എഫ്​.എ കപ്പ്​ വിജയാഘോഷത്തിനിടെ ഫലസ്​തീനി പതാകയേന്തി ​െലസ്റ്റർ താരങ്ങളുടെ ഐക്യദാർഢ്യം

ലണ്ടൻ: ചരിത്രം കുറിച്ച്​ ആദ്യമായി എഫ്​.എ കപ്പ്​ മാറോടുചേർത്ത ലെസ്റ്റർ സിറ്റി വെംബ്ലി മൈതാനത്ത്​ ആഘോഷം കൊഴുപ്പിക്കുന്നതിനിടെ ഫലസ്​തീനി പതാക വഹിച്ച്​ രണ്ട്​ ടീമംഗങ്ങൾ. വെസ്ലി ഫോഫാന, ഹംസ ചൗധരി എന്നിവരാണ്​ മൈതാനത്തിനു ചുറ്റും ഫലസ്​തീനികൾക്ക്​ ഐക്യദാർഢ്യമർപ്പിച്ച്​ പതാക കൈയിലേന്തി​ നടന്നുനീങ്ങിയത്​.

ഗസ്സയിൽ മരണം വർഷിച്ച്​ ഇസ്രായേലി ബോംബറുകൾ ആക്രമണം കനപ്പിക്കുന്നതിനിടെയായിരുന്നു ഇംഗ്ലണ്ടിൽ ചെൽസിയും ലെസ്റ്ററും തമ്മിലെ എഫ്​.എ കപ്​ കലാശപ്പോരാട്ടം. ഏകപക്ഷീയമായ ഒരു ഗോളിന്​ ജയിച്ച്​ കപ്പടിച്ച ലെസ്റ്റർ ആദ്യമായാണ്​ ഇൗ കിരീടം സ്വന്തമാക്കുന്നത്​. 1969നു ശേഷം ആദ്യ ഫൈനലും.

20 കാരനായ ഫോഫാന കളിയിലുടനീളം ലെസ്റ്റർ പ്രതിരോധത്തിന്‍റെ നെടുംതൂണായിരുന്നു. 23കാരനായ ചൗധരി അവസാന 10 മിനിറ്റിൽ​ ഇറങ്ങി. ചൗധരി ഇംഗ്ലണ്ടിനും ഫോഫാന ഫ്രാൻസിനും അണ്ടർ 21 താരമായി ഇറങ്ങിയിട്ടുണ്ട്​. ലോകം മുഴുക്കെ ​ഇസ്രായേലി അധിനിവേശത്തിനെതിരെ അണിനിരക്കു​േമ്പാൾ കളിമുറ്റത്തും ഐക്യദാർഢ്യവുമായി അണിനിരക്കുന്ന ഫോ​േ​ട്ടാ വൈറലാണ്​. ഇരുവരും മൈതാനത്തുനടന്ന ശേഷം ചൗധരി പതാകയെടുത്ത്​ തോളിൽ ചുറ്റിനിന്ന ശേഷമാണ്​ വിജയികൾക്കുള്ള മെഡൽ വാങ്ങാൻ ചെന്നത്​.