ഫോസ്​ബർഗ് പെനാൽറ്റിയിൽ​ ​െസ്ലാവാക്യയെ വീഴ്​ത്തി പ്രീ ക്വാർട്ടർ പ്രതീക്ഷ സജീവമാക്കി സ്വീഡൻ

സെൻറ്​ പീറ്റേഴ്​സ്​ബർഗ്​: ആദ്യ കളിയിൽ സ്​പെയിനുമായി സമനില നേടിയ സ്വീഡൻ രണ്ടാം മത്സരത്തിൽ വിജയവുമായി യൂറോ കപ്പ്​ പ്രീക്വാർട്ടർ പ്രതീക്ഷ സജീവമാക്കി. ഗ്രൂപ്​ ഇയിൽ സ്ലെവാക്യയെ ഏകപക്ഷീയമായ ഒരു ഗോളിനാണ്​ സ്വീഡൻ കീഴടക്കിയത്​. ​ഇതോടെ സ്വീഡന്​ നാലു പോയൻറായി. ആദ്യ കളിയിൽ ജയിച്ചിരുന്ന സ്ലൊവാക്യക്ക്​ മൂന്നു പോയൻറുള്ളതിനാൽ നോക്കൗട്ട്​ പ്രതീക്ഷ അസ്​തമിച്ചിട്ടില്ല. ഒരു പോയൻറുള്ള സ്​പെയിനും പോയൻറില്ലാത്ത പോളണ്ടുമാണ്​ ഗ്രൂപ്പിലെ മറ്റു ടീമുകൾ.

ഗോൾരഹിതമായ ആദ്യ പകുതിക്കുശേഷം 77ാം മിനിറ്റിൽ എമിൽ ഫോസ്​ബർഗ്​ ആണ്​ പെനാൽറ്റിയിൽ നിർണായക ഗോൾ കുറിച്ചത്​. ​സ്വീഡിഷ്​ താരം റോബിൻ ക്വയ്​സണെ ​െസ്ലാവാക്യൻ ഗോൾകീപർ മാർട്ടിൻ ദുബ്രാവ്​സ്​ക വീഴ്​ത്തിയതിനായിരുന്നു റഫറി പെനാൽറ്റി വിധിച്ചത്​.

സ്​പെയിനുമായുള്ള കളിയിൽ പന്ത്​ നിയന്ത്രണത്തിൽ ഏറെ പിറകിലായിട്ടും സമനില പൊരുതി നേടിയ സ്വീഡൻ ഇത്തവണയും അക്കാര്യത്തിൽ പിറകിലായിരുന്നു (41 ശതമാനം). എന്നാൽ, ആക്രമണത്തിൽ മുന്നിൽനിന്ന മഞ്ഞപ്പട 13 ഷോട്ടുകൾ പായിച്ചു. അതിൽ നാലെണ്ണം ഗോൾപോസ്​റ്റിന്​ നേരെ തിരിച്ചുവിടുകയും ചെയ്​തു. അതേസമയം, സ്ലൊവാക്യക്ക്​ പത്തിൽ ഒന്നു പോലും ലക്ഷ്യത്തിനുനേരെ തിരിച്ചുവിടാനായില്ല.

കാര്യമായ അവസരങ്ങൾ പിറക്കാതെ പോയ ആദ്യപകുതിക്കുശേഷമാണ്​ കളി ചൂടുപിടിച്ചത്​. മുന്നേറിക്കളിച്ച സ്വീഡ​‍െൻറ രണ്ടു ഷോട്ടുകൾ സ്ലൊവാക്യ ഗോളി മാർട്ടിൻ ഡുബ്രുവ്​ക രക്ഷപ്പെടുത്തിയതിനുപിന്നാലെ ഗോളിയുടെതന്നെ പിഴവിൽ സ്വീഡന്​ പെനാൽറ്റി. പന്തുമായി ബോക്​സിൽ കയറിയ പകരക്കാരൻ റോബിൻ ക്വയ്​സണിനെ ഡുബ്രുവ്​ക ഗത്യന്തരമില്ലാതെ വീഴ്​ത്തുകയായിരുന്നു. ഫോസ്​ബർഗി​‍െൻറ വലങ്കാലൻ പെനാൽറ്റി ഇടത്തോട്ട്​ ചാടിയ ഡുബ്രുവ്​കക്ക്​ പിടികൊടുക്കാതെ വലക്കണ്ണികളിൽ തൊട്ടു.

വിജയിച്ചിരുന്നുവെങ്കിൽ നോക്കൗട്ട്​ പ്രവേശം അനായാസമായിരുന്നിടത്താണ്​ ​െസ്ലാവാക്യ കലമുടച്ചത്​. ഗ്രൂപ്​ ഇയിലെ അവസാന മത്സരങ്ങളിൽ സ്​പെയിൻ ​െസ്ലാവാക്യയെയും സ്വീഡൻ പോളണ്ടിനെയും നേടിരും.