സുധീർ, വല കാത്ത ധീരൻ

കോ​ഴി​ക്കോ​ട്: മി​ടു​ക്ക​രാ​യ ഗോ​ൾ​കീ​പ്പ​ർ​മാ​ർ​ക്ക് പ​ഞ്ഞ​മി​ല്ലാ​ത്ത കാ​ല​ത്ത് പ​ത്ത​ര​മാ​റ്റ് പ്ര​തി​ഭ​യു​മാ​യി ഇ​ന്ത്യ​ൻ ഫു​ട്ബാ​ളി​ൽ നി​റ​ഞ്ഞാ​ടി​യ താ​ര​മാ​യി​രു​ന്നു ഞാ​യ​റാ​ഴ്ച ഗോ​വ​യി​ൽ അ​ന്ത​രി​ച്ച ഇ.​എ​ൻ. സു​ധീ​ർ. ഫു​ട്ബാ​ൾ ഭ്ര​മ​ങ്ങ​ളു​ടെ കോ​ഴി​ക്കോ​ട​ൻ മ​ണ്ണി​ൽ നി​ന്ന് രാ​ജ്യാ​ന്ത​ര നി​ല​വാ​ര​ത്തി​ലേ​ക്കു​യ​ർ​ന്ന സു​ധീ​ർ കു​റ​ച്ചു​കാ​ലം ക​ളി​ക്കു​ക​യും ഏ​റെ ശ്ര​ദ്ധേ​യ​നാ​വു​ക​യും ചെ​യ്ത താ​ര​മാ​യി​രു​ന്നു.

അ​ക്കാ​ല​ത്ത് മ​റ്റൊ​രു താ​ര​ത്തി​നും അ​വ​കാ​ശ​പ്പെ​ടാ​നി​ല്ലാ​ത്ത നേ​ട്ട​വു​മാ​യാ​ണ് സു​ധീ​ർ 1968ൽ ​സ​ന്തോ​ഷ് ട്രോ​ഫി​യി​ൽ ക​ളി​ക്കു​ന്ന​ത്. പ​ത്താം ക്ലാ​സി​ന്‍റെ കൗ​മാ​രം വി​ട്ടു​മാ​റാ​ത്ത​പ്പോ​ഴാ​യി​രു​ന്നു ടീ​മി​ലെ മൂ​ന്നാം ഗോ​ളി​യാ​യി ടീ​മി​ലെ​ത്തി​യ​ത്. അ​ന്ന​ത്തെ ബാം​ഗ്ലൂ​രി​ൽ ന​ട​ന്ന സ​ന്തോ​ഷ് ട്രോ​ഫി​യി​ൽ ഒ​ന്നാം ഗോ​ളി​യാ​യി ആ​ദ്യ ഇ​ല​വ​നി​ൽ ത​ന്നെ എ​ട​വ​ന നാ​ക്ക​ടി സു​ധീ​ർ എ​ന്ന ഇ.​എ​ൻ. സു​ധീ​ർ ഇ​ടം നേ​ടി. 1972ലെ ​സ​ന്തോ​ഷ് ട്രോ​ഫി​യി​ൽ ഗോ​വ​ൻ ടീ​മി​നാ​യി ക​ളി​ക്കു​മ്പോ​ഴാ​ണ് സു​ധീ​റി​ന്‍റെ അ​ത്ഭു​ത സേ​വ് പി​റ​ന്ന​ത്. ക​ർ​ണാ​ട​ക​യു​ടെ ഉ​ല​ഗ​നാ​ഥ​യു​ടെ ഗോ​ളു​റ​പ്പി​ച്ച ഷോ​ട്ട് പ​റ​ന്ന് സേ​വ് ചെ​യ്ത​ത് പ​ഴ​യ ഫു​ട്ബാ​ൾ പ്രേ​മി​ക​ൾ ഇ​പ്പോ​ഴും മ​ന​സ്സി​ൽ സൂ​ക്ഷി​ക്കു​ന്നു​ണ്ട്.

