യൂറോപ ലീഗ്: ഫ്രാങ്ക്ഫുർട്ട്-റേഞ്ചേഴ്സ് ഫൈനൽ

ഫ്രാങ്ക്ഫുർട്ട്/ഗ്ലാസ്ഗോ: യൂറോപ്യൻ ക്ലബ് ഫുട്ബാളിലെ രണ്ടാംനിര ടൂർണമെന്റായ യൂറോപ ലീഗ് ഫൈനലിൽ ജർമൻ ക്ലബായ എയ്ൻട്രാക്ട് ഫ്രാങ്ക്ഫുർട്ടും സ്കോട്ട്‍ലൻഡ് ക്ലബ് റേഞ്ചേഴ്സും ഏറ്റുമുട്ടും.

രണ്ടാം പാദ സെമിയിൽ ഇംഗ്ലീഷ് ക്ലബ് വെസ്റ്റ്ഹാം യുനൈറ്റഡിനെ 1-0ത്തിന് കീഴടക്കിയ ഫ്രാങ്ക്ഫുർട്ട് ഇരുപാദങ്ങളിലുമായി 3-1 മുൻതൂക്കവുമായാണ് ഫൈനലിലേക്കു മുന്നേറിയത്. മറ്റൊരു സെമിയിൽ ജർമൻ ടീം ആർ.ബി ലൈപ്സിഷിനോട് ആദ്യ പാദത്തിൽ 1-0ത്തിന് തോറ്റിരുന്ന റേഞ്ചേഴ്സ് രണ്ടാം പാദത്തിൽ 3-1 ജയത്തോടെ മൊത്തം 3-2ന്റെ മുൻതൂക്കവുമായി കലാശക്കളിക്ക് യോഗ്യത നേടി.

ഈമാസം 18ന് സ്‍പെയിനിലെ സെവിയ്യയിലാണ് ഫൈനൽ.