ഫിഫയിൽ പ്രതിസന്ധി; ഇൻഫൻറിനോക്കെതിരെ അന്വേഷണം

സൂറിച്​: ഫിഫയെ വീണ്ടും പ്രതിസന്ധിയിലാക്കി അധ്യക്ഷൻ ജിയാനി ഇൻഫൻറിനോക്കെതിരായ ക്രിമിനൽ കേസ്​ നടപടി. ​മുൻ പ്രസിഡൻറ്​ സെപ് ബ്ലാറ്റർ പ്രതിയായ അഴിമതിക്കേസിൽ അന്വേഷണം നടത്തുന്ന സ്വിസ്​ അറ്റോണി മൈക്കൽ ലോബറുമായി രഹസ്യകൂടിക്കാഴ്​ച നടത്തിയതാണ്​ ഇൻഫൻറിനോയെ കുരുക്കിയത്​. 2016-17ൽ ഇരുവരും മൂന്നു തവണ കണ്ടുവെന്നാണ്​ സ്വിസ്​ ഫെഡറൽ കോടതിയുടെ കണ്ടെത്തൽ.

കൂടിക്കാഴ്​ചക്കുപിന്നിൽ അവിഹിതമായ വല്ല ഇടപാടുമുണ്ടോയെന്ന്​ കണ്ടെത്താനാണ്​ ഇൻഫൻറിനോക്കെതിരെ അന്വേഷണം പ്രഖ്യാപിച്ചത്​. അതേസമയം, അറ്റോണി ജനറൽ പദവിയിൽ നിന്നും മൈക്കൽ ലോബർ രാജിവെച്ചു.

​ഇൻഫൻറിനോക്കെതിരെ കേസ്​ ചാർജ്​ ചെയ്​ത പശ്ചാത്തലത്തിൽ അദ്ദേഹത്തിനെതിരെ ഫിഫ എത്തിക്​സ്​ കമ്മിറ്റി നടപടി സ്വീകരിക്കണമെന്ന്​ മുൻ പ്രസിഡൻറ്​ ബ്ലാറ്റർ ആവശ്യപ്പെട്ടു. ഇതു സംബന്ധിച്ച്​ ഫിഫ ഇതുവരെ പ്രതികരിച്ചിട്ടില്ല. സമാന ആരോപണം നേരിടു​േമ്പാൾ ഭരണസമിതി അംഗത്തെ ആറു മാസത്തേക്ക്​ സസ്​പെൻഡ്​ ചെയ്യുകയാണ്​ എത്തിക്​്​സ്​ കമ്മിറ്റിയുടെ പതിവ്​.