‘ലോ​ക​ക​പ്പ് നേ​ടി​യ മു​ഹൂ​ർ​ത്ത​ത്തി​ൽ ഡീ​​ഗോ ഖ​ത്ത​റി​ൽ ഉ​ണ്ടാ​യി​രു​ന്നെ​ങ്കി​ലെ​ന്ന് ആ​ഗ്ര​ഹി​ച്ചി​രു​ന്നു’ -മെ​സ്സി

ദോ​ഹ: ഖ​ത്ത​റി​ലെ ഓ​രോ നി​മി​ഷ​വും ആ​സ്വ​ദി​ച്ചി​രു​ന്ന​താ​യി അ​ർ​ജ​ന്റീ​ന നാ​യ​ക​ൻ ല​യ​ണ​ൽ മെ​സ്സി. ഖ​ത്ത​റി​ൽ ലോ​ക​ക​പ്പ് നേ​ടി​യ മു​ഹൂ​ർ​ത്ത​ത്തി​ൽ ഡീ​​ഗോ മ​റ​ഡോ​ണ ഉ​ണ്ടാ​യി​രു​ന്നെ​ങ്കി​ലെ​ന്ന് ആ​ഗ്ര​ഹി​ച്ചി​രു​ന്ന​താ​യും മെ​സ്സി പ​റ​ഞ്ഞു.

‘അ​ർ​ജ​ന്റീ​ന ലോ​ക ചാ​മ്പ്യ​ന്മാ​രാ​കു​ന്ന​തു കാ​ണാ​ൻ ഡീ​ഗോ ഉ​ണ്ടാ​യി​രു​ന്നെ​ങ്കി​ൽ ഏ​റെ സ​ന്തോ​ഷ​മാ​യേ​നേ. എ​ന്തു​മാ​ത്രം ഡീ​ഗോ അ​താ​ഗ്ര​ഹി​ച്ചി​രു​ന്നു​വെ​ന്ന് എ​നി​ക്ക​റി​യാം, നാ​ഷ​ന​ൽ ടീ​മി​നെ അ​ദ്ദേ​ഹം എ​ത്ര​ത്തോ​ളം സ്നേ​ഹി​ച്ചി​രു​ന്നു​വെ​ന്നും. ഡീ​ഗോ ഉ​ണ്ടാ​യി​രു​ന്നെ​ങ്കി​ൽ അ​ദ്ദേ​ഹം എ​നി​ക്ക് ക​പ്പ് ന​ൽ​കു​മാ​യി​രു​ന്നു. ആ ​ഫോ​ട്ടോ അ​തി​മ​നോ​ഹ​ര​മാ​യേ​നേ. ആ​കാ​ശ​ത്തു​നി​ന്ന് ഡീ​ഗോ​യും അ​തു​പോ​ലെ എ​ന്നെ സ്നേ​ഹി​ക്കു​ന്ന ഒ​രു​പാ​ട് പേ​രു​മാ​ണ് എ​നി​ക്ക് ക​രു​ത്തു​പ​ക​ർ​ന്ന​ത്’-​ഉ​ർ​ബാ​ന ​പ്ലേ ​റേ​ഡി​യോ​യി​ൽ അ​ർ​ജ​​ന്റീ​ന​ൻ ജേ​ണ​ലി​സ്റ്റ് ആ​നി കു​സ്നെ​റ്റ്സോ​ഫു​മാ​യു​ള്ള അ​ഭി​മു​ഖ​ത്തി​ൽ മെ​സ്സി പ​റ​ഞ്ഞു.

