കേ​ര​ള ബ്ലാ​സ്റ്റേ​ഴ്സ്; ഇ​ര​ട്ട​ച്ചി​ല്ല​ക​ളി​ൽ വി​രി​യു​ന്ന മ​ഞ്ഞ വ​സ​ന്തം

ബം​ഗ​ളൂ​രു: ആ​രാ​ധ​ക​രെ ആ​വേ​ശം​കൊ​ള്ളി​ച്ച ര​ണ്ടു തു​ട​ര​ൻ ജ​യം. അ​തും ഐ.​എ​സ്.​എ​ല്ലി​ലെ കി​രീ​ട ഫേ​വ​റി​റ്റു​ക​ളാ​യ മും​ബൈ​യോ​ടും ബ​ഗാ​നോ​ടും. മും​ബൈ​യെ കൊ​ച്ചി​യി​ലി​ട്ടാ​ണ് പി​ഴി​ഞ്ഞ​തെ​ങ്കി​ൽ ബ​ഗാ​നെ കൊ​ൽ​ക്ക​ത്ത​യു​ടെ മ​ണ്ണി​ൽ​ത്ത​ന്നെ വാ​രി​ക്കെ​ട്ടി. ബ​ഗാ​നെ​തി​രെ കൊ​ൽ​ക്ക​ത്ത​യി​ൽ ജ​യി​ച്ചി​ട്ടി​ല്ലെ​ന്ന ദോ​ഷ​പ്പേ​രും മാ​റ്റി​യെ​ഴു​തി. ഇ​ന്ത്യ​ൻ സൂ​പ്പ​ർ ലീ​ഗി​ന്റെ പ​ത്താം സീ​സ​ണി​ൽ ആ​ദ്യ​ഘ​ട്ട ഷെ​ഡ്യൂ​ൾ അ​വ​സാ​നി​ക്കാ​നി​രി​ക്കെ, ആ​ദ്യ പ​കു​തി​യി​ൽ ച​രി​ത്രം തി​രു​ത്തി​യ പ്ര​ക​ട​ന​വു​മാ​യി കേ​ര​ള ബ്ലാ​സ്റ്റേ​ഴ്സ് എ​ഫ്.​സി പോ​യ​ന്റ് പ​ട്ടി​ക​യി​ൽ മു​ന്നി​ലാ​ണ്. ഈ ​ക​ല​ണ്ട​ർ വ​ർ​ഷ​ത്തെ മ​ത്സ​ര​ങ്ങ​ൾ പൂ​ർ​ത്തി​യാ​ക്കി​യ കേ​ര​ള ബ്ലാ​സ്റ്റേ​ഴ്സ് 12 ക​ളി​ക​ളി​ൽ നേ​ടി​യ​ത് 26 പോ​യ​ന്റ്. എ​ട്ടു ജ​യം, ര​ണ്ടു സ​മ​നി​ല, ര​ണ്ടു തോ​ൽ​വി എ​ന്നി​വ​യാ​ണ് ക്രെ​ഡി​റ്റി​ൽ. അ​ത്ര ശ​ക്ത​ര​ല്ലാ​ത്ത ചെ​ന്നൈ​യി​നു​മാ​യും (3-3) നോ​ർ​ത്ത് ഈ​സ്റ്റു​മാ​യും (1-1) ഹോം ​മൈ​താ​ന​ത്ത് അ​പ്ര​തീ​ക്ഷി​ത സ​മ​നി​ല വ​ഴ​ങ്ങേ​ണ്ടി​വ​ന്ന​തൊ​ഴി​ച്ചാ​ൽ ബാ​ക്കി​യെ​ല്ലാം ബ്ലാ​സ്റ്റേ​ഴ്സി​ന്റെ ക​ണ​ക്കു​കൂ​ട്ട​ലു​ക​ൾ​ക്കൊ​പ്പ​മാ​യി​രു​ന്നു. സ്വ​ന്തം മ​ണ്ണി​ൽ ഒ​രു തോ​ൽ​വി​പോ​ലും ഇ​തു​വ​രെ വ​ഴ​ങ്ങി​യി​ട്ടി​ല്ല. പ​രി​ക്കു​വ​ല​ച്ച ടീ​മി​നെ ഒ​ന്നാ​ന്ത​രം പോ​രാ​ളി​ക​ളാ​ക്കി മാ​റ്റി​യ കോ​ച്ച് ഇ​വാ​ൻ വു​കു​മ​നോ​വി​ച്ചി​നാ​ണ് പൂ​ർ​ണ ക്രെ​ഡി​റ്റ്. എ​ല്ലാ ഐ.