ഹെർവ് റെനാർഡി​ന്റെ മടക്കം വിജയശിൽപി പരിവേഷത്തോടെ

റി​യാ​ദ്: ദേ​ശീ​യ ഫു​ട്​​ബാ​ൾ ടീ​മി​ന്റെ മു​ഖ്യ പ​രി​ശീ​ല​ക സ്ഥാ​ന​ത്തു​നി​ന്ന് ഹെ​ർ​വ് റെ​നാ​ർ​ഡ് പ​ടി​യി​റ​ങ്ങു​ന്ന​ത് ‘വി​ജ​യ​ശി​ൽ​പി’ പ​രി​വേ​ഷ​ത്തോ​ടെ. ഇ​ക്ക​ഴി​ഞ്ഞ ലോ​ക​ക​പ്പി​ൽ സൗ​ദി​ക്ക് ച​രി​ത്ര വി​ജ​യം നേ​ടി​ക്കൊ​ടു​ത്ത ഹെ​ർ​വി​നെ സ്വ​ദേ​ശി ഫു​ട്​​ബാ​ൾ ആ​രാ​ധ​ക​രും സൗ​ദി ഫു​ട്‌​ബാ​ളി​നെ സ്നേ​ഹി​ക്കു​ന്ന​വ​രും എ​ന്നും ഓ​ർ​മി​ക്കും. ഖ​ത്ത​ർ ലോ​ക​ക​പ്പി​ലെ ഏ​റ്റ​വും വ​ലി​യ അ​ട്ടി​മ​റി​യാ​യി​രു​ന്നു ആ​ദ്യ റൗ​ണ്ടി​ൽ അ​ർ​ജ​ന്റീ​ന​ക്കെ​തി​രെ സൗ​ദി ദേ​ശീ​യ ടീം ​നേ​ടി​യ വി​ജ​യം.

ലോ​ക​ക​പ്പി​ൽ ല​യ​ണ​ൽ മെ​സ്സി​യു​ടെ പ​ട​യെ സൗ​ദി അ​റേ​ബ്യ തോ​ൽ​പി​ക്കു​ക എ​ന്ന​ത് ഫു​ട്​​ബാ​ൾ ലോ​കം നി​ന​ച്ച കാ​ര്യ​മ​ല്ല. എ​ന്നാ​ൽ, ലു​സൈ​ൽ സ്​​റ്റേ​ഡി​യ​ത്തി​ലെ പ​തി​നാ​യി​ര​ങ്ങ​ളും ലോ​ക​മെ​മ്പാ​ടു​മു​ള്ള സ്ക്രീ​നു​ക​ളി​ൽ ല​ക്ഷ​ങ്ങ​ളും ക​ണ്ട ആ ​രം​ഗ​ത്തി​ന്റെ ശി​ൽ​പി ഹെ​ർ​വ് റെ​നാ​ർ​ഡ​ല്ലാ​തെ മ​റ്റാ​രു​മാ​യി​രു​ന്നി​ല്ല. ആ ​രം​ഗം മു​ൻ​കൂ​ട്ടി മ​ന​സ്സി​ൽ ക​ണ്ട​തു​കൊ​ണ്ടാ​ക​ണം ത​​ന്റെ ടീം ​ഖ​ത്ത​റി​ലെ​ത്തി​യ​ത് ഉ​ല്ലാ​സ​യാ​ത്ര​യു​ടെ ഭാ​ഗ​മാ​യ​ല്ലെ​ന്ന് മ​ത്സ​ര​ത്തി​ന് മ​ണി​ക്കൂ​റു​ക​ൾ മു​മ്പ് ന​ട​ന്ന വാ​ർ​ത്ത​സ​മ്മേ​ള​ന​ത്തി​ൽ റെ​നാ​ർ​ഡ് പ​റ​ഞ്ഞ​ത്.

