ഇം​ഗ്ലീ​ഷ് പ്രീ​മി​യ​ർ ലീ​ഗ്; ചാമ്പ്യനെ ചാ​മ്പി ചെ​ൽ​സി

ല​ണ്ട​ൻ: ഇം​ഗ്ലീ​ഷ് പ്രീ​മി​യ​ർ ലീ​ഗ് കി​രീ​ട നേ​ട്ട​ത്തി​നു പി​ന്നാ​ലെ ചാ​മ്പ്യ​ന്മാ​രെ ഞെ​ട്ടി​ച്ച് ചെ​ൽ​സി. സ്റ്റാം​ഫോ​ർ​ഡ് ബ്രി​ജി​ൽ ന​ട​ന്ന പ്രീ​മി​യ​ർ ലീ​ഗ് മ​ത്സ​ര​ത്തി​ൽ നീ​ല​പ്പ​ട ഒ​ന്നി​നെ​തി​രെ മൂ​ന്നു ഗോ​ളു​ക​ൾ​ക്കാ​ണ് ലി​വ​ർ​പൂ​ളി​നെ വീ​ഴ്ത്തി​യ​ത്. ജ​യ​ത്തോ​ടെ അ​ടു​ത്ത സീ​സ​ണി​ൽ ചാ​മ്പ്യ​ൻ​സ് ലീ​ഗ് ബെ​ർ​ത്തി​നു​ള്ള സാ​ധ്യ​ത ചെ​ൽ​സി സ​ജീ​വ​മാ​ക്കി. 35 മ​ത്സ​ര​ങ്ങ​ളി​ൽ 63 പോ​യ​ന്റു​മാ​യി അ​ഞ്ചാ​മ​തു​ണ്ട് ഇ​വ​ർ. മ​റ്റൊ​രു മ​ത്സ​ര​ത്തി​ൽ മാ​ഞ്ച​സ്റ്റ​ർ യു​നൈ​റ്റ​ഡ് 3-4ന് ​ബ്രെ​ന്‍റ്ഫോ​ർ​ഡി​നോ​ട് തോ​റ്റു.

ടോ​ട്ട​ൻ​ഹാ​മി​നെ​തി​രെ ക​ളി​ച്ച് ചാ​മ്പ്യ​ന്മാ​രാ​യ ടീ​മി​ൽ​നി​ന്ന് ആ​റു മാ​റ്റ​ങ്ങ​ളു​മാ​യാ​ണ് ലി​വ​ർ​പൂ​ൾ പ​രി​ശീ​ല​ക​ൻ ആ​ർ​നെ സ്ലോ​ട്ട് ടീ​മി​നെ ക​ള​ത്തി​ലി​റ​ക്കി​യ​ത്. ഇ​ത് ടീ​മി​ന്‍റെ ആ​ക്ര​മ​ണ​ത്തി​ന്‍റെ മൂ​ർ​ച്ച കു​റ​ച്ചു. മ​ത്സ​രം തു​ട​ങ്ങി മൂ​ന്നാം മി​നി​റ്റി​ൽ ത​ന്നെ എ​ൻ​സോ ഫെ​ർ​ണാ​ണ്ട​സി​ലൂ​ടെ ആ​തി​ഥേ​യ​ർ ലീ​ഡെ​ടു​ത്തു. പെ​ഡ്രോ നെ​റ്റോ​യു​ടെ ക്രോ​സി​ൽ​നി​ന്നാ​യി​രു​ന്നു ഗോ​ൾ.

