ന​ക്ഷ​ത്ര​ത്തി​ള​ക്ക​ത്തി​ൽ ഖ​ത്ത​ർ സ്​​റ്റാ​ർ​സ്​ ലീ​ഗ്​

ദോ​ഹ: ക്രി​സ്​​റ്റ്യാ​നോ റൊ​ണാ​ൾ​ഡോ​യും നെ​യ്​​മ​റും സാ​ദി​യോ മാ​നെ​യും ക​രീം ബെ​ൻ​സേ​മ​യും എ​ത്തി​യ​തി​നെ തു​ട​ർ​ന്ന് ലോ​കോ​ത്ത​ര​മാ​യി മാ​റി​യ സൗ​ദി പ്രോ ​ലീ​ഗ്​ ഫു​ട്​​ബാ​ളി​നു പി​ന്നാ​ലെ ഖ​ത്ത​ർ ക്ല​ബു​ക​ളി​ലേ​ക്കും താ​ര​ക്കൂ​ടു​മാ​റ്റം. ക്രി​സ്​​റ്റ്യാ​നോ​ക്കും നെ​യ്​​മ​റി​നു​മൊ​പ്പം താ​ര​പ്പ​കി​ട്ടി​ല്ലെ​ങ്കി​ലും ക​ളി​മി​ക​വു​കൊ​ണ്ട്​ അ​വ​ർ​ക്കു തൊ​ട്ടു​താ​ഴെ ഇ​ടം നേ​ടി​യ ഒ​രു​പി​ടി താ​ര​ങ്ങ​ളാ​ണ്​ ക​ഴി​ഞ്ഞ ആ​ഴ്​​ച​ക​ൾ​ക്കു​ള്ളി​ൽ ഖ​ത്ത​റി​ലെ വി​വി​ധ ക്ല​ബു​ക​ളി​ലേ​ക്ക്​ കൂ​ടു​മാ​റി​യ​ത്.

ദോ​ഹ എ​ക്​​സ്​​പോ ഖ​ത്ത​ർ സ്​​റ്റാ​ർ​സ്​ ലീ​ഗി​ലും എ.​എ​ഫ്.​സി ചാ​മ്പ്യ​ൻ​സ്​ ലീ​ഗി​ലു​മെ​ല്ലാം ഖ​ത്ത​റി​ന്റെ ക്ല​ബു​ക​ൾ​ക്കാ​യി ഇ​വ​രു​ടെ മി​ന്നും പ്ര​ക​ട​ന​ത്തി​നാ​വും ഈ ​സീ​സ​ൺ സാ​ക്ഷ്യം വ​ഹി​ക്കു​ന്ന​ത്. ലോ​ക ഫു​ട്​​ബാ​ളി​നെ ത​ന്നെ അ​തി​ശ​യി​പ്പി​ച്ച്​ സൗ​ദി പ്രോ ​ലീ​ഗി​ലേ​ക്കു​ള്ള വ​മ്പ​ൻ താ​ര​ങ്ങ​ളു​ടെ കൂ​ടു​മാ​റ്റം ക​ണ്ടാ​യി​രു​ന്നു ഈ ​സീ​സ​ണി​ലെ ട്രാ​ൻ​സ്​​ഫ​ർ വി​പ​ണി അ​വ​സാ​നി​ച്ച​ത്. ആ​ഗ​സ്​​റ്റ്​ അ​വ​സാ​ന​ത്തോ​ടെ സൗ​ദി ലീ​ഗ്​ ട്രാ​ൻ​സ്​​ഫ​ർ വി​ൻ​ഡോ അ​വ​സാ​നി​ക്കു​ക​യും ചെ​യ്​​തു. ഇ​തി​നു പി​ന്നാ​ലെ​യാ​ണ്​ ഖ​ത്ത​ർ സ്​​റ്റാ​ർ​സ്​ ലീ​ഗി​ലേ​ക്കു​ള്ള ശ്ര​ദ്ധേ​യ​മാ​യ ക​രാ​റു​ക​ൾ ന​ട​ക്കു​ന്ന​ത്.

ബ്ര​സീ​ൽ താ​ര​വും ബാ​ഴ്​​സ​ലോ​ണ, ലി​വ​ർ​പൂ​ൾ, ബ​യേ​ൺ മ്യൂ​ണി​ക്​ തു​ട​ങ്ങി​യ ക്ല​ബു​ക​ളു​ടെ ഗോ​ൾ​മെ​ഷീ​നു​മാ​യ ഫി​ലി​പ്​ കു​ടീ​ന്യോ സെ​പ്​​റ്റം​ബ​ർ എ​ട്ടി​നാ​ണ്​ ചാ​മ്പ്യ​ൻ ക്ല​ബാ​യ അ​ൽ ദു​ഹൈ​ലി​ലേ​ക്കു​ള്ള കൂ​ടു​മാ​റ്റം പ്ര​ഖ്യാ​പി​ക്കു​ന്ന​ത്.

