തോൽവി മാറാതെ ഗോകുലം

കോ​ഴി​ക്കോ​ട്: ജാം​ഷ​ഡ്പു​ർ എ​ഫ്.​സി സൂ​പ്പ​ർ ക​പ്പി​ന്റെ സെ​മി ഫൈ​ന​ലി​ൽ ക​ട​ക്കു​ന്ന മൂ​ന്നാ​മ​ത്തെ ടീ​മാ​യി. കോ​ർ​പ​റേ​ഷ​ൻ സ്റ്റേ​ഡി​യ​ത്തി​ൽ ന​ട​ന്ന വാ​ശി​യേ​റി​യ മ​ത്സ​ര​ത്തി​ൽ ഗോ​കു​ലം കേ​ര​ള എ​ഫ്.​സി​യെ 3-2ന് ​തോ​ൽ​പി​ച്ചാ​ണ് സെ​മി പ്ര​വേ​ശ​നം. ഏ​പ്രി​ൽ 21ന് ​ന​ട​ക്കു​ന്ന ആ​ദ്യ സെ​മി ഫൈ​ന​ലി​ൽ ബം​ഗ​ളൂ​രു എ​ഫ്.​സി​യാ​ണ് ജാം​ഷ​ഡ്പു​രി​ന്റെ എ​തി​രാ​ളി​ക​ൾ. മൂ​ന്നി​ൽ മൂ​ന്നു മ​ത്സ​ര​ങ്ങ​ളും തോ​റ്റ ഗോ​കു​ലം ഗ്രൂ​പ് ‘സി’​യി​ൽ നാ​ലാ​മ​ത്തെ​യും അ​വ​സാ​ന​ത്തെ​യും സ്ഥാ​ന​ത്ത് തു​ട​ർ​ന്ന​പ്പോ​ൾ എ​ല്ലാ ക​ളി​ക​ളും ജ​യി​ച്ച് ഒ​മ്പ​തു പോ​യ​ന്റോ​ടെ ഒ​ന്നാ​മ​ന്മാ​രാ​യി ജാം​ഷ​ഡ്പു​ർ.

തോ​റ്റാ​ലും സെ​മി ഉ​റ​പ്പാ​യ ജാം​ഷ​ഡ്പു​ർ മ​ന്ദ​ഗ​തി​യി​ലാ​ണ് ക​ളി​ച്ചു​തു​ട​ങ്ങി​യ​ത്. ​33ാം മി​നി​റ്റി​ൽ അ​വ​രു​ടെ ആ​ല​സ്യ​ത്തി​നു​മേ​ൽ ഗോ​കു​ലം ആ​ദ്യ ഗോ​ൾ കു​റി​ച്ചു ഞെ​ട്ടി​ച്ചു. ഫോ​ർ​വേ​ഡ് സാ​മു​വ​ൽ മെ​ൻ​സ​യാ​യി​രു​ന്നു ആ​ദ്യ ഗോ​ളി​ന്റെ ഉ​ട​മ. മ​ധ്യ​നി​ര​യി​ൽ​നി​ന്ന് സൗ​ര​വ് പ​ന്ത് കാ​ലി​ൽ കൊ​രു​ത്ത് ജാം​ഷ​ഡ്പു​ർ ഗോ​ൾ​മു​ഖം ല​ക്ഷ്യ​മാ​ക്കി ന​ട​ത്തി​യ മു​ന്നേ​റ്റ​ത്തി​നൊ​ടു​വി​ൽ ഫോ​ർ​വേ​ഡ് സാ​മു​വ​ൽ മെ​ൻ​സ​ക്ക് പ​ന്ത് പാ​സ് ചെ​യ്യു​ന്നു. പ്ര​തി​രോ​ധ നി​ര​യെ​യും ഗോ​ൾ കീ​പ്പ​ർ വി​ശാ​ൽ യാ​ദ​വി​നെ​യും വെ​ട്ടി​ച്ച് കൃ​ത്യ​ത​യോ​ടെ സാ​മു​വ​ൽ പ​ന്ത് വ​ല​യി​ലാ​ക്കി. 37ാം മി​നി​റ്റി​ൽ സാ​മു​വ​ലി​ന്റെ മ​റ്റൊ​രു മു​ന്നേ​റ്റം കൂ​ടി ഗോ​ളാ​വേ​ണ്ട​താ​യി​രു​ന്നു. പ​ക്ഷേ, ഗോ​ളി വി​ശാ​ലി​ന്റെ കൈ​യി​ലൊ​തു​ങ്ങി. ഒ​രു ഗോ​ൾ വീ​ണ ന​ടു​ക്ക​ത്തി​ൽ പി​ട​ഞ്ഞു​ണ​ർ​ന്ന ജാം​ഷ​ഡ്പു​ർ 40ാം മി​നി​റ്റി​ൽ ഗോ​ൾ മ​ട​ക്കി. ഗെ​ർ​മ​ൻ​പ്രീ​ത് സി​ങ് ഗോ​കു​ലം പ്ര​തി​രോ​ധ​ത്തി​നി​ട​യി​ലൂ​ടെ ന​ൽ​കി​യ പാ​സ് ഹാ​രി​സ​ൺ ഹി​ക്കി സാ​യ​ർ ഗോ​ളി ഷ​ബി​ൻ​രാ​ജി​നെ നി​സ്സ​ഹാ​യ​നാ​ക്കി വ​ല​യി​ലാ​ക്കു​ക​യാ​യി​രു​ന്നു.

