കു​ത്തേ​റ്റെ​ന്ന് സം​ശ​യം; ലാ​വേ​സി​ക്ക് പ​രി​ക്ക്

മോ​ണ്ടി​വി​ഡി​യോ (ഉ​റു​ഗ്വാ​യ്): മു​ൻ അ​ർ​ജ​ന്റീ​ന ഫോ​ർ​വേ​ഡ് എ​സി​ക്വെ​യ്ൽ ലാ​വേ​സി​യെ വ​യ​റി​നേ​റ്റ പ​രി​ക്കി​നെ തു​ട​ർ​ന്ന് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. യു​​റ​ഗ്വോ​യി​ലെ കാ​റ്റെ​ഗ്രി​ൽ ആ​ശു​പ​ത്രി​യി​ലാ​ണ് അ​ദ്ദേ​ഹ​ത്തെ പ്ര​വേ​ശി​പ്പി​ച്ച​ത്. ബു​ധ​നാ​ഴ്ച​യാ​ണ് സം​ഭ​വം. ലാ​വേ​സി​യു​ടെ പ​രി​ക്ക് സം​ബ​ന്ധി​ച്ച് വി​വി​ധ റി​പ്പോ​ർ​ട്ടു​ക​ൾ പു​റ​ത്തു​വ​രു​ന്നു​ണ്ട്. ലാ​വേ​സി ബ​ൾ​ബ് മാ​റ്റി​യി​ടാ​നാ​യി ഗോ​വ​ണി​യി​ൽ ക​യ​റി​യ​പ്പോ​ൾ വീ​ണു​പ​രി​ക്കേ​റ്റ​താ​ണെ​ന്നാ​ണ് കു​ടും​ബാം​ഗ​ങ്ങ​ളു​ടെ വാ​ദം.

ടി.​വൈ.​സി സ്​​പോ​ർ​ട്സാ​ണ് കു​ടും​ബാം​ഗ​ങ്ങ​ളെ ഉ​ദ്ധ​രി​ച്ച് ഇ​ക്കാ​ര്യം റി​പ്പോ​ർ​ട്ട് ചെ​യ്ത​ത്. ഉ​റു​ഗ്വാ​യ് മാ​ധ്യ​മ​മാ​യ എ​ൽ ഒ​ബ്സെ​ർ​വാ​ഡോ​ർ വ്യ​ക്ത​മാ​ക്കി​യ​തു​പ്ര​കാ​രം ലാ​വേ​സി​ക്ക് കു​ടും​ബാം​ഗ​ങ്ങ​ളി​ൽ ഒ​രാ​ളു​ടെ കു​ത്തേ​ൽ​ക്കു​ക​യാ​യി​രു​ന്നു. തു​ട​ർ​ന്ന് പു​ല​ർ​ച്ച അ​ഞ്ചോ​ടെ​യാ​ണ് അ​ദ്ദേ​ഹ​ത്തെ ആ​ശു​പ​ത്രി​യി​ലേ​ക്ക് മാ​റ്റി​യ​ത്. പ​ണം സം​ബ​ന്ധി​ച്ച ത​ർ​ക്ക​മാ​ണ് ക​ത്തി​ക്കു​ത്തി​ലേ​ക്ക് ന​യി​ച്ച​തെ​ന്നും വാ​ർ​ത്ത​യി​ൽ പ​റ​യു​ന്നു​ണ്ട്. പൊ​ലീ​സ് സ്ഥി​രീ​ക​ര​ണം ന​ൽ​കി​യി​ട്ടി​ല്ല. ലാ​വേ​സി​യു​ടെ ആ​രോ​ഗ്യ​സ്ഥി​തി സം​ബ​ന്ധി​ച്ചും വി​വ​ര​ങ്ങ​ൾ പു​റ​ത്തു​വ​ന്നി​ട്ടി​ല്ല.

അ​ർ​ജ​ന്റീ​ന​ക്കാ​യി 51 മ​ത്സ​ര​ങ്ങ​ളി​ൽ ബൂ​ട്ട്കെ​ട്ടി​യ താ​രം മൂ​ന്നു വ​ർ​ഷം മു​മ്പാ​ണ് വി​ര​മി​ച്ച​ത്.