Begin typing your search above and press return to search.
exit_to_app
exit_to_app
Homechevron_rightSportschevron_rightFootballchevron_right'തോൽവിയുടെ...

'തോൽവിയുടെ ഉത്തരവാദിത്വം ഏറ്റെടുക്കുന്നു'; നെതർലൻഡ്​സ്​ കോച്ച്​ ഡി ബോർ രാജിവെച്ചു

text_fields
bookmark_border
de bore
cancel

ആംസ്​റ്റർ ഡാം: യൂറോയിലെ നിരാശാജനകമായ പ്രകടനത്തിന്​ പിന്നാലെ നെതർലൻഡ്​സ്​ കോച്ച് ഫ്രാങ്ക്​​ ഡി​ ബോർ രാജിവെച്ചു. കഴിഞ്ഞ സെപ്​തംബറിൽ രണ്ടുവർഷത്തെ കരാർ ഒപ്പിട്ട ഡി ബോറി​െൻറ കാലാവധി ഇനിയും ശേഷിക്കാനിരിക്കേ ആണ്​ തീരുമാനം.

റൊണാൾഡ്​ കൂമാൻ ബാഴ്​സലോണ പരിശീലകനായ ഒഴിവിലാണ്​ ഡി ബോർ ചുമതലയേറ്റത്​. ഗ്രൂപ്പ്​ ഘട്ടത്തിൽ ഉജ്ജ്വലമായി കളിച്ച നെതർലൻഡ്​സ്​ പ്രീക്വാർട്ടറിൽ ചെക്​റിപ്പബ്ലിക്കിനെതിരെ ഏകപക്ഷീയമായ രണ്ടുഗോളുകൾക്ക്​ തോൽക്കുകയായിരുന്നു. തോൽവിയുടെ ഉത്തരവാദിത്വം ഏൽക്കുന്നതായി ഡിബോർ അറിയിച്ചിരുന്നു. ഡച്ചുകാരൻ തന്നെയായ ഡി ബോർ ബാഴ്​സലോണക്കായും അജാക്​സിനായും പന്തുതട്ടിയിട്ടുണ്ട്​. അറ്റ്​ലാൻറ്​ യുനൈറ്റഡിൽ നിന്നുമാണ്​ ഡി ബോർ ദേശീയ ടീം കോച്ചായത്​.

''വിലയിരുത്തലുകൾക്ക്​ ശേഷം ദേശീയ ടീമി​െൻറ പരിശീലകനായി തുടരേണ്ടതില്ലെന്ന് ഞാൻ തീരുമാനിച്ചു. എന്നിലേൽപ്പിച്ച ലക്ഷ്യം കൈവരിക്കാനായില്ലെന്നത്​ വ്യക്തമാണ്​. 2020 ൽ ദേശീയ ടീമി​െൻറ പരിശീലകനാകാൻ എന്നെ സമീപിച്ചപ്പോൾ ആദരവും അതോടൊപ്പം വെല്ലുവിളിയുമാണെന്ന് ഞാൻ കരുതിയിരുന്നു. ആ സമയം മുതൽ എന്നിൽ കടുത്ത സമ്മർദ്ദം ഉണ്ടായിരുന്നു. ആ സമ്മർദ്ദം ഇപ്പോൾ വർധിച്ചിരിക്കുന്നു. അ​ത്​ എനിക്ക്​ ആരോഗ്യകരമായ അവസ്ഥയല്ല സൃഷ്​ടിക്കുന്നത്​. ലോകകപ്പ് യോഗ്യതയിലേക്കുള്ള സുപ്രധാന മത്സരത്തിനിറങ്ങുന്ന ഡച്ച്​ ടീമിനൊപ്പം ഞാനുണ്ടാകില്ല. എല്ലാവർക്കും ഞാൻ നന്ദിയർപ്പിക്കുന്നു'' -ഡി ബോർ പ്രസ്​താവനയിൽ പറഞ്ഞു.

Show Full Article
TAGS:De Boer Netherlands Euro Copa 
News Summary - De Boer steps down as Netherlands head coach
Next Story