കുഴഞ്ഞുവീണ ക്രിസ്റ്റ്യൻ എറിക്സൺ അപകട നില തരണം ചെയ്​തു​

കോപ്പൻഹേഗൻ: യൂറോകപ്പിനിടെ കുഴഞ്ഞുവീണ ഡെൻമാർക്കിന്‍റെ മധ്യനിര താരവും ടീം ക്യാപ്​റ്റനുമായ ക്രിസ്റ്റ്യൻ എറിക്​സൺ പ്രാഥമിക ചികിത്സയോട്​ പോസിറ്റീവായി പ്രതികരിച്ചതായി വിവരം. ഡെൻമാർക്ക്​ ഫുട്​ബാൾ അസോസിയേഷനും യുവേഫയും ആരോഗ്യ നില തൃപതികരമാണെന്ന്​ അറിയിച്ചു​. എറിക്​സൺ ചികിത്സക്ക്​ ശേഷം ഉണർന്നിരിക്കുന്ന ചിത്രങ്ങളും പ്രചരിക്കുന്നുണ്ട്​​. എറിക്​സ​നെ വിദഗ്​ധ ചികിത്സക്കായി ആശുപത്രിയിലേക്ക്​ മാറ്റിയിട്ടുണ്ട്​. എറിക്​സന്‍റെ ആരോഗ്യ നില തൃപ്​തികരണമാണെന്ന്​ അറിഞ്ഞതോടെ ഫിൻലാൻഡ്​-ഡെന്മാർക്ക്​ മത്സരം പുനരാംരംഭിച്ചു.

സ്വന്തം നാട്ടുകാർക്ക്​ മുമ്പിൽ പന്തുതട്ടു​േമ്പാൾ അപ്രതീക്ഷിതമായി താരം കുഴഞ്ഞുവീണതോടെ സഹതാരങ്ങളും ടീം അധികൃതരും അടക്കമുള്ളവർ ആശങ്കയിലായിരുന്നു​.ഇന്‍റർമിലാൻ താരമായ 29 കാരനായ എറിക്​സൺ ടീമിലെ നിർണായക സാന്നിധ്യമാണ്​. എറിക്​സണ്​​ പ്രാർഥനകളുമായി ലോകത്തെ പ്രമുഖ ഫുട്​ബാൾ താരങ്ങളും ക്ലബുകളും ആരാധകരും സമൂഹമാധ്യമങ്ങളിൽ ഒത്തുചേർന്നു.

ഗ്രൂപ്പ്​ ബിയിലെ ഡെന്മാർക്ക്​-ഫിൻലൻഡ്​ മത്സരം പകുതിയോട്​ അടുത്തപ്പോഴായിരുന്നു സംഭവം. മറ്റുതാരങ്ങളുമായി കൂട്ടിയിടിക്കുകയോ ഫൗൾ ചെയ്യപ്പെടുകയോ ചെയ്​തതായി ദൃശ്യങ്ങളിലൊന്നും കാണുന്നില്ല. മെഡിക്കൽ റിപ്പോർട്ട്​ വന്നതിന്​ ശേഷമേ വിശദ വിവരങ്ങൾ ലഭ്യമാകൂ.