​എ​സ്.​എ​ൽ ക്ല​ബു​ക​ളു​മാ​യും ഇ​വാ​ന് കീ​ഴി​ൽ ടീം ​ജ​യം കു​റി​ച്ചു​ക​ഴി​ഞ്ഞു. ഇ​തി​ന​കം അ​ഞ്ചു മ​ത്സ​ര​ങ്ങ​ളി​ൽ ക്ലീ​ൻ​ഷീ​റ്റും സ്വ​ന്ത​മാ​ക്കി. റി​സ​ർ​വ് സ്ക്വാ​ഡി​ൽ​നി​ന്നു​വ​ന്ന് ഒ​ന്നാ​ന്ത​രം പ്ര​ക​ട​ന​ത്തോ​ടെ ബാ​റി​ന് കീ​ഴി​ൽ സ്ഥാ​ന​മു​റ​പ്പി​ച്ച മ​ല​യാ​ളി താ​രം സ​ച്ചി​ൻ സു​രേ​ഷി​നു മു​ന്നി​ൽ ഓ​രോ നി​ര​യി​ലും കോ​ം​ബോ കൂ​ട്ടു​കെ​ട്ട് വി​ജ​യം കാ​ണു​ന്നു​വെ​ന്ന​താ​ണ് ബ്ലാ​സ്റ്റേ​ഴ്സ് നി​ര​യി​ലെ വി​ജ​യ​ത്തി​ൽ പ്ര​ധാ​നം.

•ദി​മി​യും പെ​പ്ര​യും

4-4-2 ശൈ​ലി​യി​ലാ​ണ് കോ​ച്ച് ഇ​വാ​ൻ പ​തി​വാ​യി ടീ​മി​നെ ഇ​റ​ക്കാ​റു​ള്ള​ത്. തു​ട​ക്ക​ത്തി​ൽ അ​ഡ്രി​യാ​ൻ ലൂ​ണ​യും ക്വാ​മി പെ​പ്ര​യു​മാ​യി​രു​ന്നു മു​ന്നേ​റ്റ​ത്തി​ലെ കൂ​ട്ട്. പി​ന്നീ​ട് ലൂ​ണ​യെ മ​ധ്യ​നി​ര​യി​ലേ​ക്ക് ഇ​റ​ക്കി ദി​മി​ത്രി​യോ​സ് ഡ​യ​മ​ന്റ​കോ​സി​നെ പെ​പ്ര​ക്കൊ​പ്പം ഇ​വാ​ൻ നി​യോ​ഗി​ച്ചു. ഡ​യ​മ​ന്റ​കോ​സും ലൂ​ണ​യും ഗോ​ള​ടി തു​ട​രു​മ്പോ​ൾ ആ​ദ്യ ഏ​ഴു മ​ത്സ​ര​ങ്ങ​ളി​ലും ഫോം ​ക​ണ്ടെ​ത്താ​നാ​വാ​തെ ഉ​ഴ​ലു​ക​യാ​യി​രു​ന്നു പെ​പ്ര. എ​ന്നാ​ൽ, പെ​പ്ര​യു​ടെ ക​ഴി​വി​ൽ പൂ​ർ​ണ വി​ശ്വാ​സ​മ​ർ​പ്പി​ച്ചി​രു​ന്നു കോ​ച്ച്. പ​രി​ക്കേ​റ്റ് ലൂ​ണ പോ​യ​തി​നു​ശേ​ഷ​മു​ള്ള മ​ത്സ​ര​ങ്ങ​ളി​ലാ​ണ് പെ​പ്ര കൂ​ടു​ത​ൽ ഉ​ത്ത​ര​വാ​ദി​ത്ത​ത്തോ​ടെ ക​ളി​ച്ചു​തു​ട​ങ്ങി​യ​ത്. മും​ബൈ​ക്കെ​തി​രെ​യും ബ​ഗാ​നെ​തി​രെ​യു​മു​ള്ള ര​ണ്ടു ബി​ഗ് മാ​ച്ചു​ക​ളി​ൽ ദി​മി-​പെ​പ്ര സ​ഖ്യം മി​ന്നി. പ​ര​സ്പ​ര ധാ​ര​ണ​യോ​ടെ​യു​ള്ള ഇ​രു​വ​രു​ടെ​യും നി​ര​വ​ധി നീ​ക്ക​ങ്ങ​ൾ ക​ണ്ടു. 