ഗ്രാമങ്ങളിൽ ഇലവൻസ്‌ ഫുട്ബാൾ തിരിച്ചുവരുന്നു

തൃ​ക്ക​രി​പ്പൂ​ർ: സെ​വ​ൻ​സ് ഫു​ട്ബാ​ളി​ന്റെ ത​ട്ട​ക​ങ്ങ​ളി​ൽ ഔ​ദ്യോ​ഗി​ക രൂ​പ​മാ​യ ഇ​ല​വ​ൻ​സ് ഫു​ട്ബാ​ളി​ന് തി​രി​ച്ചു​വ​ര​വ്. തൃ​ക്ക​രി​പ്പൂ​ർ ആ​ക്മി സു​വ​ർ​ണ ജൂ​ബി​ലി​യോ​ട​നു​ബ​ന്ധി​ച്ച് സം​ഘ​ടി​പ്പി​ച്ച ടൂ​ർ​ണ​മെൻറി​ന് പി​ന്നാ​ലെ ചെ​റു​പ​ട്ട​ണ​ങ്ങ​ൾ കേ​ന്ദ്രീ​ക​രി​ച്ച് കൂ​ടു​ത​ൽ മ​ത്സ​ര​ങ്ങ​ൾ​ക്ക് അ​ര​ങ്ങൊ​രു​ങ്ങു​ക​യാ​ണ്.

ക​ളി​യു​ടെ ഒ​രു പ​കു​തി പ​ല​പ്പോ​ഴും 20 മി​നി​റ്റി​ൽ താ​ഴെ മാ​ത്ര​മാ​യി ചു​രു​ങ്ങി​യ​പ്പോ​ൾ അ​ടു​ത്തി​ടെ സെ​വ​ൻ​സ് മൈ​താ​ന​ങ്ങ​ൾ വി​ര​സ​മാ​യി അ​നു​ഭ​വ​പ്പെ​ട്ടി​രു​ന്നു. പ​ട​ക്കം പൊ​ട്ടി തീ​രു​ന്ന​തി​നോ​ടാ​ണ് ക​ളി​പ്രേ​മി​ക​ൾ ഇ​തി​നെ വി​ശേ​ഷി​പ്പി​ച്ചി​രു​ന്ന​ത്. ക​ളി​ക്കാ​രു​ടെ കാ​യി​ക​ശേ​ഷി​യെ ത​ന്നെ പ്ര​തി​കൂ​ല​മാ​യി ബാ​ധി​ക്കു​ന്ന​തി​നാ​ൽ ഫു​ട്ബാ​ൾ അ​സോ​സി​യേ​ഷ​ൻ ഇ​തി​നെ​തി​രെ നി​ല​പാ​ട് സ്വീ​ക​രി​ക്കു​ക​യും ചെ​യ്തി​ട്ടു​ണ്ട്. അം​ഗീ​കൃ​ത സെ​വ​ൻ​സ് ആ​യി​രു​ന്നു പി​ന്നീ​ടു​ള്ള പോം​വ​ഴി. എ​ന്നാ​ൽ, ആ​ക്മി ഒ​രു​പ​ടി കൂ​ടി ക​ട​ന്ന് ഇ​ല​വ​ൻ​സ് ടൂ​ർ​ണ​മെ​ന്‍റ് സം​ഘ​ടി​പ്പി​ച്ച​പ്പോ​ൾ പ്രേ​ക്ഷ​ക​രി​ൽ​നി​ന്ന് വ​ൻ സ്വീ​കാ​ര്യ​ത​യാ​ണ് ല​ഭി​ച്ച​ത്.

കാ​യി​ക​ശേ​ഷി ഏ​റെ ആ​വ​ശ്യ​മാ​യ മ​ത്സ​ര​ങ്ങ​ളി​ൽ തൃ​ക്ക​രി​പ്പൂ​രി​‍െൻറ യു​വ​ത നി​റ​ഞ്ഞാ​ടി​യ​പ്പോ​ൾ പ്ര​തി​ഭ​ക​ളു​ടെ മി​ന്ന​ലാ​ട്ടം കൂ​ടി​യാ​ണ് കാ​ണാ​നാ​യ​ത്. പ്ര​ദേ​ശ​ത്തെ 16 ടീ​മു​ക​ൾ മാ​റ്റു​ര​ച്ച മ​ത്സ​ര​ത്തി​ൽ അ​ത്യ​ന്തം ചാ​രു​ത​യാ​ർ​ന്ന പാ​സു​ക​ളും സ്കി​ല്ലും പ്ര​ക​ട​മാ​യി. 15 ദി​വ​സ​മാ​യി ന​ട​ന്നു​വ​ന്ന ടൂ​ർ​ണ​മെൻറ് 200ഓ​ളം യു​വ​ക​ളി​ക്കാ​ർ​ക്ക് പ്ര​തി​ഭ തെ​ളി​യി​ക്കാ​നു​ള്ള വേ​ദി​യാ​യി. 46 ഗോ​ളു​ക​ളാ​ണ് പി​റ​ന്ന​ത്.

നാ​ലു ഗോ​ൾ നേ​ടി​യ വാ​സ്ക്‌ വ​ട​ക്കു​മ്പാ​ടി​ന്റെ പി. ​ഗൗ​തം ടോ​പ്‌ സ്കോ​റ​റാ​യി. സം​സ്ഥാ​ന, യൂ​നി​വേ​ഴ്സി​റ്റി താ​ര​ങ്ങ​ൾ വി​വി​ധ ടീ​മു​ക​ൾ​ക്കാ​യി ക​ള​ത്തി​ലി​റ​ങ്ങി. പ്രാ​യ​പ​രി​ധി 20 ആ​യി നി​ശ്ച​യി​ച്ച​തും പ്രാ​ദേ​ശി​ക ക​ളി​ക്കാ​ർ​ക്ക് മു​ൻ​ഗ​ണ​ന ന​ൽ​കി​യ​തും പ്രോ​ത്സാ​ഹ​ന​വും ആ​വേ​ശ​വു​മു​ണ്ടാ​ക്കി. നാ​ഷ​ന​ൽ ലെ​വ​ൽ റ​ഫ​റി​മാ​രാ​യി​രു​ന്നു ക​ളി നി​യ​ന്ത്രി​ച്ച​ത്.