15 വർഷത്തിന്​ ശേഷം ലോയ്​വ്​ പടിയിറങ്ങുന്നു; ജർമൻ ഫുട്​ബാളിൽ ഇനി ഹാൻസി ഫ്ലിക്ക്​ യുഗം

ബർലിൻ: കുറഞ്ഞ കാലയളവിൽ ബയേൺ മ്യൂണിക്കിന്​ സ്വപ്​ന തുല്യമായ നേട്ടങ്ങൾ സമ്മാനിച്ച പരിശീലകനായ ഹാൻസി ഫ്ലിക്ക്​ ജർമൻ ദേശീയ ടീമി​െൻറ പുതിയ കോച്ച്​. യൂറോകപ്പ്​ 2020ന്​ ശേഷം ത​െൻറ മുൻ ബോസായ യോക്വിം ലോയ്​വിൽ നിന്നാണ്​ ഫ്ലിക്ക്​ ടീമി​െൻറ കടിഞ്ഞാൺ ഏറ്റെടുക്കുന്നത്​.

56കാരനായ ഫ്ലിക്ക്​ മൂന്ന്​ വർഷത്തേക്കാണ്​ കരാർ ഒപ്പുവെച്ചത്​. 2014ൽ ലോയ്​വിന്​ കീഴിൽ ജർമനി ലോകകപ്പ്​ നേടു​േമ്പാൾ ഫ്ലിക്ക്​ അസിസ്​റൻറ്​ കോച്ചായിരുന്നു. 15 വർഷത്തെ സേവനത്തിന്​ ശേഷമാണ്​ ലോയ്​വ്​ പടിയിറങ്ങുന്നത്​.

നികോ കൊവാകിൽ നിന്ന്​ പാതിസീസണിൽ പ്രതിസന്ധിയിലായ ബയേൺ മ്യൂണിക്കി​െൻറ പരിശീലക സ്​ഥാനം ഫ്ലിക്ക്​ ഏറ്റെടുക്കു​േമ്പാൾ ആരും ബുണ്ടസ്​ ലീഗ നേട്ടം പോലും സ്വപ്​നം കണ്ടിരുന്നില്ല. എന്നാൽ 2020ൽ ചരിത്രത്തിൽ ബയേണി​െൻറ രണ്ടാം ട്രെബ്​ൾ കിരീടനേട്ടം തികച്ചാണ്​ ഫ്ലിക്ക്​ മാജിക്​ കാണിച്ചത്​. ജർമൻ ബുണ്ടസ്​ലിഗ, ജർമൻ കപ്പ്​, യുവേഫ ചാമ്പ്യൻസ്​ ലീഗ്​ എന്നീ കിരീടങ്ങളാണ്​ ക്ലബ്​ ആ വർഷം ടീം അലമാരയിലെത്തിച്ചത്​​.

2020ലെ യുവേഫ സൂപ്പർ കപ്പിലും 2021 ക്ലബ്​ ​ലോകകപ്പിലും ബയേൺ ജേതാക്കളായിരുന്നു. ഫ്ലിക്കിന്​ കീഴിൽ വെറും ഏഴ്​ മത്സരങ്ങൾ മാത്രം തോറ്റ ബയേൺ ഏഴു ട്രോഫികൾ സ്വന്തമാക്കി. 2019-2020 സീസണിൽ ഒരു മത്സരം പോലും തോൽക്കാതെയാണ്​ ബയേൺ ചാമ്പ്യൻസ്​ ലീഗ്​ ഉയർത്തിയത്​. ചരിത്രത്തിൽ ആദ്യമായാണ്​ ഒരു ടീം 100 ശതമാനം വിജയത്തോടെ യൂറോപ്യൻ കിരീടം ഉയർത്തിയത്​.

2020 ഫെബ്രുവരി 16നും 2020 സെപ്​റ്റംബർ 18നും എല്ലാ ചാമ്പ്യൻഷിപ്പുകളിൽ നിന്നുമായി തുടർച്ചയായി 23 മത്സരങ്ങൾ വിജയിച്ച ടീം ജർമൻ റെക്കോഡ്​ കുറിച്ചിരുന്നു. ഈ വർഷം ബയേണിനെ ജർമനിയിൽ തുടർച്ചയായി ഒമ്പതാം വട്ടം രാജാക്കൻമാരാക്കാനും ഫ്ലിക്കിനായി.

ബയേൺ സ്​പോർടിങ്​ ഡയറക്​ടറുമായുണ്ടായ അഭിപ്രായ വ്യത്യാസങ്ങളെ തുടർന്നാണ്​ അദ്ദേഹം ക്ലബ്​ വിടാൻ തീരുമാനിച്ചത്​. ജൂലിയൻ നേഗൾസ്​മാൻ ആണ്​ ബയേണി​െൻറ പുതിയ ഹെഡ്​കോച്ച്​. ബുണ്ടസ്​ലീഗയിൽ ആർ.ബി. ലെപ്​സിഷി​െൻറ പരിശീലകനായിരുന്നു ജൂലിയൻ.