56ാം മി​നി​റ്റി​ൽ ജ​റേ​ൽ ക്വാ​ൻ​സാ​യു​ടെ സെ​ൽ​ഫ് ഗോ​ളി​ലൂ​ടെ ചെ​ൽ​സി ലീ​ഡ് ഉ​യ​ർ​ത്തി. കോ​ൾ പാ​ൽ​മ​ർ ന​ൽ​കി​യ താ​ഴ്ന്ന ക്രോ​സ് വാ​ൻ ഡൈ​ക് ക്ലി​യ​ർ ചെ​യ്യാ​ൻ ശ്ര​മി​ക്ക​വെ ക്വാ​ൻ​സാ​യു​ടെ കാ​ലി​ൽ ത​ട്ടി സ്വ​ന്തം വ​ല​യി​ൽ ക​യ​റി. 85ാം മി​നി​റ്റി​ൽ മ​ക് അ​ലി​സ്റ്റ​റി​ന്‍റെ കോ​ർ​ണ​ർ കി​ക്കി​ൽ​നി​ന്ന് വി​ർ​ജി​ൽ വാ​ൻ ഡൈ​ക്ക് ഹെ​ഡ്ഡ​റി​ലൂ​ടെ ഒ​രു ഗോ​ൾ മ​ട​ക്കി ലി​വ​ർ​പൂ​ളി​ന് പ്ര​തീ​ക്ഷ ന​ൽ​കി. എ​ന്നാ​ൽ, ഇ​ൻ​ജു​റി ടൈ​മി​ൽ ല​ഭി​ച്ച പെ​നാ​ൽ​റ്റി പാ​ൽ​മ​ർ ല​ക്ഷ്യ​ത്തി​ലെ​ത്തി​ച്ച് ടീ​മി​ന്‍റെ വി​ജ​യം ഉ​റ​പ്പി​ച്ചു.

ഒ​രു ഗോ​ളി​നു പി​ന്നി​ൽ​പോ​യ​ശേ​ഷ​മാ​ണ് യു​നൈ​റ്റ​ഡി​നെ​തി​രെ ആ​തി​ഥേ​യ​രാ​യ ബ്രെ​ന്‍റ്ഫോ​ർ​ഡ് ജ​യം പി​ടി​ച്ചെ​ടു​ത്ത​ത്. 14ാം മി​നി​റ്റി​ൽ മേ​സ​ൺ മൗ​ണ്ടി​ലൂ​ടെ യു​നൈ​റ്റ​ഡ് ആ​ദ്യം ലീ​ഡെ​ടു​ത്തു. 27ാം മി​നി​റ്റി​ൽ ലൂ​ക്ക് ഷാ​യു​ടെ സെ​ൽ​ഫ് ഗോ​ളി​ലൂ​ടെ ബ്രെ​ന്‍റ്ഫോ​ർ​ഡ് സ​മ​നി​ല പി​ടി​ച്ചു.

പി​ന്നാ​ലെ കെ​വി​ൻ ഷേ​ഡി​ന്‍റെ (33, 70) ഇ​ര​ട്ട ഗോ​ളു​ക​ളും യോ​നെ വി​സ്സ​യു​ടെ ഗോ​ളും (74) ടീ​മി​ന് 4-1ന്‍റെ ലീ​ഡ് സ​മ്മാ​നി​ച്ചു. 82ാം മി​നി​റ്റി​ൽ ഗാ​ർ​ണാ​ച്ചോ മ​നോ​ഹ​ര​മാ​യ ഗോ​ളി​ലൂ​ടെ യു​നൈ​റ്റ​ഡി​ന് പ്ര​തീ​ക്ഷ ന​ൽ​കി. ഇ​ൻ​ജു​റി ടൈ​മി​ൽ (90+5) അ​മ​ദ് ദി​യാ​ലോ​യും മ​ട​ക്കി​യെ​ങ്കി​ലും വി​ജ​യ​ത്തി​ലെ​ത്താ​നാ​യി​ല്ല. ജ​യ​ത്തോ​ടെ ബ്രെ​ന്റ്ഫോ​ർ​ഡ് യൂ​റോ​പ്പ ലീ​ഗ് പ്ര​തീ​ക്ഷ​ക​ൾ സ​ജീ​വ​മാ​ക്കി. 35 മ​ത്സ​ര​ങ്ങ​ളി​ൽ 52 പോ​യ​ന്റു​മാ​യി ഒ​മ്പ​താ​മ​താ​ണി​വ​ർ. 15ാം സ്ഥാ​ന​ത്താ​ണ് യു​നൈ​റ്റ​ഡ് (39).