വ്യാ​ജ ടി​ക്ക​റ്റ് ബു​ക്കി​ങ് വെ​ബ്സൈ​റ്റ്; റൊ​ണാ​ൾ​ഡോ​യു​ടെ ക​ളിക്ക് ടി​ക്ക​റ്റെ​ടു​ത്ത നി​ര​വ​ധി പേ​ർ​ക്ക് പ​ണം ന​ഷ്ട​മാ​യി

ദ​മ്മാം: ലോ​ക ഫു​ട്ബാ​ൾ താ​രം ക്രി​സ്റ്റ്യാ​നോ റൊ​ണാ​ൾ​ഡോ ആ​ദ്യ​മാ​യി ദ​മ്മാ​മി​ലെ​ത്തു​ന്ന ക​ളി​ക്ക് ടി​ക്ക​റ്റെ​ടു​ക്കാ​ൻ ശ്ര​മി​ച്ച നി​ര​വ​ധി പേ​ർ​ക്ക് പ​ണം ന​ഷ്ട​മാ​യി. സ​മൂ​ഹ മാ​ധ്യ​മ​ങ്ങ​ൾ വ​ഴി പ്ര​ച​രി​ച്ച വ്യാ​ജ ടി​ക്ക​റ്റ് ബു​ക്കി​ങ് ലി​ങ്കു​ക​ൾ യാ​ഥാ​ർ​ഥ്യ​മാ​ണെ​ന്ന് ക​രു​തി ടി​ക്ക​റ്റെ​ടു​ക്കാ​ൻ ശ്ര​മി​ച്ച​വ​രാ​ണ് വെ​ട്ടി​ലാ​യ​ത്. ക്രി​സ്റ്റ്യാ​നോ റൊ​ണാ​ൾ​ഡോ​യു​ടെ സ്വ​ന്തം ക്ല​ബ്ബാ​യ 'അ​ൽ ന​സ്റും', പ്ര​മു​ഖ താ​ര​നി​ര​യു​ള്ള ‘ഇ​തി​ഫാ​ക്കും’ ത​മ്മി​ൽ ശ​നി​യാ​ഴ്ച ദ​മ്മാം പ്രി​ൻ​സ് മു​ഹ​മ്മ​ദ് ബി​ൻ ഫ​ഹ​ദ് സ്റ്റേ​ഡി​യ​ത്തി​ലാ​ണ് മാ​റ്റു​ര​ക്കു​ന്ന​ത്.

റൊ​ണാ​ൾ​ഡോ​യു​ടെ വ​ര​വ് കാ​ൽ​പ​ന്തു​ക​ളി പ്രേ​മി​ക​ൾ​ക്കി​ട​യി​ൽ വ​ലി​യ ആ​ഹ്ലാ​ദ​മാ​ണ് സൃ​ഷ്ടി​ച്ച​ത്. അ​തു​കൊ​ണ്ട് ത​ന്നെ മ​ത്സ​ര​ത്തി​ന് നേ​രി​ട്ട് സാ​ക്ഷി​ക​ളാ​കാ​ൻ കി​ട്ടി​യ അ​വ​സ​രം പ​ര​മാ​വ​ധി പ്ര​യോ​ജ​ന​പ്പെ​ടു​ത്താ​ൻ അ​ന​വ​ധി പേ​രാ​ണ് ടി​ക്ക​റ്റു​ക​ൾ വാ​ങ്ങാ​ൻ ശ്ര​മി​ച്ച​ത്. എ​ന്നാ​ൽ ഇ​ത് മു​ന്നി​ൽ ക​ണ്ട് ത​ട്ടി​പ്പു സം​ഘ​ങ്ങ​ൾ വ്യാ​ജ ലി​ങ്കു​ക​ൾ സൃ​ഷ്ടി​ച്ച് പ്ര​ച​രി​പ്പി​ക്കു​ക​യാ​യി​രു​ന്നു. റൊ​ണാ​ൾ​ഡോ ര​ണ്ട് മാ​സ​ങ്ങ​ൾ​ക്ക് മു​മ്പ് അ​ൽ ഹ​സ​യി​ലെ​ത്തി​യ​പ്പോ​ൾ ടി​ക്ക​റ്റു​ക​ൾ അ​തി​വേ​ഗ​മാ​ണ് വി​റ്റു​പോ​യ​ത്.

