ഈജിപ്ത് ടീമിന്റെ തലപ്പത്ത് ഹസ്സൻ ഇരട്ട സഹോദരങ്ങൾ

കൈറോ: ഈജിപ്ത് ദേശീയ ഫുട്ബാൾ ടീമിനെ രാജ്യത്തെ ഏറ്റവും വലിയ ഗോൾവേട്ടക്കാരനായ ഹുസ്സം ഹസ്സൻ ഹുസൈൻ പരിശീലിപ്പിക്കും.

അദ്ദേഹത്തിന്റെ ഇരട്ട സഹോദരനും മുൻ അന്താരാഷ്ട്ര താരവുമായ ഇബ്രാഹിം ഹസ്സൻ ഹുസൈനെ ടീം ഡയറക്ടറായും ഈജിപ്ഷ്യൻ ഫുട്ബാൾ അസോസിയേഷൻ നിയമിച്ചു.

പോർചുഗീസുകാരനായ റൂയ് വിറ്റോറിയയെ പുറത്താക്കിയതിനെത്തുടർന്നാണ് ഹുസ്സം ഹസ്സൻ പരിശീലകനായെത്തുന്നത്. 57കാരായ ഇരുവരും ദേശീയ ടീമിലും നിരവധി ക്ലബുകളിലും കളിച്ചിട്ടുണ്ട്.