കോപ്പയിൽ കടുപ്പം; നാ​ളെ എ​ക്വ​ഡോ​ർ ജ​മൈ​ക്ക​യെ​യും വെ​നി​സ്വേ​ല മെ​ക്സി​കോ​യെ​യും ​നേ​രി​ടും

നെ​വാ​ദ: കോ​പ അ​മേ​രി​ക്ക​യി​ൽ ഗ്രൂ​പ് ബി​യി​ൽ ബു​ധ​നാ​ഴ്ച ക​ടു​പ്പ​മേ​റി​യ അ​ങ്കം. ആ​ദ്യ ക​ളി​യി​ൽ തോ​റ്റ എ​ക്വ​ഡോ​റും ജ​മൈ​ക്ക​യും ആ​ദ്യ ക​ളി ജ​യി​ച്ച വെ​നി​സ്വേ​ല​യും മെ​ക്സി​കോ​യും ത​മ്മി​ലാ​ണ് മ​ത്സ​രം. എ​ക്വ​ഡോ​റി​നും ജ​മൈ​ക്ക​ക്കും തോ​ൽ​വി പു​റ​ത്തേ​ക്കു​ള്ള വ​ഴി കാ​ണി​ക്കും. ആ​ദ്യ മ​ത്സ​ര​ത്തി​ൽ ലീ​ഡ് നേ​ടി​യി​ട്ടും വെ​നി​സ്വേ​ല​യോ​ട് 1-2ന് ​തോ​ൽ​ക്കാ​നാ​യി​രു​ന്നു എ​ക്വ​ഡോ​റി​ന്റെ വി​ധി.

സൂ​പ്പ​ർ താ​ര​വും ക്യാ​പ്റ്റ​നു​മാ​യ എ​ന്ന​ർ വ​ല​ൻ​സി​യ ചു​വ​പ്പു​കാ​ർ​ഡ് ക​ണ്ട് പു​റ​ത്താ​യ​തി​നാ​ൽ ബു​ധ​നാ​ഴ്ച​യും എ​ക്വ​ഡോ​ർ നി​ര​യി​ൽ ക​ളി​ക്കി​ല്ല. യു​വ അ​റ്റാ​ക്കി​ങ് മി​ഡ്ഫീ​ൽ​ഡ​ർ ജെ​റ​മി സ​ർ​മി​യ​ന്റോ​യാ​ണ് എ​ക്വ​ഡോ​റി​ന്റെ പ്ര​ധാ​ന താ​രം. വെ​നി​സ്വേ​ല​ക്കെ​തി​രെ ജെ​റ​മി ഗോ​ള​ടി​ച്ചി​രു​ന്നു. മു​ന്നേ​റ്റ നി​ര​യി​ലെ ഷ​മ​ർ നി​ക്കോ​ൾ​സ​നാ​ണ് ജ​​മൈ​ക്ക​യു​ടെ ശ്ര​ദ്ധേ​യ താ​രം. ആ​ദ്യ ക​ളി​യി​ൽ മെ​ക്സി​കോ​യോ​ടാ​ണ് ജ​മൈ​ക്ക തോ​റ്റ​ത്.

വെ​നി​സ്വേ​ല​ക്കെ​തി​രെ മെ​ക്സി​കോ ക്യാ​പ്റ്റ​ൻ എ​ഡ്സ​ൺ അ​ൽ​വാ​ര​സ് പ​രി​ക്ക് കാ​ര​ണം ക​ളി​ക്കി​ല്ല. ആ​ദ്യ​ക​ളി​യി​ലാ​ണ് വെ​സ്റ്റ്ഹാം താ​ര​ത്തി​ന് പ​രി​ക്കേ​റ്റ​ത്.