ക​ഴി​ഞ്ഞ ലോ​ക​ക​പ്പി​ന്റെ ക്വാ​ളി​ഫ​യി​ങ്​ റൗ​ണ്ടി​ൽ ബ്ര​സീ​ലി​ന്​ ക​ളി​ച്ച​ശേ​ഷം ടീ​മി​ന്​ പു​റ​ത്താ​യ 31കാ​ര​ൻ ബാ​ഴ്​​സ​ലോ​ണ​യി​ൽ​നി​ന്ന് ക​ഴി​ഞ്ഞ സീ​സ​ണി​ലാ​യി​രു​ന്നു ഇം​ഗ്ലീ​ഷ്​ ക്ല​ബ്​ ആ​സ്​​റ്റ​ൺ വി​ല്ല​യി​ൽ എ​ത്തു​ന്ന​ത്. നേ​ര​ത്തേ ത​ന്നെ വി​ല്ല​ക്കാ​യി ലോ​ണി​ൽ ക​ളി​ച്ച താ​ര​ത്തെ ക​ഴി​ഞ്ഞ സീ​സ​ണി​ൽ ക്ല​ബ്​ സ്വ​ന്ത​മാ​ക്കു​ക​യാ​യി​രു​ന്നു. അ​വി​ടെ​നി​ന്ന് ലോ​ണി​ൽ ത​ന്നെ​യാ​ണ്​ ദു​ഹൈ​ലും വി​ങ്ങ​റും അ​റ്റാ​ക്ക​റു​മാ​യി കു​തി​ക്കു​ന്ന കു​ടീ​ന്യോ​യെ ടീ​മി​ലെ​ത്തി​ക്കു​ന്ന​ത്. എ.​എ​ഫ്.​സി ചാ​മ്പ്യ​ൻ​സ്​ ലീ​ഗ്​ യോ​ഗ്യ​ത നേ​ടി​യ ദു​ഹൈ​ലി​ന്​ പ​രി​ച​യ​സ​മ്പ​ന്ന​നാ​യ താ​ര​ത്തി​ന്റെ സാ​ന്നി​ധ്യം ക​രു​ത്താ​യി മാ​റും. ചാ​മ്പ്യ​ൻ​സ്​ ലീ​ഗി​ൽ ക്രി​സ്​​റ്റ്യാ​നോ​യും മാ​നെ​യും ക​ളി​ക്കു​ന്ന അ​ൽ ന​സ്​​റി​നെ​തി​രെ ദു​ഹൈ​ലി​ന്​ ഗ്രൂ​പ് റൗ​ണ്ടി​ൽ മ​ത്സ​ര​ങ്ങ​ളു​ണ്ട്.

ഇ​റ്റ​ലി​യു​ടെ മ​ധ്യ​നി​ര​യി​ലെ തു​റു​പ്പു​ശീ​ട്ടാ​യി മാ​ർ​കോ വെ​റാ​റ്റി​യെ പി.​എ​സ്.​ജി​യി​ൽ​നി​ന്ന് റാ​ഞ്ചി​യാ​യി​രു​ന്നു അ​മീ​ർ ക​പ്പ്​ ജേ​താ​ക്ക​ളാ​യ അ​ൽ അ​റ​ബി ത​ങ്ങ​ളു​ടെ ഗെ​യിം ചേ​ഞ്ച​ർ കാ​ർ​ഡി​റ​ക്കി​യ​ത്. മാ​ഞ്ച​സ്​​റ്റ​ർ യു​നൈ​റ്റ​ഡും ബ​യേ​ൺ മ്യൂ​ണി​ക്കു​മെ​ല്ലാം പി.​എ​സ്.​ജി​യു​ടെ വി​ശ്വ​സ്​​ത​നാ​യ താ​ര​ത്തി​നു​വേ​ണ്ടി രം​ഗ​ത്തി​റ​ങ്ങി​യെ​ങ്കി​ലും അ​ൽ അ​റ​ബി​യു​ടെ റെ​ക്കോ​ഡ്​ ഓ​ഫ​റി​ൽ താ​രം ഖ​ത്ത​റി​ലേ​ക്ക്​ വി​മാ​നം ക​യ​റു​ക​യാ​യി​രു​ന്നു​വെ​ന്ന്​ അ​ന്താ​രാ​ഷ്​​ട്ര മാ​ധ്യ​മ​ങ്ങ​ൾ റി​പ്പോ​ർ​ട്ട്​ ചെ​യ്യു​ന്നു. 2012ൽ ​പി.​എ​സ്.​ജി​യി​ലെ​ത്തി​യ താ​രം 11 വ​ർ​ഷ​മാ​യി​രു​ന്നു ക്ല​ബി​നു​വേ​ണ്ടി പ​ന്തു​ത​ട്ടി​യ​ത്.