അ​ന്ന് നി​ര​വ​ധി പേ​ർ​ക്ക് ടി​ക്ക​റ്റു​ക​ൾ ല​ഭി​ക്കാ​തെ പോ​യി. അ​തു​കൊ​ണ്ട് ത​ന്നെ ദ​മ്മാ​മി​ൽ ന​ട​ക്കു​ന്ന മ​ത്സ​ര​ത്തി​ന്‍റെ ടി​ക്ക​റ്റു​ക​ൾ​ക്ക് വേ​ണ്ടി ജാ​ഗ്ര​ത​യോ​ടെ കാ​ത്തി​രി​ക്കു​ക​യാ​യി​രു​ന്നു ഫു​ട്ബാ​ൾ പ്രേ​മി​ക​ൾ. സാ​ധാ​ര​ണ രീ​തി​യി​ൽ മാ​ച്ച് ന​ട​ക്കു​ന്ന​തി​ന് 24 മ​ണി​ക്കൂ​ർ മു​മ്പ് മാ​ത്ര​മേ ടി​ക്ക​റ്റ് ലി​ങ്കു​ക​ൾ തു​റ​ക്കാ​റു​ള്ളൂ. അ​ങ്ങ​നെ​യി​രി​ക്കെ​യാ​ണ് ദ​മ്മാ​മി​ലെ മ​ല​യാ​ളി കാ​ൽ​പ​ന്തു ക​ളി​ക്കാ​രു​ടെ കൂ​ട്ടാ​യ്മ​യാ​യ ‘ഡി​ഫ’ യു​ടേ​തു​ൾ​പ്പെ​ടെ​യു​ള്ള വാ​ട്സ് ആ​പ് ഗ്രൂ​പ്പു​ക​ളി​ൽ ദി​വ​സ​ങ്ങ​ൾ​ക്ക് മു​മ്പ് ത​ന്നെ ടി​ക്ക​റ്റി​നു​ള്ള ലി​ങ്കു​ക​ൾ പ്ര​ത്യ​ക്ഷ​പ്പെ​ട്ട​ത്.

അ​പ്പോ​ൾ ത​ന്നെ പ​ല​രും ടി​ക്ക​റ്റു​ക​ൾ വാ​ങ്ങാ​ൻ ശ്ര​മി​ക്കു​ക​യാ​യി​രു​ന്നു. ലി​ങ്ക് തു​റ​ന്ന​പ്പോ​ൾ സാ​ധാ​ര​ണ ല​ഭ്യ​മാ​കു​ന്ന​തു​പോ​ലെ കു​ടും​ബ​ങ്ങ​ൾ​ക്കും ബാ​ച്ചി​ലേ​ഴ്സി​നും ഉ​ൾ​പ്പെ​ടെ വി​വി​ധ കാ​റ്റ​ഗ​റി​യി​ലു​ള്ള സീ​റ്റു​ക​ളു​ടെ വി​വ​ര​ങ്ങ​ൾ പ്ര​ത്യ​ക്ഷ​പ്പെ​ട്ട​താ​യി പ​ണം ന​ഷ്ട​പ്പെ​ട്ട ഡി​ഫ മു​ൻ പ്ര​സി​ഡ​ന്റ് കൂ​ടി​യാ​യ റ​ഫീ​ഖ് കൂ​ട്ടി​ല​ങ്ങാ​ടി പ​റ​ഞ്ഞു.