ആ​ദ്യ പ​കു​തി​യി​ലെ തു​ല്യ​നി​ല​യി​ൽ​നി​ന്നും ര​ണ്ടാം പ​കു​തി​ക്കി​റ​ങ്ങി​യ ജാം​ഷ​ഡ്പു​രി​ന്റെ ക​ളി​ത​​ന്നെ അ​ടി​മു​ടി മാ​റി. അ​തോ​ടെ ഗോ​കു​ലം പ്ര​തി​രോ​ധ​ത്തി​ന് പി​ടി​പ്പ​ത് പ​ണി​യു​മാ​യി. 59ാം മി​നി​റ്റി​ൽ ഫാ​റൂ​ഖ് ചൗ​ധ​രി​യി​ലൂ​ടെ ജാം​ഷ​ഡ്പു​ർ ലീ​ഡ് നേ​ടി. ഫാ​റൂ​ഖ് ത​ന്നെ​യെ​ടു​ത്ത കോ​ർ​ണ​റി​ൽ നി​ന്നാ​യി​രു​ന്നു ഗോ​ളി​ന്റെ വ​ര​വ്. ഫാ​റൂ​ഖി​ന്റെ കി​ക്ക് ഗോ​ൾ​മു​ഖ​വും ക​ട​ന്ന് വ​ല​​ത്തേ മൂ​ല​യി​ൽ നി​ന്ന ഹാ​രി​സ​ൺ സോ​യ​റു​ടെ കാ​ലി​ലാ​ണ് എ​ത്തി​യ​ത്. ഹാ​രി​സ​ൺ ബോ​ക്സി​ലേ​ക്ക് തി​രി​ച്ചു​വി​ട്ട ക്രോ​സ് കൂ​ട്ട​പ്പൊ​രി​ച്ചി​ലി​നി​ട​യി​ൽ ഫാ​റൂ​ഖ് വ​ല​യി​ലാ​ക്കി. തൊ​ട്ടു​ട​ൻ 62ാം മി​നി​റ്റി​ൽ ഗോ​കു​ലം ഒ​പ്പ​മെ​ത്തി. വ​ല​തു​വി​ങ്ങി​ലൂ​ടെ മ​ല​യാ​ളി താ​ര​ങ്ങ​ളാ​യ ശ്രീ​ക്കു​ട്ട​നും വി​കാ​സും ​ചേ​ർ​ന്നു ന​ട​ത്തി​യ നീ​ക്ക​ത്തി​ൽ നി​ന്നാ​യി​രു​ന്നു ഗോ​ൾ വീ​ണ​ത്. ​ജാം​ഷ​ഡ്പു​ർ പ്ര​തി​രോ​ധ നി​ര​യെ ക​ബ​ളി​പ്പി​ച്ച് വ​ല​തു മൂ​ല​യി​​ലൂ​ടെ ഗോ​ൾ​മു​ഖം ല​ക്ഷ്യ​മാ​ക്കി പാ​ഞ്ഞ ശ്രീ​ക്കു​ട്ട​ൻ ഓ​ടി​ക്ക​യ​റി​യ വി​കാ​സി​ന് പാ​സ് ചെ​യ്തു. അ​തി​നി​ട​യി​ലൂ​ടെ സാ​മു​വ​ൽ മെ​ൻ​സ പാ​യി​ച്ച ഷോ​ട്ട് ഗോ​ൾ പോ​സ്റ്റി​ൽ ത​ട്ടി​യെ​ങ്കി​ലും വ​ല​യി​ൽ ത​ന്നെ പ​തി​ച്ചു.

69ാം മി​നി​റ്റി​ൽ ഗോ​കു​ലം പ്ര​തി​രോ​ധ​ത്തി​ന്റെ ദൗ​ർ​ബ​ല്യം മു​ഴു​വ​നും വെ​ളി​പ്പെ​ടു​ത്തി ഇ​ഷാ​ൻ പ​ണ്ഡി​ത ജാം​ഷ​ഡ്പു​രി​ന്റെ വി​ജ​യ ഗോ​ൾ കു​റി​ച്ചു. മ​ല​യാ​ളി താ​രം മു​ഹ​മ്മ​ദ് ഉ​വൈ​സി​ന്റെ ത്രോ ​സ്വീ​ക​രി​ച്ച റി​ത്വി​ക് കു​മാ​ർ ന​ൽ​കി​യ ക്രോ​സ് അ​നാ​യാ​സം ഇ​ഷാ​ൻ ഗോ​ളാ​ക്കി. അ​വ​സാ​ന നി​മി​ഷ​ത്തി​ൽ കി​ട്ടി​യ മി​ക​ച്ച അ​വ​സ​രം ഗോ​കു​ലം പാ​ഴാ​ക്കു​ക​യും ചെ​യ്തു. അ​ഫ്ഗാ​ൻ താ​രം ഫ​ർ​ഷാ​ദ് നൂ​ർ ന​ൽ​കി​യ കൃ​ത്യ​മാ​യ ക്രോ​സ് മ​ല​യാ​ളി താ​രം അ​ബ്ദു​ൽ ഹ​ക്കു ഹെ​ഡ് ചെ​യ്ത​ത് ഗോ​ൾ പോ​സ്റ്റി​നു മു​ക​ളി​ലൂ​ടെ പു​റ​ത്തേ​ക്ക് പ​റ​ന്നു.