Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_rightഗോള്‍ഡന്‍ ത്രെഡ്‌സ്...

ഗോള്‍ഡന്‍ ത്രെഡ്‌സ് കെ.പി.എല്‍ ചാമ്പ്യന്‍മാര്‍

text_fields
bookmark_border
ഗോള്‍ഡന്‍ ത്രെഡ്‌സ് കെ.പി.എല്‍ ചാമ്പ്യന്‍മാര്‍
cancel
Listen to this Article

കോഴിക്കോട്: വാശിയേറിയ പോരാട്ടത്തിൽ അധികസമയത്തിന്‍റെ രണ്ടാം പകുതിയിൽ സുവർണനൂലിനാൽ നെയ്​തെടുത്ത രണ്ട്​ മനോഹര ഗോളിൽ എറണാകുളം ഗോൾഡൻ ത്രെഡ്‌സ് കേരള പ്രീമിയര്‍ ലീഗ് (കെ.പി.എൽ) കിരീടം സ്വന്തമാക്കി.

കോഴിക്കോട് കോര്‍പറേഷന്‍ സ്‌റ്റേഡിയത്തില്‍ നടന്ന കെ.എസ്​.ഇ.ബിക്കെതിരായ കലാശപ്പോരിൽ 109ാം മിനിറ്റിൽ ക്യാപ്റ്റന്‍ അജയ് അലക്‌സിന്റെയും 120ാം മിനിറ്റിൽ ഇസ്ഹാഖ് നുഹു സെയ്ദുവിന്‍റെയും ഗോളുകളാണ്​ ഗോള്‍ഡന്‍ ത്രെഡ്‌സിന്​ കന്നി കിരീടം നേടിക്കൊടു​ത്തത്​. നിശ്ചിതസമയത്ത്​ ഗോളുകൾ പിറക്കാത്തതിനെ തുടർന്നാണ്​ മത്സരം അധികസമയത്തേക്ക് നീണ്ടത്. നിശ്​ചിത സമയത്ത്​ കൂടുതൽ ഗോളവസരങ്ങൾ പാഴാക്കിയത്​ ഗോൾഡൻ ത്രെഡ്​സായിരുന്നു. വിദേശതാരം നുഹു തന്നെയായിരുന്നു ഇക്കാര്യത്തിൽ മുന്നിൽ. കെ.എസ്​.ഇ.ബിയുടെ അജീഷും വിഷ്​നേഷും അവസരങ്ങൾ തുലച്ചു.

മനോഹരമായ ഫ്രീകിക്കിലൂടെയാണ്​ സന്തോഷ്​ ട്രോഫി ക്യാമ്പിലുള്ള അജയ്​ അലക്സിന്‍റെ ഗോൾ പിറന്നത്​. ബോക്‌സിന് ഇടതുഭാഗത്ത് ആസിഫ് ഷഹീറിനെ വീഴ്ത്തിയതിനായിരുന്നു ത്രെഡ്‌സിന് ഫ്രീകിക്ക്. അവസാന നിമിഷം മൂന്ന് പ്രതിരോധക്കാരെ കബളിപ്പിച്ച്​ നൂഹു ഗോൾ നേടിയതോടെ ഗോൾഡൻ ​ത്രെഡ്​സിന്​ കിരീടസന്തോഷത്തിന്‍റെ നിമിഷങ്ങളായി. 12 ഗോളുമായി നുഹു ഗോള്‍ഡന്‍ ബൂട്ടിന് അര്‍ഹനായി. അജയ് അലക്‌സാണ്​ ഫൈനലിലെ താരം. കെ.എസ്​.ഇ.ബിയുടെ എസ്. ഹജ്മലാണ്​ മികച്ച ഗോൾ കീപ്പർ. മന്ത്രി അഹമ്മദ്​ ദേവർകോവിൽ ട്രോഫികൾ വിതരണം ചെയ്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:KSEBKPLGolden Threads
News Summary - Golden Threads FC became new KPL champions
Next Story