സ​തേ​ൺ പോ​രി​ൽ ബം​ഗ​ളൂ​രു

ബം​ഗ​ളൂ​രു: ഇ​ന്ത്യ​ൻ സൂ​പ്പ​ർ ലീ​ഗി​ലെ സ​തേ​ൺ ഡെ​ർ​ബി​യി​ൽ ചെ​ന്നൈ​യി​നെ ഒ​റ്റ ഗോ​ളി​ന്​ വീ​ഴ്ത്തി ബം​ഗ​ളൂ​രു. ശ്രീ​ക​ണ്ഠീ​ര​വ സ്​​റ്റേ​ഡി​യ​ത്തി​ൽ ന​ട​ന്ന മ​ത്സ​ര​ത്തി​ൽ 62ാം മി​നി​റ്റി​ൽ ഫോ​ർ​വേ​ഡ്​ റ​യാ​ൻ വി​ല്യം​സ്​ നേ​ടി​യ ഗോ​ളി​നാ​ണ്​ ആ​തി​ഥേ​യ​രു​ടെ ജ​യം. പോ​യ​ന്‍റ്​ പ​ട്ടി​ക​യി​ൽ 11ാമ​താ​യി​രു​ന്ന ബം​ഗ​ളൂ​രു ഈ ​ജ​യ​ത്തോ​​ടെ 14 ക​ളി​യി​ൽ 14 പോ​യ​ന്‍റു​മാ​യി ആ​റാം സ്ഥാ​ന​ത്തേ​ക്ക്​ ക​യ​റി. ചെ​ന്നൈയിൻ പ​ത്താം സ്ഥാ​ന​ത്തേ​ക്ക്​ താ​ഴ്ന്നു.

ഇ​രു ഗോ​ൾ​മു​ഖ​ത്തേ​ക്കും ഒ​റ്റ​പ്പെ​ട്ട നീ​ക്ക​ങ്ങ​ൾ ക​ണ്ട ഒ​ന്നാം പ​കു​തി​യി​ൽ ബം​ഗ​ളൂ​രു​വി​നാ​യി​രു​ന്നു മേ​ൽ​ക്കൈ. 14ാം മി​നി​റ്റി​ൽ​ ജോ​ർ​ദാ​ൻ മ​റെ​യു​ടെ മു​ന്നേ​റ്റം ഇ​ട​തു ബോ​ക്സി​ന്​ പു​റ​ത്ത്​ റോ​ഷ​ൻ​സി​ങ്​ ഫൗ​ളി​ൽ ത​ട​ഞ്ഞ​തോ​ടെ ചെ​ന്നൈ​യി​ന്​ ഫ്രീ​കി​ക്ക്. ഡെ​ഡ്​​ബാ​ൾ സ്​​പെ​ഷ​ലി​സ്റ്റ്​ റ​ഫേ​ൽ ക്രി​വ​ലാ​രോ എ​ടു​ത്ത കി​ക്ക്​ ഗോ​ൾ​മു​ഖ​ത്തേ​ക്കി​റ​ങ്ങി​യെ​ങ്കി​ലും ഗു​ർ​പ്രീ​തി​ന്‍റെ​ കൈ​യി​ലൊ​തു​ങ്ങി.

പി​ന്നാ​ലെ 16ാം മി​നി​റ്റി​ൽ ചെ​ന്നൈ മു​ഖ​ത്ത്​ ബം​ഗ​ളൂ​രു​വി​നും സ​മാ​ന അ​വ​സ​രം. യാ​വി​യ​ർ ഹെ​ർ​ണാ​ണ്ട​സി​ന്‍റെ മു​ന്നേ​റ്റം വ​ല​തു ബോ​ക്സി​ന്​ തൊ​ട്ടു​മു​ന്നി​ൽ ചെ​ന്നൈ പ്ര​തി​രോ​ധ താ​രം സാ​ർ​ഥ​ക്​ ഗു​ലൂ​യ്​ ത​ട​ഞ്ഞ​ത്​ മ​ഞ്ഞ​ക്കാ​ർ​ഡി​ന്‍റെ അ​ക​മ്പ​ടി​യി​ൽ. എ​ന്നാ​ൽ, കി​ക്കെ​ടു​ത്ത റ​യാ​ൻ വി​ല്യം​സി​ന്​ അ​പ​ക​ട​ക​ര​മാ​യ​തൊ​ന്നും ചെ​യ്യാ​നാ​യി​ല്ല. ബോ​ക്സി​ലേ​ക്ക്​ വ​ന്ന പ​ന്ത്​ റ​ഹിം അ​ലി അ​നാ​യാ​സം ക്ലി​യ​ർ ചെ​യ്തു. 27ാം മി​നി​റ്റി​ൽ ബം​ഗ​ളൂ​രു​വി​ന്​ ലീ​ഡെ​ടു​ക്കാ​ൻ അ​വ​സ​രം തു​റ​ന്നെ​ങ്കി​ലും മു​ത​ലെ​ടു​ക്കാ​നാ​യി​ല്ല.