മി​ക​ച്ച ക​ളി​ക്കാ​ര​നു​ള്ള പു​ര​സ്കാ​രം നേ​ടി തി​രി​ച്ചു​വ​രു​ന്ന​തി​നി​ടെ ലോ​ക​ക​പ്പി​ന​ടു​ത്തെ​ത്തി അ​തി​ൽ മു​ത്ത​മി​ട്ട​​തി​നെ​ക്കു​റി​ച്ച് മെ​സ്സി പ​റ​ഞ്ഞ​തി​ങ്ങ​നെ- ‘ക​പ്പ് അ​വി​ടെ തി​ള​ങ്ങി​നി​ൽ​ക്കു​ന്ന​താ​ണ് മ​ട​ങ്ങി​വ​ര​വെ ഞാ​ൻ ക​ണ്ട​ത്. വ​രൂ എ​ന്നെ എ​ടു​ക്കൂ എ​ന്ന് അ​ത് പ​റ​യു​ന്ന​തു​പോ​ലെ തോ​ന്നി. പി​ന്നെ ഞാ​നൊ​ന്നും ആ​ലോ​ചി​ച്ചി​ല്ല’.

ഫൈ​ന​ലി​നു​ശേ​ഷം ടീ​മി​ന്റെ കു​ക്കി​നെ ആ​ലിം​ഗ​നം ചെ​യ്ത​തി​നെ​ക്കു​റി​ച്ചും അ​ദ്ദേ​ഹം വി​ശ​ദീ​ക​രി​ച്ചു. പ​ല​രും അ​ത് മെ​സ്സി​യു​ടെ മാ​താ​വാ​ണെ​ന്ന് തെ​റ്റി​ദ്ധ​രി​ച്ചി​രു​ന്നു. ‘അ​വ​രു​മാ​യി വ​ള​രെ അ​ടു​ത്ത ബ​ന്ധ​മാ​ണ് എ​നി​ക്കു​ള്ള​ത്. 18 വ​യ​സ്സു​മു​ത​ൽ അ​വ​രോ​ടൊ​പ്പ​മു​ള്ള ഓ​ർ​മ​ക​ൾ എ​നി​ക്കു​ണ്ട്. ഇ​തു​പോ​ലു​ള്ള ടൂ​ർ​ണ​മെ​ന്റു​ക​ൾ​ക്ക് അ​വ​ർ വ​ർ​ഷ​ങ്ങ​ളാ​യി ഞ​ങ്ങ​ളെ അ​നു​ഗ​മി​ക്കു​ന്നു. ഒ​രു​പാ​ടു കാ​ര്യ​ങ്ങ​ൾ ഞ​ങ്ങ​ൾ പ​ങ്കു​വെ​ക്കാ​റു​ണ്ട്. ക​ള​ത്തി​ൽ ക​ളി​ക്കു​ക​യും ലോ​ക​ക​പ്പ് നേ​ടു​ക​യും ചെ​യ്ത ഞ​ങ്ങ​ളെ​പ്പോ​ലെ​ത​ന്നെ ഈ ​നേ​ട്ട​ത്തി​ൽ അ​വ​രും അ​ത്ര​യേ​റെ ആ​വേ​ശ​ഭ​രി​ത​യാ​യി​രു​ന്നു’-​മെ​സ്സി പ​റ​ഞ്ഞു.

ഞ​ങ്ങ​ളു​ടെ കോ​ച്ചി​ങ് സ്റ്റാ​ഫ് അ​തി​മ​ഹ​ത്ത​ര​മാ​യി​രു​ന്നു. മി​ക​വു​റ്റ ക​ളി​ക്കാ​രാ​യി​രു​ന്നു അ​വ​ർ. ഓ​രോ സ​ന്ദ​ർ​ഭ​ങ്ങ​ളെ​യും സാ​ഹ​ച​ര്യ​ങ്ങ​ളെ​യും എ​ങ്ങ​നെ നേ​രി​ട​ണ​മെ​ന്ന് അ​വ​ർ​ക്ക് വ്യ​ക്ത​മാ​യ ബോ​ധ്യ​മു​ണ്ടാ​യി​രു​ന്നു. ലോ​ക​ക​പ്പ് ക​ളി​ച്ച അ​നു​ഭ​വ​മു​ണ്ടാ​യി​രു​ന്നു അ​വ​ർ​ക്ക്. ഓ​രോ സ​മ​യ​ത്തും എ​ന്താ​ണ് പ​റ​യേ​ണ്ട​തെ​ന്നും ചെ​യ്യേ​ണ്ട​തെ​ന്നും അ​വ​ർ​ക്ക​റി​യാ​മാ​യി​രു​ന്നു.