12 മ​ത്സ​ര​ങ്ങ​ളി​ൽ​നി​ന്ന് ര​ണ്ടു ഗോ​ളും ഒ​രു അ​സി​സ്റ്റു​മാ​ണ് പെ​പ്ര​യു​ടെ സം​ഭാ​വ​ന. 10 ക​ളി​യി​ൽ ബൂ​ട്ടു​കെ​ട്ടി​യ ദി​മി​യാ​ക​ട്ടെ ഇ​തി​ന​കം ഏ​ഴു ഗോ​ളു​മാ​യി ടോ​പ് സ്കോ​റ​ർ പ​ദ​വി​യി​ലാ​ണ്.

• അ​യ്മ​നും രാ​ഹു​ലും

ബ്ലാ​സ്റ്റേ​ഴ്സി​ന്റെ മ​ധ്യ​നി​ര​യി​ൽ എ​ണ്ണ​യി​ട്ട യ​ന്ത്രം​ക​ണ​ക്കെ ക​ളി​ച്ചി​രു​ന്ന അ​ഡ്രി​യാ​ൻ ലൂ​ണ പ​രി​ക്കേ​റ്റ​പ്പോ​ൾ മി​ഡ്ഫീ​ൽ​ഡി​ൽ വി​പി​ൻ മോ​ഹ​നും ഡാ​നി​ഷ് ഫാ​റൂ​ഖി​നും ഉ​ത്ത​ര​വാ​ദി​ത്തം വ​ർ​ധി​ച്ചു. വി​പി​നും പ​രി​ക്കേ​റ്റ​തോ​ടെ ബ​ഗാ​നെ​തി​രെ ആ ​റോ​ൾ ഏ​റ്റെ​ടു​ത്ത മു​ഹ​മ്മ​ദ് അ​സ്ഹ​ർ ഒ​ന്നാ​ന്ത​രം പ്ര​ക​ട​ന​മാ​ണ് പു​റ​ത്തെ​ടു​ത്ത​ത്. 89 മി​നി​റ്റ് ക​ള​ത്തി​ൽ ചെ​ല​വ​ഴി​ച്ച അ​സ്ഹ​റി​ന്റെ പാ​സി​ങ് ആക്യു​റ​സി 94 ശ​ത​മാ​ന​മാ​യി​രു​ന്നു. എ​ട്ടു ടാ​ക്കി​ളു​ക​ൾ ഭം​ഗി​യാ​യി നി​ർ​വ​ഹി​ച്ച താ​രം മൂ​ന്നു ഗോ​ള​വ​സ​ര​ങ്ങ​ളും ഒ​രു​ക്കി. അ​വ​സാ​ന മി​നി​റ്റു​ക​ളി​ൽ കെ.​പി. രാ​ഹു​ലി​ന് ഗോ​ൾ​മു​ഖ​ത്തേ​ക്ക് നീ​ട്ടി​ന​ൽ​കി​യ സാ​ങ്കേ​തി​ക​ത്തി​ക​വാ​ർ​ന്ന പാ​സി​ലൊ​ളി​ച്ചി​രി​പ്പു​ണ്ട് അ​സ്ഹ​റി​ന്റെ പ്ര​തി​ഭ. അ​സ്ഹ​റി​ന്റെ സ​ഹോ​ദ​ര​ൻ മു​ഹ​മ്മ​ദ് അ​യ്മ​നും രാ​ഹു​ലും ത​മ്മി​ലു​ള്ള ഒ​ത്തി​ണ​ക്കം മ​ധ്യ​നി​ര​യി​ൽ പ്ര​ധാ​ന​മാ​ണ്. അ​യ്മ​ന്റെ ക്വി​ക്ക് ടേ​ണു​ക​ളും