ആ​ദ്യം സീ​റ്റ് ബു​ക്ക് ചെ​യ്യു​ക​യും പി​ന്നീ​ട് പ​ണം അ​ട​ക്കു​ന്ന​തി​നു​ള്ള ബാ​ങ്കി​ന്‍റെ പി​ൻ ന​മ്പ​ർ സ​ഹി​ത​മു​ള്ള ന​ട​പ​ടി​ക​ൾ പൂ​ർ​ത്തീ​ക​രി​ക്കു​ക​യും ചെ​യ്തു. എ​ന്നാ​ൽ പ​ണം ബാ​ങ്കി​ൽ നി​ന്ന് ട്രാ​ൻ​സ്ഫ​ർ ആ​യെ​ങ്കി​ലും ടി​ക്ക​റ്റു​ക​ൾ ല​ഭി​ച്ചി​ല്ല. അ​പ്പോ​ഴാ​ണ് ലി​ങ്ക് കൂ​ടു​ത​ൽ പ​രി​ശോ​ധി​ക്കു​ന്ന​ത്. അ​തി​ൽ ക​ളി​യു​ടെ തീ​യ​തി ന​ൽ​കി​യി​രി​ക്കു​ന്ന​ത് 29 ആ​ണ്. തു​ട​ർ​ന്ന് അ​ന്വേ​ഷി​ച്ച​പ്പോ​ഴാ​ണ് മ​റ്റ് പ​ല​ർ​ക്കും പ​ണം ന​ഷ്ട​പ്പെ​ട്ട വി​വ​രം അ​റി​യു​ന്ന​ത്. ഡോ​ള​റി​ലാ​ണ് പ​ണം ന​ഷ്ട​പ്പെ​ട്ട​തെ​ന്ന് റ​ഫീ​ഖ് പ​റ​ഞ്ഞു.

നാ​ല് ത​വ​ണ​യാ​യി പ​ണം ന​ഷ്ട​മാ​യി. ഉ​ട​ൻ ത​ന്നെ അ​ക്കൗ​ണ്ടി​ലു​ണ്ടാ​യി​രു​ന്ന പ​ണം 50 റി​യാ​ൽ ഒ​ഴി​ച്ച് ബാ​ക്കി​യെ​ല്ലാം പി​ൻ​വ​ലി​ച്ചു. എ​ന്നാ​ൽ തി​രി​കെ വീ​ട്ടി​ലെ​ത്തി​യ​പ്പോ​ഴേ​ക്കും ബാ​ക്കി​വെ​ച്ച 50 റി​യാ​ലും ന​ഷ്ട​പ്പെ​ട്ടു​വെ​ന്നും റ​ഫീ​ഖ് പ​റ​ഞ്ഞു. കി​ഴ​ക്ക​ൻ പ്ര​വി​ശ്യ​യു​ടെ വി​വി​ധ ഭാ​ഗ​ങ്ങ​ളി​ൽ നി​ന്ന് അ​ന​വ​ധി ക​ളി​പ്രേ​മി​ക​ൾ​ക്ക് ഈ ​ത​ര​ത്തി​ൽ പ​ണം ന​ഷ്ട​മാ​യി.

ഡി​ഫ​യു​ടേ​തു​ൾ​പ്പെ​ടെ​യു​ള്ള ഗ്രൂ​പ്പു​ക​ളി​ൽ വ​ന്ന​തി​നാ​ൽ ഇ​തി​ന്‍റെ വി​ശ്വാ​സ്യ​ത ആ​രും സം​ശ​യി​ച്ചി​ല്ല. പ​ണം ന​ഷ്ട​പ്പെ​ട്ട വി​വ​ര​ങ്ങ​ൾ വി​വി​ധ ഗ്രൂ​പ്പു​ക​ളി​ലൂ​ടെ ആ​ളു​ക​ളെ അ​റി​യി​ച്ചി​ട്ടു​ണ്ടെ​ന്നും, സ്പോ​ർ​ട്സ് കൗ​ൺ​സി​ലി​ന്‍റെ പേ​ജി​ൽ നി​ന്ന​ല്ലാ​ത്ത ലി​ങ്കു​ക​ൾ വ​ഴി ആ​രും ടി​ക്ക​റ്റ് വാ​ങ്ങാ​ൻ ശ്ര​മി​ക്ക​രു​തെ​ന്നും ഡി​ഫ പ്ര​സി​ഡ​ന്‍റ് മു​ജീ​ബ് ക​ള​ത്തി​ൽ 'ഗ​ൾ​ഫ് മാ​ധ്യ​മ'​ത്തോ​ട് പ​റ​ഞ്ഞു.