ചാമ്പ്യൻസ് ഹോസ്റ്റിങ്; ഐ.​എ​സ്.​എ​ല്ലി​ൽ ഇ​ന്ന് ഹൈ​ദ​രാ​ബാ​ദ്- എ.​ടി.​കെ ബ​ഗാ​ൻ സെ​മി ആ​ദ്യ പാ​ദം

ഹൈ​ദ​രാ​ബാ​ദ്: നി​ല​വി​ലെ ജേ​താ​ക്ക​ളും ആ​തി​ഥേ​യ​രു​മെ​ന്ന ബ​ല​ത്തി​ൽ ഹൈ​ദ​രാ​ബാ​ദ് എ​ഫ്.​സി, അ​വ​സാ​ന മ​ത്സ​ര​ങ്ങ​ളി​ലെ ജ​യ​ത്തി​ലൂ​ടെ പോ​യ​ന്റ് പ​ട്ടി​ക​യി​ൽ മൂ​ന്നാം സ്ഥാ​ന​ത്തേ​ക്കു ക‍യ​റി ഉ​ജ്ജ്വ​ല ഫോം ​നി​ല​നി​ർ​ത്തി പ്ലേ​ഓ​ഫും ക​ട​ന്ന് നാ​ലി​ലൊ​രി​ടം ക​ണ്ടെ​ത്തി​യ എ.​ടി.​കെ മോ​ഹ​ൻ ബ​ഗാ​ൻ... ഇ​ന്ത്യ​ൻ സൂ​പ്പ​ർ ലീ​ഗ് ര​ണ്ടാം സെ​മി​ഫൈ​ന​ലി​ന്റെ ആ​ദ്യ പാ​ദ​ത്തി​ന് വ്യാ​ഴാ​ഴ്ച രാ​ത്രി ജി.​എം.​സി ബാ​ല​യോ​ഗി സ്റ്റേ​ഡി​യം വേ​ദി​യാ​വു​ക​യാ​ണ്. പോ​യ​ന്റ് പ​ട്ടി​ക​യി​ൽ ര​ണ്ടാം സ്ഥാ​ന​ക്കാ​രെ​ന്ന ആ​നു​കൂ​ല്യ​ത്തി​ൽ നേ​രി​ട്ട് സെ​മി ബെ​ർ​ത്ത് ല​ഭി​ച്ച​വ​രാ​ണ് ഹൈ​ദ​രാ​ബാ​ദു​കാ​ർ.

മി​ക​ച്ച മു​ൻ​നി​ര, ഫ​ല​പ്ര​ദ​മാ​യി കൈ​കാ​ര്യം​ചെ​യ്യു​ന്ന പ്ര​തി​രോ​ധം, ബാ​റി​നു കീ​ഴി​ൽ ജാ​ഗ​രൂ​ക​നാ​യ ഗു​ർ​മീ​ത് സി​ങ് തു​ട​ങ്ങി ആ​തി​ഥേ​യ​രെ സം​ബ​ന്ധി​ച്ച് ശ​ക്ത​മാ​ണ് കാ​ര്യ​ങ്ങ​ൾ. ജാ​വി സി​വേ​രി​യോ, ജോ​യ​ൽ ചി​യാ​നീ​സ്, ബോ​ർ​ജ ഹെ​രേ​ര, മു​ഹ​മ്മ​ദ് യാ​സി​ർ, ഹാ​ലി​ച​ര​ൺ ന​ർ​സാ​രി എ​ന്നി​വ​രോ​ടൊ​പ്പം ക്ല​ബി​ന്റെ ടോ​പ് ഗോ​ൾ സ്‌​കോ​റ​റാ​യ ബാ​ർ​ത്ത​ലോ​മി​യോ ഒ​ഗ്‌​ബെ​ച്ചെ​യെ​പ്പോ​ലു​ള്ള​വ​രെ നി​യ​ന്ത്രി​ക്കു​ക ബ​ഗാ​ൻ ഡി​ഫ​ൻ​ഡ​ർ​മാ​ർ​ക്ക് ശ്ര​മ​ക​ര​മാ​യ ജോ​ലി​യാ​ണ്. ദി​മി​ത്രി പെ​ട്രാ​റ്റോ​സ്, ഹ്യൂ​ഗോ ബൗ​മ​സ്, മ​ൻ​വീ​ർ സി​ങ്, ആ​ഷി​ക് കു​രു​ണി​യ​ൻ, ലി​സ്റ്റ​ൺ കൊ​ളാ​സോ തു​ട​ങ്ങി​യ​വ​രു​ടെ ഫോം ​ഹൈ​ദ​രാ​ബാ​ദി​നും വെ​ല്ലു​വി​ളി​യാ​വും.