രാ​ഹു​ലി​ന്റെ വേ​ഗ​വും മു​ന്നേ​റ്റ​ത്തി​ലും ഗു​ണം​ചെ​യ്യു​ന്നു. കാ​ലി​ൽ​നി​ന്ന് ഗോ​ളു​ക​ൾ മാ​റി​നി​ന്നി​ട്ടും കോ​ച്ചി​ന്റെ പ്രി​യ ശി​ഷ്യ​നാ​യി രാ​ഹു​ൽ മാ​റു​ന്ന​ത് മു​ന്നേ​റ്റ​ത്തി​ലും മ​ധ്യ​നി​ര​യി​ലും പ്ര​തി​രോ​ധ​ത്തി​ലും ഒ​രു​പോ​ലെ പ​ണി​യെ​ടു​ക്കാ​നാ​വു​ന്ന​തു​കൊ​ണ്ടാ​ണ്.

•ലെ​സ്കോ​യും മി​ലോ​സും

പ്ര​തി​രോ​ധ​ത്തി​ലെ തീ​യാ​ണ് സെ​ൻ​ട്ര​ൽ ഡി​ഫ​ൻ​സി​ലെ മാ​ർ​കോ ലെ​സ്കോ​വി​ച്ചും മി​ലോ​സ് ഡ്രി​ൻ​ക്സി​ച്ചും. റൈ​റ്റ് ബാ​ക്കി​ൽ പ്രീ​തം കോ​ട്ടാ​ലും ലെ​ഫ്റ്റ് ബാ​ക്കി​ൽ ന​വോ​ച്ച സി​ങ്ങും ചേ​രു​മ്പോ​ൾ ആ​ദ്യ ഇ​ല​വ​നി​ലെ പ്ര​തി​രോ​ധ കോ​ട്ട പൂ​ർ​ണം. പ​രി​ക്കു​മാ​റി ലെ​സ്കോ​വി​ച് ക​ള​ത്തി​ലേ​ക്ക് തി​രി​ച്ചു​വ​രു​ന്ന​തു​വ​രെ പ്രീ​തം​കോ​ട്ടാ​ലാ​യി​രു​ന്നു മി​ലോ​സി​നൊ​പ്പ​മു​ണ്ടാ​യി​രു​ന്ന​ത്. ആ ​മ​ത്സ​ര​ങ്ങ​ളി​ലെ​ല്ലാം ഈ ​മോ​ണ്ടി​നെ​ഗ്ര​ൻ താ​ര​ത്തി​ന്റെ ഒ​ന്നാ​ന്ത​രം പ്ര​ക​ട​ന​ങ്ങ​ൾ ക​ണ്ടു. ലെ​സ്കോ കൂ​ട്ടി​നെ​ത്തി​യ​തോ​ടെ പ്ര​തി​രോ​ധ​മു​റ​ച്ചു. എ​തി​ർ അ​റ്റാ​ക്ക​ർ​മാ​രെ മാ​ർ​ക്ക് ചെ​യ്യു​ന്ന​തി​ൽ മി​ടു​ക്ക​നാ​ണ് 24 കാ​ര​നാ​യ മി​ലോ​സ്. മും​ബൈ​ക്കെ​തി​രെ അ​വ​രു​ടെ ടോ​പ്സ്കോ​റ​ർ പെ​രേ​ര ഡ​യ​സി​നെ​യും ബ​ഗാ​നെ​തി​രെ ജാ​സ​ൻ ക​മ്മി​ങ്സി​നെ​യും മി​ലോ​സ് പോ​ക്ക​റ്റി​ലി​ട്ടു എ​ന്നു​പ​റ​യു​ന്ന​താ​വും ശ​രി. സ​ഹ​താ​ര​ങ്ങ​ളെ പ്ര​ചോ​ദി​പ്പി​ച്ചും ആ​വ​ശ്യം വ​രു​മ്പോ​ൾ ശാ​സി​ച്ചും ക​ള​ത്തി​ൽ ശ​രി​ക്കും ആ​ശാ​നാ​ണ് ലെ​സ്കോ.

