അർജന്‍റീന ജയിച്ചപ്പോൾ ഈ വീട്ടിൽ ബിരിയാണി വിളമ്പി പിതാവ്​; 'ഡാർക്ക്​ സീനി'ൽ മകൻ

പത്തനംതിട്ട: 'ഇനി ഈ വീട്ടിൽ അർജന്‍റീനയെ കുറിച്ച്​ ഒരക്ഷരം മിണ്ടരുത്​'-മല്ലപ്പുഴശ്ശേരി പന്നി വേലിച്ചിറയിലെ ചിറയിൽ വീട്ടിൽ യേശുദാസ്​ സേവ്യറിന്‍റെ (മോനച്ചൻ) മകൻ ജോമോൻ പറഞ്ഞാൽ അത്​ഭുതപ്പെടേണ്ടതില്ല. കാരണം, കടുത്ത ബ്രസീൽ ഫാൻ ആയ ജോമോൻ ഇ​പ്പോൾ അത്ര സങ്കടത്തിലാണ്​. കാരണം മറ്റൊന്നുമല്ല. പിതാവ്​ മോനച്ചൻ​ കട്ട അർജന്‍റീന ഫാൻ ആണ്​. അതും പോ​േട്ടന്ന്​ വെക്കാം. ബ്രസീലിനെ തകർത്ത് കോപ്പ അമേരിക്ക കിരീടം അർജൻറീനയുടെ നീലപ്പട സ്വന്തമാക്കിയപ്പോൾ മോനച്ചൻ​ ബിരിയാണി വിളമ്പിയാണ് ആഹ്ലാദത്തിൽ പങ്കെടുത്തത്. ഇതെല്ലാം കണ്ട് സങ്കടം സഹിക്കാനാവാതെ മറുവശത്ത് വിഷമിച്ച്​ നിൽക്കാനേ ജോമോന്​ കഴിഞ്ഞുള്ളു.

ഫുട്​ബാൾ ജ്വരം മൂത്ത് വീട് തന്നെ ഇരു ടീമി​െൻറയും ജേഴ്‌സിയുടെ നിറംപൂശി ശ്രദ്ധ നേടിയ പിതാവും മകനുമാണിത്​. ആവേശം മൂത്ത് ഇവർ ഒരാഴ്ച മുമ്പ് വീടി​െൻറ മുൻവശം പകുതി വീതം സ്​ഥലത്ത്​ ഇരു ടീമുകളുടെയും ജേഴ്സിയുടെ ചായം പൂശുകയായിരുന്നു. ഞായറാഴ്ച പുലർച്ചെ തന്നെ ആവേശത്തോടെ ടി.വിക്ക് മുന്നിലായിരുന്നു ഇരുവരും. കളി കാണാൻ കൂട്ടുകാരും എത്തിയിരുന്നു. ബ്രസീൽ തോൽക്കുമെന്ന് പ്രതീക്ഷിച്ചില്ലെന്ന് ജോമോൻ പറയുന്നു. 'നിർഭാഗ്യമെന്ന് പറഞ്ഞാൽ മതി. നെയ്മറുടെ കരച്ചിൽ മനസ്സിൽ വിങ്ങലായി നിൽക്കുകയാണ്​' -ജോമോൻ പറഞ്ഞു. നല്ല കളിയായിരുന്നുവെന്നും അർജൻറീന വിജയിക്കുമെന്ന ഉറച്ച പ്രതീക്ഷയുണ്ടായിരുന്നുവെന്നുമായിരുന്നു​ മോനച്ചന്‍റെ പ്രതികരണം. വിജയാഘോഷത്തി​െൻറ ഭാഗമായി ഉച്ചക്ക് വീട്ടിൽ വന്നവർ​ക്കെല്ലാം വയർ നിറച്ച് ബിരിയാണി നൽകിയാണ് മോനച്ചൻ വിട്ടത്.