നെ​ത​ർ​ല​ൻ​ഡ്സി​നെ​തി​രെ ഗോ​ൾ നേ​ടി​യ ശേ​ഷം ന​ട​ത്തി​യ ആ​ഹ്ലാ​ദ​പ്ര​ക​ട​ന​ത്തെ​ക്കു​റി​ച്ചും മെ​സ്സി വി​ശ​ദീ​ക​രി​ച്ചു. ‘ഹോ​ള​ണ്ടി​നെ​തി​രാ​യ മ​ത്സ​ര​ശേ​ഷം ഞാ​ൻ റി​ക്വ​ൽ​മെ​യു​മാ​യി സം​സാ​രി​ച്ചി​രു​ന്നു. മ​ത്സ​ര​ശേ​ഷം ഞ​ങ്ങ​ൾ മെ​സേ​ജു​ക​ളും അ​യ​ക്കാ​റു​ണ്ടാ​യി​രു​ന്നു. അ​ത് ലോ​ക​ക​പ്പി​ൽ മാ​ത്ര​മ​ല്ല, വ​ർ​ഷ​ങ്ങ​ളാ​യി ചെ​യ്യാ​റു​ണ്ട്. ബാ​ഴ്സ​ലോ​ണ​യി​ൽ കോ​ച്ചാ​യി​രു​ന്ന​പ്പോ​ൾ ലൂ​യി വാ​ൻ ഗാ​ലു​മാ​യു​ള്ള പ്ര​ശ്ങ്ങ​ളെ​ക്കു​റി​ച്ചൊ​ക്കെ ഞ​ങ്ങ​ൾ സം​സാ​രി​ച്ചി​രു​ന്നു’- മെ​സ്സി പ​റ​ഞ്ഞു. ഇ​ന്റ​ർ​നെ​റ്റി​ന്റെ ച​രി​ത്ര​ത്തി​ൽ മെ​സ്സി ലോ​ക​ക​പ്പു​മാ​യി നി​ൽ​ക്കു​ന്ന ചി​ത്രം ഏ​റ്റ​വും കൂ​ടു​ത​ൽ ലൈ​ക് നേ​ടി​യ ഫോ​ട്ടോ​യി മാ​റി​യ​തി​നെ​ക്കു​റി​ച്ചു​ള്ള ചോ​ദ്യ​ത്തി​ന് ‘അ​തി​ന് എ​ത്ര​മാ​ത്രം ലൈ​ക് കി​ട്ടി​യെ​ന്ന​ത​ല്ല ഞാ​ൻ നോ​ക്കി​യ​ത്.

ഞാ​ൻ ക​പ്പു​മാ​യി നി​ൽ​ക്കു​ന്ന പ​ടം ആ​ളു​ക​ൾ എ​ത്ര​മാ​ത്രം ആ​ഗ്ര​ഹി​ച്ചി​രു​ന്നു​വെ​ന്ന​തി​ന്റെ പ്ര​തി​ഫ​ല​ന​മാ​യാ​ണ് ഞാ​ന​തി​നെ ക​ണ്ട​ത്’. ഇ​ൻ​സ്റ്റ​ഗ്രാ​മി​ൽ ത​ന്റെ ചി​ത്ര​ങ്ങ​ളെ​ല്ലാം സ്വ​യം പോ​സ്റ്റ് ചെ​യ്യു​ന്ന​താ​ണെ​ന്നും അ​തി​നാ​യി ഏ​തെ​ങ്കി​ലും ക​മ്പ​നി​യെ​യോ മാ​നേ​ജ​റെ​യോ താ​ൻ ചു​മ​ത​ല​പ്പെ​ടു​ത്തി​യി​ട്ടി​​ല്ലെ​ന്നും അ​ഭി​മു​ഖ​ത്തി​ൽ മെ​സ്സി വെ​ളി​പ്പെ​ടു​ത്തി.