•ഡ​ബ്ൾ സ്ട്രോ​ങ് ബെ​ഞ്ച്

ബെ​ഞ്ച് സ്ട്രെ​ങ്ത് പോ​രാ എ​ന്ന​താ​യി​രു​ന്നു മു​ൻ സീ​സ​ണു​ക​ളി​ലെ​ല്ലാം ബ്ലാ​സ്റ്റേ​ഴ്സി​ന് വി​ന​യാ​യി​രു​ന്ന​ത്. എ​ന്നാ​ൽ, ഈ ​സീ​സ​ണി​ൽ പ്ര​ധാ​ന താ​ര​ങ്ങ​ളി​ൽ പ​ല​രും പ​രി​ക്കി​നെ തു​ട​ർ​ന്ന് പു​റ​ത്തി​രു​ന്നി​ട്ടും ടീം ​ടേ​ബ്ൾ ടോ​പ്പ​റാ​യി മാ​റു​ന്നു​വെ​ന്ന​ത് ചെ​റി​യ കാ​ര്യ​മ​ല്ല. ദി​മി​ക്കൊ​പ്പം ആ​ക്ര​മ​ണ​ത്തി​നാ​യി ബ്ലാ​സ്റ്റേ​ഴ്സ് ക​ണ്ടു​വെ​ച്ചി​രു​ന്ന ആ​സ്ട്രേ​ലി​യ​ൻ അ​റ്റാ​ക്കി​ങ് ഫോ​ർ​വേ​ഡ് ജോ​ഷ്വ സൊ​റ്റി​രി​യോ അ​ദ്യ മ​ത്സ​ര​ത്തി​ന് മു​മ്പു​ത​ന്നെ പ​രി​ക്കേ​റ്റു​മ​ട​ങ്ങി​യി​രു​ന്നു. പ്ര​തി​രോ​ധ​ത്തി​ലെ ഐ​ബ​ൻ ദോ​ലി​ങ്, മ​ധ്യ​നി​ര​യി​ൽ​നി​ന്ന് ജീ​ക്സ​ൺ സി​ങ്, അ​ഡ്രി​യാ​ൻ ലൂ​ണ, ഫ്രെ​ഡ്ഡി, വി​പി​ൻ മോ​ഹ​ൻ എ​ന്നി​വ​രും പ​രി​ക്കി​നെ തു​ട​ർ​ന്ന് പു​റ​ത്താ​ണ്. പ​രി​ക്കു​മാ​റി അ​വ​സാ​ന നാ​ലു മ​ത്സ​ര​ങ്ങ​ളി​ലാ​ണ് ലെ​സ്കോ​വി​ച് ഇ​റ​ങ്ങി​യ​ത്. എ​ന്നി​ട്ടും ഒ​രേ താ​ള​ത്തി​ൽ ടീ​മി​ന് ക​ളി​ക്കാ​ൻ ക​ഴി​യു​ന്ന​ത് അ​ത്ര​ക്കും മി​ക​ച്ച ബെ​ഞ്ച് സ്ട്രെ​ങ്ത് ഉ​ള്ള​തു​കൊ​ണ്ടാ​ണ്. അ​ഡ്രി​യാ​ൻ ലൂ​ണ​ക്കു പ​ക​രം ജ​നു​വ​രി ട്രാ​ൻ​സ്ഫ​ർ വി​ൻ​ഡോ​യി​ൽ ഒ​രു മി​ക​ച്ച സൈ​നി​ങ് ന​ട​ക്കാ​ൻ പോ​കു​ന്നു​വെ​ന്നാ​ണ് വി​വ​രം.

