'ഗോട്ടുകൾ​' അന്നും ഇന്നും ഹീറോസ്​ തന്നെ, മെസ്സി-ക്രിസ്​റ്റ്യോനോ ഷോ തുടരുന്നു

ലണ്ടൻ: മെസ്സി ഇരട്ടഗോളുമായി പി.എസ്​.ജിയുടെ ചാമ്പ്യൻസ്​ ലീഗ്​ തിരിച്ചുവരവിന്​ വഴിവെട്ടി 24 മിനിറ്റ്​ പൂർത്തിയായതേയുള്ളൂ, മറ്റൊരു സൂപ്പർ താരമായ ക്രിസ്റ്റ്യോനോ റൊണാൾഡോ മാഞ്ചസ്റ്റർ യുനൈറ്റഡിനെ അവസാന നിമിഷം വിജയ​ത്തേരിലേറ്റി.

നാടും നഗരവും ക്ലബും കുപ്പായവുമെല്ലാം മാറിയിട്ടും ഈ രണ്ടു പേർ ഫുട്​ബാളിലെ പകരംവെക്കാനില്ലാത്ത രാജാക്കന്മാരായി തുടരുകയാണ്​. കൗമാര സമയത്ത്​ തുടങ്ങിയ ഗോൾ വേട്ട ഇന്നും ഒരേ ആവേശത്തിൽ തുടരുന്നു. ഒരാൾക്ക്​ 36ഉം മറ്റൊരാൾക്ക്​ 34ഉം വയസ്​ പൂർത്തിയായെങ്കിലും കാൽപന്തിലെ മാന്ത്രികത മായുന്നേയില്ല.

ഫ്രീകിക്കും ലോങ്​ റെയ്​ഞ്ചറും പെനാൽറ്റിയും ഹെഡറുമായി കളിവഴിത്തിരിച്ചുവിടുന്നവർ ഇവർ തന്നെ. ആരൊക്കെ വന്നാലും പോയാലും ഇവർ കളമൊഴിയും വരെ ഈ പേരുകൾ കായിക ഭൂപടത്തിൽ നിറഞ്ഞു നിൽക്കും തീർച്ച. ഗോട്ട്​ (ഗ്രേറ്റസ്റ്റ്​ ഓഫ്​ ഓൾ ടൈം) എന്ന പദവി ഇരുവരും അവസാനം വരെ സ്വന്തം പേരിനൊപ്പം കൂടെക്കൂട്ടുമെന്നും ഉറപ്പ്​.

ആർ.ബി ലീപ്​സിഗിനെ 3-2ന്​ പി.എസ്​.ജി തോൽപിച്ച മത്സരത്തിനാലാണ്​ മെസ്സിയുടെ ഇരട്ടഗോളുകൾ ക്ലബിന്​ നിർണായകമായത്​.തൊട്ടടുത്ത ദിവസം അറ്റ്​ലാന്‍റക്കെതിരെ നിർണായക മത്സരത്തിൽ അവസാന നിമിഷം മാഞ്ചസ്റ്റർ യുനൈറ്റഡിനെ കാത്തത്​ ​​ക്രിസ്റ്റ്യാനോ ​െറാണാൾഡോയായിരുന്നു. മാഞ്ചസ്റ്റർ യുനൈറ്റഡിനായി 300ാം മത്സരത്തിലായിരുന്നും ക്രിസ്റ്റ്യാനോ രക്ഷകനായത്​.

ചാമ്പ്യൻസ്​ ലീഗ്​ ചരിത്രത്തിൽ രണ്ടു ഗോളിന്​ പിന്നിട്ടു നിന്നതിനു ശേഷം മാഞ്ചസ്റ്ററർ യുനൈറ്റഡ്​ തിരിച്ചുവരുന്നത്​ ഇത്​ മൂന്നാം തവണമാത്രമാണ്​.