ച​ർ​ച്ചി​ൽ ബ്ര​ദേ​ഴ്‌​സി​നെ​തി​രെ ഗോ​കു​ലം എ​ഫ്.​സിക്ക് ജയം

മ​ഡ്ഗാ​വ്: വാ​സ്കോ​ഡ​ഗാ​മ​യി​ലെ തി​ല​ക് മൈ​താ​നി​യി​ൽ ച​ർ​ച്ചി​ൽ ബ്ര​ദേ​ഴ്‌​സി​നെ​തി​രെ ഏ​ക​പ​ക്ഷീ​യ​മാ​യ ഒ​രു ഗോ​ൾ ജ​യ​ത്തോ​ടെ ഗോ​കു​ലം കേ​ര​ള എ​ഫ്.​സി ഐ ​ലീ​ഗ് പോ​യ​ന്റ് പ​ട്ടി​ക​യി​ൽ വീ​ണ്ടും മൂ​ന്നാം സ്ഥാ​ന​ത്തേ​ക്ക് ക​യ​റി. 21ാം മി​നി​റ്റി​ൽ ഫ​ർ​ഷാ​ദ് നൂ​റി​ന്റെ ഗോ​ളി​ലാ​ണ് മ​ല​ബാ​റി​യ​ൻ​സ് തു​ട​ർ​ച്ച​യാ​യ ര​ണ്ടാം ജ​യം ആ​ഘോ​ഷി​ച്ച​ത്.

21ാം മി​നി​റ്റി​ൽ കി​ങ്സ് ഫെ​ർ​ണാ​ണ്ട​സി​ന്റെ മി​സ് പാ​സാ​ണ് ഗോ​ളി​ന് വ​ഴി​യൊ​രു​ക്കി​യ​ത്. പ​ന്തു​മാ​യി മു​ന്നേ​റി​യ നൗ​ഫ​ലി​ന്റെ ക്രോ​സി​ൽ ഗോ​കു​ല​ത്തി​ന്റെ അ​ഫ്ഗാ​ൻ താ​രം ഫ​ർ​ഷാ​ദ് നൂ​ർ വ​ല ച​ലി​പ്പി​ച്ചു. ര​ണ്ടാം പ​കു​തി​യി​ൽ സ​മ​നി​ല ഗോ​ളി​നു​വേ​ണ്ടി ച​ർ​ച്ചി​ൽ ശ്ര​മി​ച്ചെ​ങ്കി​ലും ഗോ​കു​ല​ത്തി​ന്റെ പ്ര​തി​രോ​ധം ആ​തി​ഥേ​യ​രു​ടെ എ​ല്ലാ നീ​ക്ക​ങ്ങ​ളും ത​ട​ഞ്ഞു. മ​റു​വ​ശ​ത്ത് ഗോ​കു​ലം ലീ​ഡ് ഇ​ര​ട്ടി​യാ​ക്കാ​നും നോ​ക്കി. ഇ​ട​ക്ക് ശ്രീ​ക്കു​ട്ട​ൻ പെ​നാ​ൽ​റ്റി ഏ​രി​യ​യി​ലേ​ക്ക് ഓ​ടി​ക്ക​യ​റി നൂ​റി​ന് ക​ട്ട് ബാ​ക് ന​ൽ​കി​യെ​ങ്കി​ലും ച​ർ​ച്ചി​ൽ ഗോ​ൾ​കീ​പ്പ​ർ ഗോ​മ​സി​ന്റെ ഒ​രു റി​ഫ്ലെ​ക്‌​സ് സേ​വി​ൽ ഗോ​ൾ ഒ​ഴി​വാ​യി.

ഈ ​വി​ജ​യ​ത്തോ​ടെ 18 ക​ളി​ക​ളി​ൽ​നി​ന്ന് 30 പോ​യ​ന്റു​മാ​യി ഗോ​കു​ലം കേ​ര​ള ഒ​ന്നാം സ്ഥാ​ന​ക്കാ​രാ​യ ശ്രീ​നി​ധി ഡെ​ക്കാ​നു​മാ​യി 10 പോ​യ​ന്റ് പി​ന്നി​ലാ​ണ്. 26 പോ​യ​ന്റു​മാ​യി ച​ർ​ച്ചി​ൽ ബ്ര​ദേ​ഴ്സ് അ​ഞ്ചാം സ്ഥാ​ന​ത്ത് തു​ട​രു​ന്നു. ഗോ​കു​ല​ത്തി​ന്റെ അ​ടു​ത്ത മ​ത്സ​രം മി​സോ​റം ടീ​മാ​യ ഐ​സോ​ൾ എ​ഫ്.​സി​യു​മാ​യി ഫെ​ബ്രു​വ​രി 25ന് ​കോ​ഴി​ക്കോ​ട്ട്.