കോ​ഴി​ക്കോ​ട്ടെ യ​ങ് ചാ​ല​ഞ്ചേ​ഴ്സ് അ​ട​ക്ക​മു​ള്ള ടീ​മു​ക​ൾ​ക്കാ​യി ചെ​റു​പ്രാ​യ​ത്തി​ൽ ത​ന്നെ മി​ന്നും പ്ര​ക​ട​നം ന​ട​ത്തി​യ സു​ധീ​ർ മൈ​സൂ​ർ സ​ർ​വ​ക​ലാ​ശാ​ല താ​ര​മാ​യി​രി​ക്കെ​യാ​ണ് ദേ​ശീ​യ ശ്ര​ദ്ധ നേ​ടു​ന്ന​ത്. ഗോ​വ​യി​ലേ​ക്ക് ക്ഷ​ണം വ​രു​ന്ന​ത് ഈ ​സ​മ​യ​ത്താ​ണ്. സെ​സ ഗോ​വ​യി​ൽ ചേ​രാ​നി​രു​ന്ന സു​ധീ​ർ അ​വ​സാ​ന നി​മി​ഷ​മാ​ണ് വാ​സ്കോ​യി​ലേ​ക്ക് കൂ​ടു​മാ​റി​യ​ത്.​പി​ന്നീ​ട് ദേ​ശീ​യ സെ​ല​ക്ട​ർ​മാ​രു​ടെ ശ്ര​ദ്ധ ഈ ​താ​ര​ത്തി​ലേ​ക്ക് പ​തി​ഞ്ഞ​തി​ന് പി​ന്നാ​ലെ ഇ​ന്ത്യ​ൻ ടീ​മി​ലെ സ്ഥി​ര​സാ​ന്നി​ധ്യ​മാ​യി. ക​ളി​യു​ടെ സൗ​ന്ദ​ര്യ​വും സാ​ങ്കേ​തി​ക​ത​യും സ​മ്മേ​ളി​ച്ച താ​ര​മാ​യി​രു​ന്നു സു​ധീ​റെ​ന്ന് ബാ​ല്യം മു​ത​ൽ ഒ​രു​മി​ച്ചും എ​തി​ർ ടീ​മി​ലും ക​ളി​ച്ച മു​ൻ ഇ​ന്ത്യ​ൻ ഗോ​ൾ​കീ​പ്പ​ർ കെ.​പി. സേ​തു​മാ​ധ​വ​ൻ ഓ​ർ​ക്കു​ന്നു. പ്രീ ​ഒ​ളി​മ്പി​ക്സി​ല​ട​ക്കം സു​ധീ​റി​ന്‍റെ മി​ക​വ് അ​ന്താ​രാ​ഷ്ട്ര ത​ല​ത്തി​ൽ പോ​ലും അ​റി​യ​പ്പെ​ട്ടെ​ന്നും സേ​തു​മാ​ധ​വ​ൻ ഓ​ർ​ക്കു​ന്നു.

മി​ക​ച്ച ഫോ​മി​ലു​ള്ള സ​മ​യ​ത്ത്, വെ​റും 27ാം വ​യ​സ്സി​ൽ ക​ളി നി​ർ​ത്തി​യ​തി​ന് പി​ന്നി​ൽ മ​ഹീ​ന്ദ്ര ആ​ൻ​ഡ് മ​ഹീ​ന്ദ്ര​യി​ലെ മ​ല​യാ​ളി പ​രി​ശീ​ല​ക​നു​മാ​യു​ള്ള അ​ഭി​പ്രാ​യ​വ്യ​ത്യാ​സ​മാ​യി​രു​ന്നു. അ​ർ​ജു​ന അ​വാ​ർ​ഡ്, ഇ​ന്ത്യ​ൻ ടീം ​ക്യാ​പ്റ്റ​ൻ​സി തു​ട​ങ്ങി​യ സൗ​ഭാ​ഗ്യ​ങ്ങ​ൾ ഉ​പേ​ക്ഷി​ച്ചാ​ണ് ചെ​റു​പ്രാ​യ​ത്തി​ൽ ക​ളി​നി​ർ​ത്തി ഗ​ൾ​ഫി​ലേ​ക്ക് പോ​യ​ത്. 2006ൽ ​തി​രി​ച്ചെ​ത്തി​യ ശേ​ഷം ഗോ​വ​യി​ലെ മ​പു​സ​യി​ൽ ഒ​തു​ങ്ങി ജീ​വി​ക്കു​ക​യാ​യി​രു​ന്നു. 2016ൽ '​മാ​ധ്യ​മം' വാ​രി​ക​യാ​ണ് സു​ധീ​റി​ന്‍റെ ഭൂ​ത​കാ​ല​ങ്ങ​ളും വ​ർ​ത്ത​മാ​ന​വും ഏ​റെ​നാ​ളു​ക​ൾ​ക്ക് ശേ​ഷം ഫു​ട്ബാ​ൾ​പ്രേ​മി​ക​ൾ​ക്ക് മു​ന്നി​ലെ​ത്തി​ച്ച​ത്. സു​ധീ​ർ ജീ​വി​ച്ചി​രി​പ്പു​ണ്ടോ​യെ​ന്ന സം​ശ​യം പ​ല​ർ​ക്കു​മു​ണ്ടാ​യി​രു​ന്ന​താ​യി അ​ദ്ദേ​ഹം പ​റ​ഞ്ഞി​രു​ന്നു. ജ​ന്മ​നാ​ടാ​യ കോ​ഴി​ക്കോ​ടി​നോ​ടു​ള്ള ഇ​ഷ്ടം ഒ​രു​കാ​ല​ത്തും ഈ ​താ​ര​ത്തി​ന് ന​ഷ്ട​മാ​യി​രു​ന്നി​ല്ല. കോ​ഴി​ക്കോ​ട​ൻ വി​ശേ​ഷ​ങ്ങ​ൾ ക​ഴി​ഞ്ഞ ദി​വ​സ​വും ഫോ​ണി​ൽ സം​സാ​രി​ച്ചി​രു​ന്ന​താ​യി സു​ഹൃ​ത്തും മു​ൻ സ​ന്തോ​ഷ്​ ട്രോ​ഫി താ​ര​വു​മാ​യ ഉ​മ്മ​ർ പ​റ​ഞ്ഞു.