ഇ​ന്റ​ർ കോ​ൺ​ടി​ന​ന്റ​ൽ ക​പ്പ്: ഇ​ന്ത്യ ഇ​ന്ന് മം​ഗോ​ളി​യ​ക്കെ​തി​രെ

ഭു​വ​നേ​ശ്വ​ർ: അ​ഖി​ലേ​ന്ത്യ ഫു​ട്ബാ​ൾ ഫെ​ഡ​റേ​ഷ​ൻ സം​ഘ​ടി​പ്പി​ക്കു​ന്ന മൂ​ന്നാ​മ​ത് ഇ​ന്റ​ർ കോ​ൺ​ടി​ന​ന്റ​ൽ ക​പ്പ് ഫു​ട്ബാ​ൾ ടൂ​ർ​ണ​മെ​ന്റി​ന് വെ​ള്ളി​യാ​ഴ്ച ക​ലിം​ഗ സ്റ്റേ​ഡി​യ​ത്തി​ൽ കി​ക്കോ​ഫ്. ആ​തി​ഥേ​യ​രാ​യ ഇ​ന്ത്യ​ക്ക് പു​റ​മെ ല​ബ​നാ​ൻ, മം​ഗോ​ളി​യ, വ​നൂ​വാ​ട്ടൂ എ​ന്നീ ടീ​മു​ക​ളാ​ണ് പ​ങ്കെ​ടു​ക്കു​ന്ന​ത്. ഇ​ന്ന് വൈ​കു​ന്നേ​രം 4.30ന് ​ന​ട​ക്കു​ന്ന ആ​ദ്യ ക​ളി​യി​ൽ ല​ബ​നാ​നും വ​നൂ​വാ​ട്ടൂ​വും ഏ​റ്റു​മു​ട്ടും. തു​ട​ർ​ന്ന് രാ​ത്രി 7.30ന് ​ഇ​ന്ത്യ മം​ഗോ​ളി​യ​യെ നേ​രി​ടും. കൂ​ടു​ത​ൽ പോ​യ​ന്റ് നേ​ടു​ന്ന ര​ണ്ട് ടീ​മു​ക​ൾ ജൂ​ൺ 18ലെ ​ഫൈ​ന​ലി​ൽ മ​ത്സ​രി​ക്കും.

ക​രി​യ​റി​ന്റെ അ​വ​സാ​ന​ത്തി​ൽ നി​ൽ​ക്കു​ന്ന ഇ​ന്ത്യ​ൻ നാ​യ​ക​നും സ്ട്രൈ​ക്ക​റു​മാ​യ സു​നി​ൽ ഛേത്രി​യാ​ണ് ടൂ​ർ​ണ​മെ​ന്റി​ലെ ശ്ര​ദ്ധാ​കേ​ന്ദ്രം. 2024 ജ​നു​വ​രി​യി​ൽ ഖ​ത്ത​റി​ൽ ന​ട​ക്കു​ന്ന ഏ​ഷ്യ​ൻ ക​പ്പി​നു​ള്ള ഒ​രു​ക്കം കൂ​ടി​യാ​ണ് ഇ​ന്ത്യ​ക്ക് ഇ​നി​യു​ള്ള മ​ത്സ​ര​ങ്ങ​ൾ.

ഫി​ഫ റാ​ങ്കി​ങ്ങി​ൽ 101ാം സ്ഥാ​ന​ത്തു​നി​ൽ​ക്കു​ന്ന ഇ​ഗോ​ർ സ്റ്റി​മാ​ക്കി​ന്റെ കു​ട്ടി​ക​ൾ 183ാം റാ​ങ്കു​കാ​രാ​യ മം​ഗോ​ളി​യ​യി​ൽ​നി​ന്ന് കാ​ര്യ​മാ​യ വെ​ല്ലു​വി​ളി​യു​ണ്ടാ​വി​ല്ലെ​ന്ന പ്ര​തീ​ക്ഷ​യി​ലാ​ണ്. 12ന് ​വ​നൂ​വാ​ട്ടൂ​വി​നെ​യും 15ന് ​ല​ബ​നാ​നെ​യും ഇ​ന്ത്യ നേ​രി​ടും. മ​ല​യാ​ളി​ക​ളാ​യ ആ​ഷി​ഖ് കു​രു​ണി​യ​നും സ​ഹ​ൽ അ​ബ്ദു​സ്സ​മ​ദും മി​ഡ്ഫീ​ൽ​ഡ​ർ​മാ​രാ​യി ടീ​മി​ലു​ണ്ട്. 2018ൽ ​മും​ബൈ വേ​ദി​യാ​യ പ്ര​ഥ​മ ടൂ​ർ​ണ​മെ​ന്റ് ഫൈ​ന​ലി​ൽ കെ​നി​യ​യെ തോ​ല്പി​ച്ച് ഇ​ന്ത്യ കി​രീ​ടം നേ​ടി​യി​രു​ന്നു. 2019ൽ ​അ​ഹ്മ​ദാ​ബാ​ദി​ൽ ഉ​ത്ത​ര കൊ​റി​യ ജേ​താ​ക്ക​ളാ​യ​പ്പോ​ൾ ആ​തി​ഥേ​യ​ർ നാ​ലാം സ്ഥാ​ന​ത്തേ​ക്ക് പി​ന്ത​ള്ള​പ്പെ​ട്ടു. ശേ​ഷം ഇ​പ്പോ​ഴാ​ണ് ഇ​ന്റ​ർ കോ​ൺ​ടി​ന​ന്റ​ൽ ക​പ്പ് ന​ട​ക്കു​ന്ന​ത്.