Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_rightറൊണാൾഡോ ഒരു വിഡ്ഡി,...

റൊണാൾഡോ ഒരു വിഡ്ഡി, ​മൗറീന്യോ സമനില തെറ്റിയയാൾ; ​റയൽ പ്രസിഡന്‍റിന്‍റെ ശബ്​ദരേഖ പുറത്ത്​

text_fields
bookmark_border
Florentino Perez, Cristiano Ronaldo, jose Mourinho
cancel
camera_alt

പെരസ്​, റൊണാൾഡോ, മൗറീന്യോ

മഡ്രിഡ്​: റയൽ മഡ്രിഡ് പ്രസിഡന്‍റ്​ ഫ്ലോറന്‍റീനോ പെരസ്​ ക്ലബ്​​ താരങ്ങളായിരുന്ന റൗളിനെയും ഐകർ കസിയസിനെയും രൂക്ഷമായി വിമർശിക്കുന്ന ശബ്​ദരേഖകൾ പുറത്ത്​ വന്നത്​ ഫുട്​ബാൾ ലോകത്ത്​ വലിയ ചർച്ചയായിരുന്നു. എന്നാൽ, വിവാദങ്ങൾ അവിടെ കൊണ്ടൊന്നും അവസാനിക്കുന്ന മട്ടല്ല​. റയൽ മുൻ താരവും പോർചുഗൽ നായകനുമായ സൂപ്പർ താരം ക്രിസ്റ്റ്യാനോ റൊണാൾഡോയെയും മുൻ പരിശീലകൻ ഹോസെ മൗറീന്യോയെയും പെരസ്​ കളിയാക്കുകയും വിമർശിക്കുകയും ചെയ്യുന്നതിന്‍റെ പുതിയ ഓഡിയോ ക്ലിപ്പുകൾ 'എൽ കോൺഫിഡൻഷ്യൽ' പുറത്തുവിട്ടു. 2012 ഒക്​ടോബറിൽ നടന്നതാണ്​ സംഭാഷണമെന്നാണ്​ നിഗമനം.

റൊണാൾഡോയെ വിഡ്ഡി​യെന്നും മൗറീന്യോയെ സമനില തെറ്റിയ ആളെന്നും വിശേഷിപ്പിക്കുന്ന പെരസ് ഇരുവരും വലിയ അഹംഭാവികളാണെന്നും തുറന്നുപറയുന്നു.

'റൊണാൾഡോക്ക് ഭ്രാന്താണ്, അയാളൊരു വിഡ്ഢിയാണ്, അയാളുടെ മനോനില തെറ്റിയിരിക്കുന്നു. അയാൾ സാധാരണ നിലയിലാണെന്ന്​ നമുക്ക് തോന്നുമെങ്കിലും അതല്ല യാഥാർഥ്യം. നോർമലായിരുന്നെങ്കിൽ ഇങ്ങനെയൊന്നും ഉണ്ടാകുമായിരുന്നില്ല. അവസാനം ചെയ്‌ത മണ്ടത്തരം ലോകം മുഴുവൻ കണ്ടു കാണും. എന്തിനാണ് അയാളിങ്ങനെ വിഡ്ഡിത്തം എഴുന്നള്ളിക്കുന്നത്' -പെരസ് സംഭാഷണത്തിനിടെ പറഞ്ഞു. അഹംഭാവം കാണിക്കുന്നതിനും യാഥാർഥ്യത്തിന്​ നേരെ കണ്ണടക്കുകയും ചെയ്യുന്നതിന്​ റൊണാൾഡോക്കും മൗറീന്യോക്കും എതിരെ പെരസ് ആഞ്ഞടിക്കുന്നുണ്ട്​. ​

'ജോർജ് മെൻഡസിന് റൊണാൾഡോയുടെയും മൗറീന്യോയുടെയും മേൽ യാതൊരു നിയന്ത്രണവുമില്ല. അഭിമുഖങ്ങൾക്കും അവർ രണ്ടുപേരും അദ്ദേഹത്തിന്‍റെ അഭിപ്രായങ്ങൾ​ ചെവികൊള്ളാറില്ല. അവർ രണ്ടുപേർക്കും വലിയ തലക്കനമുണ്ട്​. വൻ തുക സമ്പാദിക്കുന്നത്​ കൊണ്ടു തന്നെ രണ്ടു പേരും യാഥാർഥ്യങ്ങളെ ഉൾക്കൊള്ളാൻ തയാറല്ല' -പെരസ് പറഞ്ഞു.

ഓഡിയോ ക്ലിപ്പിൽ ഇരുവരെയും കൂടാതെ പോർചുഗീസ്​ താരമായ ഫാബിയോ കോയണ്ട്രോയും പെരസിന്‍റെ വിമർശനത്തിന്​ പാത്രമാകുന്നുണ്ട്​. കഴിഞ്ഞ ദിവസം ശബ്​ദരേഖ പുറത്തു വന്നത്​ വിവാദമായതോടെ പെരസ്​ പ്രതികരണവുമായി രംഗത്തെത്തിയിരുന്നു. അത് വലിയൊരു സംഭാഷണത്തിലെ ചെറിയ ഭാഗം മാത്രമാണെന്നായിരുന്നു അദ്ദേഹത്തിന്‍റെ പ്രതികരണം.

ഏറെ കാലങ്ങൾക്ക്​ ശേഷം ഈ ഓഡിയോ ക്ലിപ്പുകൾ പുറത്തു വന്നതിൽ ദുരൂഹതയുണ്ടെന്നും യൂറോപ്യൻ സൂപ്പർ ലീഗുമായി വിഷയം ബന്ധപ്പെട്ടു കിടക്കുന്നതായി തനിക്ക്​ സംശയമുള്ളതായും അദ്ദേഹം പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:cristiano ronaldoaudio clipJose MourinhoFlorentino Perez
News Summary - Cristiano Ronaldo is an idiot and Mourinho is abnormal Florentino Perez says in New audio clips leaked
Next Story