ഇന്ത്യൻ ഫുട്​ബാൾ ടീം ഒമാനോടും യു.എ.ഇയോടും ഏറ്റുമുട്ടും

ന്യൂഡൽഹി: ഇന്ത്യൻ ഫുട്​ബാൾ ടീം ഒമാൻ, യു.എ.ഇ എന്നിവരുമായി സൗഹൃദ മത്സരം കളിക്കും. ഒമാനുമായുള്ള മത്സരം മാർച്ച്​ 25നും യു.എ.ഇയുമായുള്ള മത്സരം മാർച്ച്​ 29നുമായിരിക്കുമെന്ന്​ ആൾ ഇന്ത്യ ഫുട്​ബാൾ ഫെഡറേഷൻ അറിയിച്ചു. രണ്ടുമത്സരങ്ങളും ദുബൈയിലാകും അരങ്ങേറുക.

2019 നവംബറിലാണ്​ ഇന്ത്യൻ ഫു​ട്​ബാൾ ടീം അവസാനമായി അന്താരാഷ്​ട്ര മത്സരം കളിച്ചത്​. ഖത്തർ ലോകകപ്പിന്‍റെ യോഗ്യത റൗണ്ട്​ മത്സരത്തിലായിരുന്നു അത്​. ഐ.എസ്​.എൽ​ അവസാനിച്ച ശേഷം മാർച്ച്​ 15ന്​ താരങ്ങൾ ഇന്ത്യൻ ക്യാമ്പിലെത്തും.