നി​ര​വ​ധി കി​രീ​ട നേ​ട്ട​ങ്ങ​ളി​ലും നി​ർ​ണാ​യ​ക സാ​ന്നി​ധ്യ​മാ​യി. ഇ​നി അ​ൽ അ​റ​ബി​യു​ടെ ചു​വ​പ്പ​ൻ കു​പ്പാ​യ​ത്തി​ൽ മ​ധ്യ​നി​ര​യു​ടെ ചു​ക്കാ​ൻ വെ​റാ​റ്റി​യു​ടെ ബൂ​ട്ടി​ലാ​യി​രി​ക്കും. മു​ൻ ബ്ര​സീ​ൽ താ​ര​വും ബാ​ഴ്​​സ​ലോ​ണ പി.​എ​സ്.​ജി ക്ല​ബു​ക​ൾ​ക്കും ക​ളി​ച്ച റ​ഫീ​ന്യ അ​ൽ​ക​ൻ​റാ​ര​യും അ​ൽ അ​റ​ബി​യി​ൽ വെ​റാ​റ്റി​ക്ക്​ കൂ​ട്ടാ​യു​ണ്ട്. ക​ഴി​ഞ്ഞ വ​ർ​ഷം ത​ന്നെ റ​ഫീ​ന്യ അ​ൽ അ​റ​ബി​യി​ലെ​ത്തി​യി​രു​ന്നു. പി.​എ​സ്.​ജി​യി​ൽ നി​ന്നു​ത​ന്നെ അ​ൽ അ​ഹ്​​ലി സ്വ​ന്ത​മാ​ക്കി​യ യൂ​ലി​യ​ൻ ഡ്രാ​ക്​​സ്​​ല​ർ ആ​ണ്​ മ​റ്റൊ​രു ശ്ര​ദ്ധേ​യ മാ​റ്റം.

ഗോ​ള​ടി​ക്കു​ന്ന​തി​ലും വി​ങ്ങി​ലൂ​ടെ പ​ന്തു​മാ​യി കു​തി​ച്ചെ​ത്തി സ​ഹ​താ​ര​ങ്ങ​ൾ​ക്ക്​ അ​വ​സ​ര​മൊ​രു​ക്കു​ന്ന​തി​ലും മി​ടു​ക്ക​നാ​യ ജ​ർ​മ​ൻ താ​ര​ത്തി​ന്റെ പ്ര​ക​ട​ന​ങ്ങ​ൾ പ​ല​ത​വ​ണ ലോ​കം ക​ണ്ട​താ​ണ്. 2014ൽ ​ലോ​ക​കി​രീ​ട​മ​ണി​ഞ്ഞ ജ​ർ​മ​ൻ ടീ​മി​ൽ അം​ഗ​മാ​യി​രു​ന്ന ഡ്രാ​ക്​​സ്​​ല​ർ, പി​ന്നീ​ടു​ള്ള കാ​ല​മാ​യി​രു​ന്നു ദേ​ശീ​യ ടീ​മി​ന്റെ അ​വി​ഭാ​ജ്യ​ഘ​ട​ക​മാ​യി മാ​റി​യ​ത്. 2020നു​ ​ശേ​ഷം ദേ​ശീ​യ ടീ​മി​ൽ ഇ​ടം​ല​ഭി​ച്ചു​മി​ല്ല.

പി.​എ​സ്.​ജി​യി​ൽ ശ്ര​ദ്ധേ​യ സാ​ന്നി​ധ്യ​മാ​യി മാ​റി​യ താ​രം ഇ​ട​ക്കാ​ല​ത്ത്​ പോ​ർ​ചു​ഗ​ൽ ക്ല​ബ്​ ബെ​ൻ​ഫി​ക​യി​ലും പ​ന്തു​ത​ട്ടി​യി​രു​ന്നു. ഇ​നി അ​ൽ അ​ഹ്​​ലി​യു​​ടെ പ​ച്ച​ക്കു​പ്പാ​യ​ത്തി​ലാ​ണ്​ ഡ്രാ​ക്​​സ്​​ല​റു​​ടെ ക​ളി​യ​ഴ​ക്​ നി​റ​യു​ന്ന​ത്. പി.​എ​സ്.​ജി​യി​ൽ​നി​ന്നു ത​ന്നെ​യെ​ത്തി​യ സെ​ന​ഗാ​ൾ പ്ര​തി​രോ​ധ താ​രം അ​ബ്ദു ഡി​യാ​ലോ​യു​ടെ വ​ര​ര​വും ഖ​ത്ത​ർ ക്ല​ബ് പോ​രാ​ട്ട​ത്തി​ന് പു​ത്ത​ൻ ​ക​രു​ത്തേ​കും.