ഓ​രോ സൗ​ദി പൗ​ര​നും ടീ​മി​നെ​യോ​ർ​ത്ത് അ​ഭി​മാ​നി​ക്കാ​നു​ള്ള വ​ക​യു​ണ്ടാ​കു​മെ​ന്നും അ​ദ്ദേ​ഹം പ​റ​ഞ്ഞു. ‘ഗ്രീ​ൻ ഫാ​ൽ​ക്ക​ൺ​സി’​ലെ ഓ​രോ ക​ളി​ക്കാ​ര​നും പ​രി​ശീ​ല​ക​ന്റെ ഈ ​വാ​ക്കു​ക​ൾ പ​ക​ർ​ന്നു ന​ൽ​കി​യ പോ​രാ​ട്ട​വീ​ര്യം ചെ​റു​താ​യി​രു​ന്നി​ല്ല. അ​ത് പി​ന്നീ​ട് ക​ളി​ക്ക​ള​ത്തി​ൽ ക​ണ്ടു. മ​ധ്യ​നി​ര​യി​ൽ ‘കോ​ട്ട’ കെ​ട്ടി ച​ര​ടി​ൽ കോ​ർ​ത്ത മു​ത്തു​ക​ൾ​പോ​ലെ പ്ര​തി​രോ​ധ​നി​ര വി​ന്യ​സി​ച്ചു. മെ​സ്സി​യു​ടേ​തു​ൾ​പ്പെ​ടെ മൂ​ന്ന് ഗോ​ളു​ക​ളാ​ണ് സൗ​ദി ടീം ​ഓ​ഫ്‌​സൈ​ഡ് പൂ​ട്ടി​ട്ട് ത​ട​ഞ്ഞ​ത്. മെ​സ്സി​പ്പ​ട​യെ വീ​ഴ്ത്തി​യ ഈ ‘​ടാ​ക്ടി​ക്ക​ൽ ഗെ​യി’​മി​​ന്റെ അ​ല​യൊ​ലി​ക​ൾ ഗ​ൾ​ഫ് ലോ​ക​ത്ത് ആ​ഴ്ച​ക​ളോ​ളം തരംഗം തീർത്തു. അ​തു​കൊ​ണ്ടു​ത​ന്നെ അ​റ​ബ് കാ​യി​ക​ലോ​കം മ​റ​ക്കി​ല്ല ഈ ​ഫ്ര​ഞ്ച് പ​രി​ശീ​ല​ക​നെ.

2012ൽ ​സാം​ബി​യ​യെ​യും 2015ൽ ​ഐ​വ​റി കോ​സ്​​റ്റി​നെ​യും ആ​ഫ്രി​ക്ക​യി​ലെ ചാ​മ്പ്യ​ന്മാ​രാ​ക്കി​യ​തും ഇ​തേ റെ​നാ​ർ​ഡ് ത​ന്നെ​യാ​ണ്. ര​ണ്ട് പ​തി​റ്റാ​ണ്ടി​നു ശേ​ഷം മൊ​റോ​ക്കോ ലോ​ക​ക​പ്പ് യോ​ഗ്യ​ത നേ​ടി​യെ​ടു​ത്ത​തും ഇ​ദ്ദേ​ഹ​ത്തി​ന്റെ പാ​ഠ​ങ്ങ​ൾ ഉ​ൾ​ക്കൊ​ണ്ടു​ത​ന്നെ. അ​ടു​ത്ത കൊ​ല്ലം വ​നി​ത ഫു​ട്​​ബാ​ൾ ലോ​ക​ക​പ്പ് ന​ട​ക്കാ​നി​രി​ക്കെ സ്വ​ന്തം ജ​ന്മ​നാ​ടി​ന്റെ വ​നി​ത ടീം ​പ​രി​ശീ​ല​ക​നാ​യാ​ണ് റെ​നാ​ർ​ഡ് മ​ട​ങ്ങു​ന്ന​ത്. റെ​നാ​ർ​ഡി​ന്റെ രാ​ജി അം​ഗീ​ക​രി​ച്ച സൗ​ദി അ​റേ​ബ്യ​ൻ ഫു​ട്​​ബാ​ൾ ഫെ​ഡ​റേ​ഷ​ൻ (സാ​ഫ്) ത​ന്നെ​യാ​ണ് അ​ദ്ദേ​ഹ​ത്തി​ന്റെ പ​ടി​യി​റ​ക്കം സ്ഥി​രീ​ക​രി​ച്ച​തും.