മുമ്പ്​ പിതാവ്​ പന്തുതട്ടി​യ സംഘത്തോടു കോർക്കാൻ ഹാലൻഡ്​ വരുന്നു; ചാമ്പ്യൻസ്​ ലീഗ്​ ക്വാർട്ടറിൽ സിറ്റിയോ ഡോർട്​മണ്ടോ?

ലണ്ടൻ: പ്രിമിയർ ലീഗിൽ ലീഡ്​സിനായി ബൂട്ടുകെട്ടിയ ആൽഫ്​ ഇംഗെ ഹാലൻഡ്​ 2000ൽ​ മാഞ്ചസ്റ്റർ സിറ്റിയി​േലക്ക്​ ചുവടുമാറു​േമ്പാൾ 21 വർഷം കഴിഞ്ഞ്​ ഇതുപോലൊരു ഗ്ലാമർ പോരാട്ടം വരാനിരിക്കുന്ന​ുവെന്ന്​ സ്വപ്​നത്തിൽ പോലും കരുതികാണില്ല.

41 കളികളിൽ സിറ്റിക്കൊപ്പമുണ്ടായിരുന്ന ആൽഫ്​ ഒരു വർഷം കഴിഞ്ഞ്​ 2001 ഏപ്രിലിൽ നടന്ന മാഞ്ചസ്റ്റർ ഡെർബിക്കിടെ റോയ്​ കീനിന്‍റെ മാരക ഫൗളിൽ കരിയർ തന്നെ അവസാനിപ്പിച്ച്​ നാട്ടിലേക്ക്​ മടങ്ങി.

പക്ഷേ, അതേ പിതാവിന്‍റെ ഊർജം കാൽപാദങ്ങളിൽ ഇരട്ടി മൂർഛയോടെ സ്വീകരിച്ച മകൻ എർലിങ്​ ഇപ്പോൾ ജർമൻ ലീഗിൽ ബൊറൂസിയ ഡോർട്​മണ്ടിനൊപ്പം സജീവമാണ്​. ജർമനിയിൽനിന്ന്​ ബയേണിനൊപ്പം ചാമ്പ്യൻസ്​ ലീഗ്​ ക്വാർട്ടറിൽ ഇടമുറപ്പിച്ച ഡോർട്​മണ്ടിന്​ വെള്ളിയാഴ്​ച നറുക്കെടുപ്പിൽ എതിരാളികളായി കിട്ടിയത് ഗാർഡിയോളയുടെ മാഞ്ചസ്റ്റർ സിറ്റിയെ. അന്ന്​ പിതാവ്​ പന്തുതട്ടിയ ടീമിന്‍റെ പിൻതലമുറക്കാരെ. സിറ്റി കളിമുറ്റമായ ഇത്തിഹാദിൽ ആദ്യ പാദത്തിന്​ അരങ്ങുണരു​േമ്പാൾ എർലിങ്ങിന്‍റെ മനസ്സിൽ എല്ലാമുണ്ടാകും. ജർമൻ ലീഗിൽ 30 കളികളിൽ 30 മത്സരങ്ങളിൽ 31 ഗോളുമായി മികച്ച ഫോം തുടരുന്ന യുവതാരത്തിൽ തന്നെയാണ്​ ഡോർട്​മണ്ട്​ പ്രതീക്ഷ.

'ലോകത്തെ ഏറ്റവും മികച്ച സ്​​ട്രൈക്കർമാരിലൊരാളാണ്​ ഇപ്പോൾ എർലിങ്ങെന്ന്​ ഗാർഡിയോള പറയുന്നു.

പിതാവ്​ ആദ്യം ഇംഗ്ലീഷ്​ ലീഗിൽ പന്തുതട്ടിയ ലീഡ്​സ്​ തന്നെയാണ്​ എർലിങ്ങിന്‍റെ മനസ്സിലെ പ്രഥമ ടീം. ലീഡ്​സിനൊപ്പം പ്രിമിയർ ലീഗ്​ നേടലാണ്​ തന്‍റെ സ്വപ്​നമെന്നും താരം പറയുന്നു. 'അന്ന്​ പിതാവ്​ എത്തിപ്പിടിച്ചതിനെക്കാൾ വലിയ ഉയരങ്ങൾ പിടിക്കണം' എർലിങ്​ സ്വപ്​നങ്ങൾ അത്ര ചെറുതല്ല. നോർവേക്കായി ഏഴു കളികളിലാണ്​ ഇതുവരെ എർലിങ്​ കളിച്ചത്​. പിതാവ്​ ആൽഫ്​ 34ഉം.