട്​ ഗുർപ്രീതി​െൻറ കണക്കുകൂട്ടൽ തെറ്റിക്കുകയായിരുന്നു. ഇതോടെ ബ്ലാസ്​റ്റേഴ്​സ്​ 1-0ത്തിന്​ മുന്നിലെത്തി.

അവിടെ നിന്നാണ്​ ഗോൾ പൂരത്തിന്​ തുടക്കമായത്​. മുന്നിലെത്തിയ ആവേശത്തിൽ പന്തുതട്ടിയ കേരളത്തിന്​ 29ാം മിനിറ്റിൽ പിഴവു പറ്റി. പ്രതി​രോധ താരം ലാൽറുവാൻതാരക്ക്​ പറ്റിയ വൻ പിഴവാണ്​ ഗോളിൽ കലാശിച്ചത്​. കിട്ടിയ അവസരം ബംഗളൂരുവി​െൻറ ബ്രസീലിയൻ സ്​ട്രൈക്കർ ക്ലറ്റൺ സിൽവ ഗോളാക്കി. ആദ്യ പകുതി സമനിലയോടെ അവസാനം.

എന്നാൽ, രണ്ടാം പകുതി ബംഗളൂരു കളിമാറ്റി. 48ാം മിനിറ്റിൽ ഒരു പെനാൽറ്റി ലഭിച്ചെങ്കിലും ഗോളി ആൽബിനോ ഗോമസി​െൻറ സേവ്​ ബ്ലാസ്​റ്റേഴ്​സി​െൻറ രക്ഷക്കെത്തി. ഛേത്രിയുടെ കിക്കാണ്​ ഗോമസ്​ തടഞ്ഞത്​. എന്നാൽ ബ്ലാസ്​​േറഴ്​സിന്​ ആശ്വസിക്കാൻ വകയുണ്ടായില്ല. രണ്ടു മിനിറ്റിനുള്ളിൽ രണ്ടു തവണ ബ്ലാസ്​റ്റേഴ്​സി​െൻറ വലകുലുങ്ങി. രണ്ടും പിഴവിൽ നിന്നു തന്നെ. 51ാം മിനിറ്റിൽ ക്രിസ്​റ്റ്യൻ ഒസ്​പെത്തും 53ാം മിനിറ്റിൽ ദിമാസ്​ ഡെൽഗാഡോയും. ഇതോടെ ബ്ലാസ​്​റ്റേഴ്​സ്​ പൂർണമായും തകർന്നു. മു​ന്നേറ്റവും മധ്യനിരയും തീരെ കണക്​ഷനില്ലാതായി. അതിനിടക്ക്​ 61ാം മിനിറ്റിൽ വിസെ​െൻറ ഗോമസിൽ നിന്നുള്ള പാസിൽ ജോർഡാൻ മറെ ഗോൾ നേടിയതോടെ ബ്ലാസ്​റ്റേഴ്​സ്​ വീണ്ടും ട്രാക്കിലായി. ഇതോടെ ബ്ലാസ്​റ്റേഴ്​സ്​ ആക്രമണം കനപ്പിച്ചു. എന്നാൽ, ബംഗളൂരു ക്യാപ്​റ്റൻ സുനിൽ ഛേത്രി ഹെഡറിലൂടെ തകർപ്പൻ ഗോൾ നേടിയതോടെ ബ്ലാസ്​റ്റേഴ്​സി​െൻറ പതനം പൂർത്തിയായി.


Show Full Article
TAGS:Isl 2020-21 
Next Story