ഇംഗ്ലീഷ് ലീഗ് കപ്പ്: ലിവർപൂളിനെ അട്ടിമറിച്ച് ടോട്ടൻഹാം

ലണ്ടൻ: ഇംഗ്ലീഷ് ലീഗ് കപ്പ് (കരബാവോ കപ്പ്) സെമിഫൈനൽ ആദ്യപാദത്തിൽ ലിവർപൂളിനെ 1-0ത്തിന് അട്ടിമറിച്ച് ടോട്ടൻഹാം. നിശ്ചിത സമയം തീരാൻ നാല് മിനിറ്റുള്ളപ്പോൾ ലൂക്കാസ് ബെർഗ്വാളാണ് ടോട്ടൻഹാമിന്റെ വിജയഗോൾ നേടിയത്.

18കാരനായ ബെർഗ്വാൾ ടോട്ടൻഹാമിനായി നേടുന്ന ആദ്യ ഗോളാണിത്. രണ്ടാം പാദം ഫെബ്രുവരി ആറിന് ലിവർപൂളിന്റെ തട്ടകമായ ആൻഫീൽഡിൽ നടക്കും. കഴിഞ്ഞ ദിവസം മറ്റൊരു സെമിയിൽ ന്യൂകാസിൽ ആഴ്സനലിനെ 2-0ത്തിന് തോൽപിച്ചിരുന്നു.