ഐ.​എ​സ്.​എ​ൽ ഷീ​ൽ​ഡും കി​രീ​ട​വും എ​ന്ന സ്വ​പ്ന​നേ​ട്ട​ത്തി​ലേ​ക്ക് ക​ണ്ണു​വെ​ക്കു​ന്ന ബ്ലാ​സ്റ്റേ​ഴ്സി​നു മു​ന്നി​ൽ എ​ഫ്.​സി ഗോ​വ​യാ​ണ് പ്ര​ധാ​ന വെ​ല്ലു​വി​ളി. ഒ​മ്പ​തു ക​ളി​യി​ൽ ഒ​ന്നു​പോ​ലും തോ​ൽ​ക്കാ​ത്ത ഗോ​വ​ക്ക് 23 പോ​യ​ന്റു​ണ്ട്. വെ​ള്ളി​യാ​ഴ്ച നോ​ർ​ത്ത് ഈ​സ്റ്റ് യു​നൈ​റ്റ​ഡി​നെ​തി​രെ ഗോ​വ സ​മ​നി​ല​യോ തോ​ൽ​വി​യോ വ​ഴ​ങ്ങി​യാ​ൽ പോ​യ​ന്റ് പ​ട്ടി​ക​യി​ൽ ബ്ലാ​സ്റ്റേ​ഴ്സി​ന് ഇ​ള​ക്കം​ത​ട്ടി​ല്ല. മ​റി​ച്ചാ​ണ് ഫ​ല​മെ​ങ്കി​ൽ ഗോ​ൾ ശ​രാ​ശ​രി​യു​ടെ ബ​ല​ത്തി​ൽ ഗോ​വ ഒ​ന്നാം സ്ഥാ​ന​ത്ത് തി​രി​ച്ചെ​ത്തും. ഐ.​എ​സ്.​എ​ൽ ആ​ദ്യ​ഘ​ട്ട മ​ത്സ​ര​ങ്ങ​ൾ ഇ​ന്ന​ത്തോ​ടെ അ​വ​സാ​നി​ക്കു​മെ​ങ്കി​ലും ജ​നു​വ​രി​യി​ൽ ന​ട​ക്കു​ന്ന സൂ​പ്പ​ർ ക​പ്പി​നൊ​രു​ങ്ങു​ക​യാ​ണ് ടീ​മു​ക​ൾ. ഐ.​എ​സ്.​എ​ൽ ടീ​മു​ക​ളും ഐ ​ലീ​ഗി​ലെ നാ​ലു ടീ​മു​ക​ളും ഉ​ൾ​െ​പ്പ​ടു​ന്ന ടൂ​ർ​ണ​മെ​ന്റി​ൽ ജാം​ഷ​ഡ്പു​ർ, നോ​ർ​ത്ത് ഈ​സ്റ്റ്, ഷി​ല്ലോ​ങ് ല​ജോ​ങ് എ​ന്നി​വ​യാ​ണ് ഗ്രൂ​പ് ഘ​ട്ട​ത്തി​ൽ ബ്ലാ​സ്റ്റേ​ഴ്സി​ന് എ​തി​രാ​ളി​ക​ൾ. ജ​നു​വ​രി 10ന് ​ഷി​ല്ലോ​ങ് ല​ജോ​ങ്ങു​മാ​യാ​ണ് ആ​ദ്യ മ​ത്സ​രം.