യുവെ ആദ്യ ഇലവനിൽനിന്ന്​ പുറത്തായി ക്രിസ്​റ്റ്യാനോ; ടീം വിടാൻ അനുമതി തേടിയെന്ന അഭ്യൂഹം വീണ്ടും

റോം: സീരി എ പുതിയ സീസണിൽ ടീമിന്‍റെ കന്നി മത്സരത്തിൽ ക്രിസ്റ്റ്യാനോയെ ആദ്യ ഇലവനിൽ​ പുറത്തിരുത്തി കോച്ച്​ മാസിമിലാനോ അലെഗ്രി. ഉദിനീസിനെതിരായ മത്സരത്തിലാണ്​ റൊണാൾഡോ പകരക്കാരന്‍റെ റോളിലേക്ക്​ ചുരുങ്ങിയത്​. ടീം വിടാൻ താരം അനുമതി തേടിയെന്ന വാർത്തയും ക്ലബിന്‍റെ നിഷേധവും ചർച്ചയാകുന്നതിനിടെയാണ്​ 60ാം മിനിറ്റുവരെ സൂപർ താരം പുറത്തിരിക്കേണ്ടിവന്നത്​. അവസാന അര മണിക്കൂറിൽ ബൂട്ടുകെട്ടിയ റോണോ മകിച്ച പ്രകടനവുമായി സ്​കോർ ചെയ്​തതു ​പക്ഷേ അനുവദിക്കപ്പെട്ടില്ല. പൗലോ ഡിബാല, യുവാൻ ക്വാഡ്രാഡോ എന്നിവർ​െക്കാപ്പം മൊറാറ്റയെ ആണ്​ ആദ്യ ഇലവനിൽ അലെഗ്രി പരീക്ഷിച്ചത്​. മൂന്നു മിനിറ്റിനിടെ ഗോളടിച്ച്​ ഡിബാല ടീമിനെ മുന്നിലെത്തിച്ചപ്പോൾ ഡിബാല തന്നെ സഹായിച്ച്​ ക്വാഡ്രാഡോ ലീഡ്​ ഇരട്ടിയാക്കി. രണ്ടാം പകുതിയിൽ രണ്ടുവട്ടം തിരിച്ചടിച്ച്​ ഉദിനീസ്​ സമനില പിടിക്കുകയായിരുന്നു.

ടീം വിടാൻ ക്രിസ്റ്റ്യാനോ ശ്രമം ഊർജിതമാക്കിയെന്ന റിപ്പോർട്ടുകൾ സജീവമായി നിലനിൽക്കുന്നതിനിടെ ആദ്യ ഇലവനിൽ ഇറങ്ങാതിരുന്നത്​ അഭ്യൂഹങ്ങൾ ശക്​തമാക്കി. താരം തന്നെ ആവശ്യപ്പെട്ടാണ്​ ഇറങ്ങാതിരുന്നതെന്ന്​ ഇറ്റാലിയൻ മാധ്യമങ്ങൾ റിപ്പോർട്ട്​ ചെയ്​തു. ട്രാൻസ്​ഫർ സീസൺ അവസാനിക്കാൻ ദിവസങ്ങൾ മാത്രം ശേഷിക്കെ റയൽ മഡ്രിഡ്​, മാഞ്ചസ്റ്റർ സിറ്റി, യുനൈറ്റഡ്​, പി.എസ്​.ജി ഉൾപെടെ തട്ടകങ്ങൾ റോണോയുടെ വരവ്​ കാത്തിരിക്കുന്നുണ്ട്​. ഇതിൽ റയൽ മഡ്രിഡും മാഞ്ചസ്റ്റർ സിറ്റിയും പ്രവചനക്കാരു​െട പട്ടികയിൽ മുന്നിലാണ്​. മുൻനിര താരങ്ങൾക്കായി വൻതുക മുടക്കിയ പി.എസ്​.ജി നിലവിൽ താര​ത്തിനായി വലവീശാൻ സാധ്യത കുറവാണ്​. ആഗസ്റ്റ്​ 31നാണ്​ കൈമാറ്റ സാധ്യതകളുടെ വാതിൽ അടയുക.