Begin typing your search above and press return to search.
exit_to_app
exit_to_app
Homechevron_rightSportschevron_rightFootballchevron_rightനേപ്പാളിനെ തകർത്തു;...

നേപ്പാളിനെ തകർത്തു; സാഫ്​ ഫുട്​ബാൾ കിരീടം ഇന്ത്യക്ക്​

text_fields
bookmark_border
നേപ്പാളിനെ തകർത്തു; സാഫ്​ ഫുട്​ബാൾ കിരീടം ഇന്ത്യക്ക്​
cancel

ന്യൂ​ഡ​ൽ​ഹി: ദ​ക്ഷി​ണേ​ഷ്യ​ൻ രാ​ജ്യ​ങ്ങ​ൾ​ക്കാ​യു​ള്ള സാ​ഫ്​ ചാ​മ്പ്യ​ൻ​ഷി​പ് കിരീടം ഇന്ത്യക്ക്​. ഫൈനലിൽ നേപ്പാളിനെ എതിരില്ലാത്ത മൂന്നു​ ഗോളുകൾക്ക്​ തകർത്താണ്​ ഇന്ത്യ സാഫ്​ ചാമ്പ്യൻഷിപിലെ തേരോട്ടം തുടർന്നത്​. 49ാം മിനിറ്റിൽ സൂപ്പർ താരം സുനിൽ ഛേത്രിയും 50ാം മിനിറ്റിൽ സുരേഷ്​ സിങ്ങും 90ാം മിനിറ്റിൽ മലയാളി താരം സഹൽ അബ്​ദുൽ സമദും നേടിയ ഗോളുകളാണ്​ ഇന്ത്യക്ക്​ എട്ടാം കിരീടം നേടിക്കൊടുത്തത്​ ​. 49,50 രണ്ടുമിനിറ്റുകൾക്കുള്ളിൽ ഇന്ത്യ കുറിച്ച രണ്ട്​ തകർപ്പൻ ഗോളുകൾക്ക്​ മറുപടി നൽകാൻ നേപ്പാളിനായില്ല. ഇഞ്ചുറി ടൈമിന്​ തൊട്ടരികെ പകരക്കാരനായി കളത്തിലെത്തിയ സഹൽ നേപ്പാൾ പ്രതിരോധ നിരയെ വകഞ്ഞുമാറ്റി ഗോൾ കുറിക്കുകയായിരുന്നു.

49ാം മിനിറ്റിൽ കൊട്ടൽ നൽകിയ ഉജ്ജ്വല ​​ക്രോസ്​ തലകൊണ്ട്​ തട്ടിയിട്ടാണ്​ ഛേത്രി ഇന്ത്യയെ മുന്നിലെത്തിച്ചത്​. ഗോളിന്‍റെ ആഘാതത്തിൽ നിന്നും നേപ്പാൾ മുക്തമാകും മു​േമ്പ സുരേഷ്​ സിങ്ങിന്‍റെ തകർപ്പൻ ഗോളെത്തി. യാസിർ നൽകിയ പാസ്​ സ്വീകരിച്ച സുരേഷ്​ സിങ്​ സുന്ദരമായി ഗോളിലേക്ക്​ നിറയൊഴിക്കുകയായിരുന്നു.2019ൽ ​ഇ​ഗോ​ർ സ്​​റ്റി​മാ​ക്​​ പ​രി​ശീ​ല​ന​ക്കു​പ്പാ​യ​മ​ണി​ഞ്ഞ​ശേ​ഷം ഇ​ന്ത്യയുടെ ആ​ദ്യ കി​രീ​ട​മാണിത്​.

കഴിഞ്ഞ മത്സരത്തിൽ കരുത്തരായ മാ​ല​ദ്വീ​പി​നെ​തി​രെ 3-1​െൻ​റ ജ​യം കു​റി​ച്ച ഇ​ന്ത്യ​ക്ക്​ നേപ്പാൾ ദുർബലരായ എതിരാളികളായിരുന്നു. ലോ​ക റാ​ങ്കി​ങ്ങി​ൽ ഇ​ന്ത്യ​യെ​ക്കാ​ൾ 61 ഇ​ടം താ​ഴെ 168ലാ​ണ്​ നേ​പ്പാ​ൾ.സാഫ്​ കപ്പ്​ ടുർണമെന്‍റിൽ 13 തവണ ഫൈനൽ നടന്നതിൽ12 ത​വ​ണ​യും ഇന്ത്യ ഫൈനലിൽ എത്തിയിരുന്നു.2018ൽ മാലിദ്വീപ്​ ചാമ്പ്യൻമാരും ഇന്ത്യ റണ്ണേഴ്​സ്​ അപ്പുമായിരുന്നു. 2003ൽ ​മൂ​ന്നാം സ്​​ഥാ​ന​ക്കാ​രാ​യ​യതാണ്​ ഇന്ത്യയുടെ മോ​ശം പ്ര​ക​ട​നം.

Show Full Article
TAGS:Sunil Chhetri SAFF Championship 2021 indian football 
News Summary - India 3-0 Nepal: Chhetri, Suresh and Sahal on the scoresheet as India defeats Nepal
Next Story