വ​ല​തു​വി​ങ്ങി​ലൂ​ടെ​യു​ള്ള നി​ഖി​ൽ പൂ​ജാ​രി​യു​ടെ റ​ൺ ജോ​ർ​ദാ​ൻ മ​റെ ഫൗ​ളി​ലൂ​ടെ ത​ട​ഞ്ഞ​പ്പോ​ൾ ബോ​ക്സി​ന്​ സ​മീ​പ​ത്തു​നി​ന്ന്​ ഫ്രീ​കി​ക്ക്. ത​ന്ത്ര​പ​ര​മാ​യ കി​ക്കി​ൽ പ​ന്ത്​ യാ​വി നേ​രെ ബോ​ക്സി​ൽ ക്യാ​പ്​​റ്റ​ൻ സു​നി​ൽ ചേ​ത്രി​ക്ക്​ ന​ൽ​കി​യെ​ങ്കി​ലും ചേ​ത്രി​യു​ടെ ഷോ​ട്ട്​ പി​ഴ​ച്ചു.

ആ​ദ്യ​പ​കു​തി അ​വ​സാ​നി​ക്കാ​ൻ നാ​ലു​മി​നി​റ്റ്​ ശേ​ഷി​ക്കെ ഇ​രു​ഭാ​ഗ​ത്തും ഓ​രോ ന​ല്ല നീ​ക്കം ക​ണ്ടു. നി​ഖി​ൽ പൂ​ജാ​രി​യും യു​വ​താ​രോ ഷി​വാ​ൽ​ഡോ സി​ങ്ങും ന​ട​ത്തി​യ നീ​ക്ക​ത്തി​നൊ​ടു​വി​ൽ പ​ന്ത്​ ഒ​ന്നാ​ന്ത​ര​മാ​യി ചെ​ന്നൈ ബോ​ക്സി​ലേ​ക്ക്​ ന​ൽ​കി​യെ​ങ്കി​ലും ഓ​ടി​യെ​ത്തി​യ യാ​വി​ക്ക്​ ടൈ​മി​ങ്​ പി​ഴ​ച്ചു. കൗ​ണ്ട​ർ അ​റ്റാ​ക്കി​ൽ എ​തി​ർ ഗോ​ളി ഗു​ർ​പ്രീ​ത്​ മാ​ത്രം മു​ന്നി​ൽ നി​ൽ​ക്കെ, ചെ​ന്നൈ താ​ര​ത്തി​ന്‍റെ ഹെ​ഡ​ർ ശ്ര​മം പാ​ളി.

ച​ടു​ല​മാ​യ നീ​ക്ക​ങ്ങ​ളൊ​ന്നും പി​റ​ക്കാ​തെ പോ​യ വി​ര​സ​മാ​യ ആ​ദ്യ പ​കു​തി​ക്കു​ശേ​ഷം ചെ​ന്നൈ വ​ല​യി​ൽ ഗോ​ൾ പ​തി​ച്ച​തോ​ടെ​യാ​ണ്​ ക​ളി ചൂ​ടു​പി​ടി​ച്ച​ത്. ആ​ദ്യ പ​കു​തി​ക്കു പി​ന്നാ​ലെ ബം​ഗ​ളൂ​രു ഇ​ര​ട്ട​മാ​റ്റം വ​രു​ത്തി. യാ​വി​ക്ക്​ പ​ക​രം ഡാ​നി​ഷ്​ താ​രം ദ്രോ​സ്റ്റും ഷി​വാ​ൽ​ഡോ​ക്ക്​ പ​ക​രം ഹാ​ളി​ച​ര​ൺ ന​ർ​സാ​രി​യും ഇ​റ​ങ്ങി. അ​തി​ന്​ ഫ​ല​വും ക​ണ്ടു. 62ാം മി​നി​റ്റി​ൽ മൈ​താ​ന മ​ധ്യ​ത്തി​ൽ​നി​ന്ന്​ ഹാ​ളി ച​ര​ൺ ന​ൽ​കി​യ അ​സി​സ്റ്റ്​ സ്വീ​ക​രി​ച്ച്​ പ​ന്തു​മാ​യി ഒ​റ്റ​ക്ക്​ കു​തി​ച്ച റ​യാ​ൻ വി​ല്യം​സ്​ ചെ​​ന്നൈ ക​സ്​​റ്റോ​ഡി​യ​ൻ ദേ​ബ്​​ജി​ത്​ മ​ജും​ദാ​റി​നെ ക​ബ​ളി​പ്പി​ച്ച്​ പ​ന്ത്​ ത​ല​ക്കു മു​ക​ളി​ലൂ​ടെ പ്ലേ​സ്​ ചെ​യ്തു.

ഗോ​ൾ പി​റ​ന്ന​തി​ന്​ പി​ന്നാ​ലെ ഇ​രു ടീ​മും നീ​ക്ക​ങ്ങ​ൾ സ​ജീ​വ​മാ​ക്കി. അ​വ​സാ​ന 20 മി​നി​റ്റി​ൽ തു​ട​രെ നാ​ലു മാ​റ്റ​ങ്ങ​ളു​മാ​യി ചെ​ന്നൈ ഫ്ര​ഷ്​ ലെ​ഗി​ൽ പ്ര​തീ​ക്ഷ​യ​ർ​പ്പി​ച്ചെ​ങ്കി​ലും ഫ​ല​മു​ണ്ടാ​യി​ല്ല. ചെ​​ന്നൈ നി​ര​യി​ൽ ഫോ​ർ​വേ​ഡ്​ കോ​ണോ​ർ ജോ​ൻ ഷീ​ൽ​ഡ്​ മി​ക​ച്ച ക​ളി പു​റ​ത്തെ​ടു​ത്തു.